Sarkaru Vaari Paata: పైరసీకి పాల్పడుతుంటే తెలియజేయండి.. ‘సర్కారు..’ టీమ్‌ విజ్ఞప్తి

ఇంటర్నెట్‌ డెస్క్‌: మహేశ్‌బాబు(Mahesh babu) హీరోగా పరశురామ్‌ తెరకెక్కించిన చిత్రం ‘సర్కారు వారి పాట’(Sarkaru vaari paata). యాక్షన్‌- కామెడీ నేపథ్యంలో రూపొందిన ఈ సినిమా గురువారం విడుదలకానుంది. ఈ నేపథ్యంలో పైరసీని ప్రోత్సహించొద్దంటూ చిత్ర బృందం ప్రేక్షకులకు విజ్ఞప్తి చేసింది. సినిమాకు సంబంధించి ఎలాంటి ఫొటోలు, వీడియోలను ఫోన్లలో చిత్రీకరించి నెట్టింట పోస్ట్‌ చేయొద్దని కోరింది. ఎక్కడైనా ఎవరైనా పైరసీకి పాల్పడుతున్నట్టు తెలిస్తే 89786 50014, 99124 25159, 88811 08888 నంబర్లుకు వాట్సాప్‌, antipiracysolutions.org వెబ్‌సెట్‌ ద్వారా సమాచారం ఇవ్వొచ్చని పేర్కొంది. మహేశ్‌ విభిన్న లుక్‌లో నటించడం, ‘గీత గోవిందం’ హిట్‌ తర్వాత పరశురామ్ దర్శకత్వం వహించిన సినిమా కావడంతో ‘సర్కారు..’పై సినీ అభిమానుల్లో భారీ అంచనాలు నెలకొన్నాయి. వారి ఎదురుచూపులకు మరికొన్ని గంటల్లోనే తెరపడనుంది. ఈ క్రేజీ ప్రాజెక్టులో మహేశ్‌ సరసన కీర్తి సురేశ్‌(Keerthy suresh) సందడి చేయనుంది. ఈ సినిమాకు తమన్‌ అందించిన సంగీతం ఇప్పటికే మారుమోగింది.