Shaakuntalam: ‘శాకుంతలం’ ట్రైలర్‌ వచ్చేస్తోంది

కాళిదాసు రచించిన సంస్కృత నాటకం అభిజ్ఞాన శాకుంతలం ఆధారంగా గుణశేఖర్‌ తెరకెక్కించిన చిత్రం ‘శాకుంతలం’ (Shaakuntalam). ఈ అజరామరమైన ప్రేమకథలో టైటిల్‌ పాత్రను సమంత (Samantha) పోషించగా.. దుష్యంతుడిగా దేవ్‌ మోహన్‌ (Dev Mohan) నటించారు. ఈ పాన్‌ ఇండియా సినిమా ఫిబ్రవరి 17న విడుదల కానున్న నేపథ్యంలో ప్రచార పర్వాన్ని వేగవంతం చేస్తోంది చిత్ర బృందం. ఇందులో భాగంగా ఈ నెల 9న చిత్ర ట్రైలర్‌ను విడుదల చేయనున్నారు. ఈ విషయాన్ని శుక్రవారం అధికారికంగా ప్రకటించారు. విజువల్‌ వండర్‌గా ప్రేక్షకులకు సరికొత్త అనుభూతిని పంచేందుకు ఈ సినిమాని త్రీడీలో రూపొందిస్తున్నట్లు చిత్ర వర్గాలు తెలిపాయి. ఈ సినిమాని నీలిమ గుణ నిర్మిస్తుండగా.. ప్రముఖ నిర్మాత దిల్‌రాజు సమర్పిస్తున్నారు.