Shaakuntalam: సమంత ‘శాకుంతలం’ విడుదల వాయిదా.. కారణం ఏంటంటే?

ఇంటర్నెట్‌ డెస్క్‌: సమంత (Samantha) ప్రధాన పాత్రలో నటించిన చిత్రం ‘శాకుంతలం’ (Shaakuntalam). గుణశేఖర్‌ దర్శకుడు. ఈ పాన్‌ ఇండియా సినిమా విడుదలను వాయిదా వేసినట్టు చిత్ర బృందం గురువారం ప్రకటించింది. శాకుంతలం ప్రపంచాన్ని కళ్లకు కట్టినట్టు చూపించేందుకు ఈ సినిమాని 3డీ వెర్షన్‌లో తీసుకురాబోతున్నారు. సంబంధిత కార్యక్రమాలకు కొంత సమయం పడుతుండటంతో నవంబరు 4న విడుదల చేయాల్సిన ఈ చిత్రాన్ని వాయిదా వేశారు. కొత్త విడుదల తేదీని త్వరలోనే తెలియజేస్తామని నిర్మాణ సంస్థ ‘గుణ టీమ్‌ వర్క్స్‌’ పేర్కొంది. కాళిదాసు రచించిన సంస్కృత నాటకం అభిజ్ఞాన శాకుంతలం ఆధారంగా ఈ చిత్రాన్ని తెరపైకి తీసుకొస్తున్నారు. శకుంతల, దుష్యంత మహారాజుల మధ్య ఉన్న అజరామరమైన ప్రణయ గాథ నేపథ్యంలో ఈ సినిమా సాగుతుంది. శకుంతల పాత్రను సమంత పోషించగా.. దుష్యంత మహారాజు పాత్రలో దేవ్‌ మోహన్‌ నటించారు. మోహన్‌బాబు, మధుబాల, గౌతమి తదితరులు కీలక పాత్రలు పోషించారు.