Sarkaru Vaari Paata: మహేశ్‌ అభిమానులకు ‘సర్కారు వారి..’ మరో సర్‌ప్రైజ్‌

ఇంటర్నెట్‌ డెస్క్‌: ఎప్పుడెప్పుడా అని మహేశ్‌బాబు అభిమానులు, ప్రేక్షకులు ఎంతో ఆసక్తిగా ఎదురుచూసిన ‘సర్కారు వారి పాట’ గురువారం విడుదలై, సందడి చేస్తోంది. తెలుగు రాష్ట్రాలతో పాటు ఓవర్సీస్‌లోనూ ఈ చిత్రానికి విశేష స్పందన లభిస్తోంది. ఈ సందర్భంగా చిత్ర బృందం ఇప్పటికే ఓ కామెడీ సీన్‌ ప్రోమోను పంచుకోగా తాజాగా ‘టైటిల్‌ ర్యాప్’ పాటను విడుదల చేసింది. ‘చూడు చూడు దొర వేట మొదలు.. వాడిపోయే వీరి కట్టుకథలు’ అంటూ ప్రారంభమయ్యే ఈ ర్యాప్‌ను మహా రచించారు. శ్రావణ భార్గవి, మహా ఆలపించారు. ఈ చిత్రానికి తమన్‌ ఏ స్థాయిలో సంగీతం అందించారో తెలిసిందే. బ్యాంకింగ్‌ వ్యవస్థ, ఈఎంఐల నేపథ్యంలో సాగే ఈ కథను పరశురామ్‌ తెరకెక్కించారు. మహేశ్‌తోపాటు కథానాయిక కీర్తి సురేశ్‌ను చాలా కొత్తగా చూపించారంటూ అభిమానులు పరశురామ్‌పై ప్రశంసలు కురిపిస్తున్నారు.

► Read latest Movies News and Telugu News

► Follow us on Facebook, Twitter, Instagram, Koo, ShareChat and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.