Sarkaru Vaari Paata: ‘సర్కారువారి పాట’విడుదలయ్యే ఓటీటీ వేదిక ఇదే!

హైదరాబాద్‌: మహేశ్‌బాబు(Mahesh babu) కథానాయకుడిగా నటించిన ‘సర్కారువారి పాట’(Sarkaru Vaari Paata) విడుదలై కామెడీ, యాక్షన్‌ ఎంటర్‌టైనర్‌గా అభిమానులను అలరిస్తోంది. మహేశ్‌బాబు నటన, ప్రథమార్ధంలో కామెడీ, యాక్షన్‌ సన్నివేశాలు సినిమాకు బలాన్ని తెచ్చాయి. సినిమా విడుదలయ్యే వరకూ ‘సర్కారువారి పాట’ ఏ ఓటీటీలో వస్తుందో ఎవరికీ తెలియలేదు. ఈ సినిమా హక్కును ప్రముఖ ఓటీటీ అమెజాన్‌ ప్రైమ్‌ వీడియో దక్కించుకుంది. థియేట్రికల్‌ రన్‌ పూర్తయిన తర్వాత ఈ సినిమా అమెజాన్‌ ప్రైమ్‌ వేదికగా స్ట్రీమింగ్‌ కానుంది. ఇప్పటికే అమెజాన్‌ ప్రైమ్‌ వీడియో ‘కేజీయఫ్‌2’ ఓటీటీ రైట్స్‌ దక్కించుకోగా, ఇప్పుడు ‘సర్కారువారి పాట’ కూడా అమెజాన్‌ లైబ్రరీలో చేరింది.