Shah Rukh Khan: ‘మీ సొట్టబుగ్గపై ముద్దు పెట్టుకోవచ్చా?’.. ఆసక్తికర రిప్లై ఇచ్చిన షారుక్‌

ఇంటర్నెట్‌ డెస్క్‌: ‘పఠాన్‌’, ‘జవాన్‌’లతో ఈ ఏడాది వరుస విజయాలు అందుకున్న బాలీవుడ్‌ అగ్ర నటుడు షారుక్‌ ఖాన్‌ (Shah Rukh Khan). ప్రస్తుతం ‘డంకీ’ (Dunki) సినిమాలో నటిస్తున్నారు. షూటింగ్‌కు కాస్త బ్రేక్‌ ఇచ్చిన ఆయన సామాజిక మాధ్యమం ‘ఎక్స్‌’ (ట్విటర్‌) వేదికగా అభిమానులతో చిట్‌చాట్‌ నిర్వహించారు. ఈ క్రమంలోనే లేడీఫ్యాన్‌ ఒకరు ‘మీ డింపుల్‌పై ముద్దు పెట్టుకోవచ్చా?’ అని అడిగారు. మరి, ఈ ప్రశ్నకు షారుక్‌ సమాధానమేంటో తెలుసుకోవాలనుందా..?

సర్‌.. మీ సొట్టబుగ్గపై ముద్దు పెట్టుకోవచ్చా?

షారుక్‌: కుడి వైపుదా, ఎడమ వైపుదా?దయచేసి అడ్వాన్స్‌ బుక్‌ చేసుకోండి.

నిద్రలేవగానే మీరు చేసే మొదటి పని ఏంటి? జవాన్‌లో మీకు నచ్చిన సన్నివేశమేది?

షారుక్‌: నా కలలను సాకారం చేసుకోవడానికి ప్రయత్నిస్తుంటాను. జవాన్‌లో నాకు అన్ని సన్నివేశాలు ఇష్టమే. క్లైమాక్స్‌ సీన్‌ నాకెంతో ప్రత్యేకమైనది.

‘జవాన్‌’ కోసం లక్షలమంది థియేటర్‌కు వచ్చారు. ఎలా అనిపిస్తోంది?

షారుక్‌: నేను ఇంతమందిని అలరించగలిగినందుకు చాలా ఆనందంగా ఉంది. ఇంతమందికి వినోదాన్నిచ్చినందుకు ఓ నటుడిగా ఎంతో తృప్తిగా ఉంది.

‘పఠాన్‌’, ‘జవాన్’ల్లో ఉన్నట్లే ‘డంకీ’లో కూడా యాక్షన్‌ సన్నివేశాలను ఆశించవచ్చా?

షారుక్‌: ‘డంకీ’ ఎన్నో భావోద్వేగాలతో కూడిన వినోదాత్మక చిత్రం. రాజ్‌కుమార్‌ హిరాణీ ప్రపంచంలో యాక్షన్‌ సన్నివేశాలు కూడా ఉండొచ్చు. ఆయన మంచి దర్శకుడే కాదు.. ఎడిటర్‌ కూడా. అందుకే నేను వాటి గురించి ఇప్పుడు చెప్పలేను.

యశ్‌ చోప్రా గురించి ఒక్కమాటలో చెప్పండి?

షారుక్‌: ఆయన్ని ఎప్పటికీ ప్రేమిస్తుంటాను. ఈ సమయంలో ఆయన నా పక్కన ఉంటే ఎంతో సంతోషించేవాడిని. ఆయన్ని చాలా మిస్‌ అవుతున్నా.

2024లో ఏదైనా మాస్‌ సినిమా తీస్తారా?

షారుక్‌: నేను చాలా క్లాస్‌ హీరోని.

ఆ విషయం చెబితే మహేశ్‌ కంగారు పడ్డాడు: సుధీర్‌ బాబు

డంకీ సినిమా ఎలా ఉండనుంది?

షారుక్‌: చాలా బాగుంటుంది. నిజ జీవితాలకు దగ్గరగా ఉంటుంది.

టైగర్‌-3 టీజర్‌ చూశారా?

షారుక్‌: అద్భుతంగా ఉంది. నాకెంతో నచ్చింది.

సర్‌.. ‘జవాన్‌’ ఫేక్‌ కలెక్షన్ల మాటేంటి? 

షారుక్‌:  వసూళ్లు ఎంతో మీరు శ్రద్ధగా లెక్కిస్తూ ఉండండి!

సోషల్‌ మీడియాలో ఫ్యాన్స్‌ వార్‌ విషయంలో మీ అభిమానులు ప్రశాంతంగా ఉండేలా ఓ సలహా ఇవ్వండి?

షారుక్‌: ఇది నిజంగా మంచి ఆలోచన. మనమందరం సహనం, గౌరవం కలిగి ఉండాలి. ఎవరిపై అసభ్య పదజాలాన్ని ఉపయోగించవద్దు. ప్రేమను మాత్రమే పంచాలి.

క్రికెట్‌ కోహ్లీ గురించి ఏమైనా చెప్పండి..

షారుక్‌: కోహ్లీ అంటే నాకు అభిమానం. అతడు బాగుండాలని ఎప్పుడూ కోరుకుంటా.

సర్‌.. ‘జవాన్‌’ చూసేందుకు టికెట్ల కోసం ప్రయత్నించగా అన్ని చోట్లా హౌస్‌ఫుల్‌ బోర్డులు కనిపిస్తున్నాయి..

షారుక్‌: ప్రియమైన వారితో కలిసి మీరు చూడాలనుకుంటే తగిన ఏర్పాట్ల గురించి నేను చూసుకుంటా.

‘డంకీ’ అనుకున్న తేదీనే వస్తుందా?

షారుక్‌: అవును. అనుకున్న తేదీనే (డిసెంబరు 22) రిలీజ్‌ ఫిక్స్‌.

ఓ రోజు ముందుగానే..!

షారుక్‌ ఖాన్‌కు విదేశాల్లోనూ భారీ ఫ్యాన్‌ ఫాలోయింగ్‌ ఉన్న సంగతి తెలిసిందే. దీంతో గ్లోబల్‌ మార్కెట్‌లో ప్రభాస్‌ ‘సలార్‌’ కంటే ఒక రోజు ముందే (డిసెంబర్‌ 21) ‘డంకీ’ని విడుదల చేయాలని ఆయన భావిస్తున్నారట. ఈ మేరకు నిర్మాణ సంస్థ డిస్ట్రిబ్యూటర్లకు సందేశాలు కూడా పంపినట్లు తెలుస్తోంది. ‘జవాన్‌’కు కూడా ఓవర్సీస్‌లో మంచి కలెక్షన్లు వచ్చాయి. దీన్ని దృష్టిలో పెట్టుకుని ‘డంకీ’ (Dunki) విషయంలో ఈ నిర్ణయం తీసుకున్నారని టాక్‌ వినిపిస్తోంది. అలాగే ఈ సినిమా ప్రచారం విషయంలోనూ నిర్మాణసంస్థ కొత్త ప్రణాళికలు వేస్తోందట. ఈ సారి సౌత్‌లోనూ ప్రమోషన్స్‌ జోరు పెంచాలని నిర్ణయించుకున్నారట.