Sarkaru Vaari Paata: ‘సర్కారువారి పాట’ అద్దె చెల్లించకుండా చూడొచ్చు!

హైదరాబాద్‌: మహేశ్‌బాబు(Mahesh babu) అభిమానులకు శుభవార్త. ఆయన కథానాయకుడిగా పరశురామ్‌ తెరకెక్కించిన యాక్షన్‌ ఎంటర్‌టైనర్‌ ‘సర్కారు వారి పాట’(Sarkaru Vaari Paata). కీర్తిసురేశ్‌ కథానాయిక. మే 12న ప్రేక్షకుల ముందుకు వచ్చిన ఈ సినిమా బాక్సాఫీస్‌ వద్ద మంచి విజయాన్ని అందుకుంది. ప్రస్తుతం అద్దె ప్రాతిపదికన అమెజాన్‌ ప్రైమ్‌లో అందుబాటులో ఉన్న సంగతి తెలిసిందే. రూ.199 చెల్లించి సినిమాను చూడొచ్చు. కాగా, జూన్‌ 23వ తేదీ నుంచి ఆ అద్దె కూడా చెల్లించకుండా అమెజాన్‌ ప్రైమ్‌ సబ్‌స్క్రైబర్లు ఉచితంగా ఈ సినిమాను చూడొచ్చు. ఈ విషయాన్ని ప్రైమ్‌ వీడియో తాజాగా ప్రకటించింది. గత కొంతకాలంగా కొత్త సినిమాలను అమెజాన్‌ ప్రైమ్‌ తొలుత అద్దె ప్రాతిపదికన అందుబాటులో ఉంచుతోంది. ఆ తర్వాత సబ్‌స్క్రైబర్లు ఉచితంగా చూసే వెసులుబాటును కల్పిస్తోంది.