Sarkaru VaariPaata: సర్కారు వారి పాట.. ఎఫ్‌3 విడుదల తేదీలు ఖరారు

హైదరాబాద్‌: మహేశ్‌బాబు కథానాయకుడిగా పరుశురామ్‌ దర్శకత్వంలో తెరకెక్కుతున్న యాక్షన్‌ ఎంటర్‌టైనర్‌ ‘సర్కారువారి పాట’. సంక్రాంతి కానుకగా విడుదల కావాల్సిన కరోనా కారణంగా ఏప్రిల్‌ 1న ప్రేక్షకుల ముందుకు తీసుకురానున్నట్లు తెలిపారు. ఇప్పుడు ‘ఆర్ఆర్‌ఆర్‌’, ‘ఆచార్య’ చిత్రాల విడుదల తేదీలు ప్రకటించడంతో ‘సర్కారు వారిపాట’ చిత్రాన్ని మే 12న విడుదల చేయనున్నట్లు చిత్ర బృందం తెలిపింది. కీర్తి సురేశ్‌ కథానాయికగా నటిస్తున్న ఈ సినిమాకు తమన్‌ సంగీతం అందిస్తున్నారు. ప్రేమికుల దినోత్సవం సందర్భంగా ఫిబ్రవరి 14న ‘సర్కారు వారి పాట’ నుంచి ప్రేమగీతాన్ని విడుదల చేయనున్నారు.

ఈ వేసవిలో నవ్వుల జల్లులతో తడిపేందుకు తామూ సిద్ధం అంటున్నారు వెంకటేశ్‌, వరుణ్‌తేజ్‌. అనిల్‌ రావిపూడి దర్శకత్వంలో వారిద్దరూ కలిసి నటించిన చిత్రం ‘ఎఫ్‌3’. తమన్నా, మెహరీన్‌ కథానాయికలు. ఇటీవల చిత్రీకరణ పూర్తి చేసుకున్న ఈ సినిమా ఏప్రిల్‌ 28న ప్రేక్షకుల ముందుకు తీసుకురానున్నట్లు ప్రకటించారు. దేవిశ్రీ ప్రసాద్‌ స్వరాలు సమకూరుస్తున్న ఈ చిత్రాన్ని దిల్‌రాజు నిర్మిస్తున్నారు.