Shamshera: బాహుబలి, కేజీఎఫ్‌లను తలపించేలా ‘షంషేరా’ ట్రైలర్‌!

ద్విపాత్రాభినయంతో అదరగొట్టిన రణ్‌బీర్‌కపూర్‌

ఇంటర్నెట్‌ డెస్క్‌: ‘‘స్వాతంత్ర్యం ఊరికే రాదు. పోరాడి సాధించుకోవాలం’’టూ దూసుకువస్తున్నాడు రణ్‌బీర్‌ కపూర్‌ (Ranbir Kapoor). ఆయన ద్విపాత్రాభినయంలో నటించిన ‘షంషేరా’ (Shamshera) ట్రైలర్‌ని శుక్రవారం ఉదయం చిత్రబృందం విడుదల చేసింది. ఓ వైపు యోధుడిగా, మరోవైపు దొంగగా రణ్‌బీర్‌ నటన ఆకట్టుకునేలా ఉంది. ప్రతినాయకుడిగా సంజయ్‌ దత్‌(Sanjay Dutt) ఆహార్యం, సంభాషణలు ప్రేక్షకుల్ని మెప్పించేలా సాగాయి. కళ్లు చెదిరే పోరాట దృశ్యాలు, పవర్‌ఫుల్‌ డైలాగ్స్‌తో ట్రైలర్‌ ఆద్యంతం ఆసక్తికరంగా ఉంది. చారిత్రక కథాంశంతో ఈ సినిమా రూపుదిద్దుకున్నట్లు ట్రైలర్‌ చూస్తే అర్థమవుతోంది. కరణ్‌ మల్హోత్ర ఈ చిత్రానికి దర్శకత్వం వహించారు. యశ్‌రాజ్‌ ఫిల్మ్స్‌ పతాకంపై ఆదిత్య చోప్రా దీన్ని నిర్మించారు. వాణీకపూర్‌(Vaani Kapoor) కథానాయిక. జులై 22న ఈ సినిమా విడుదల కానుంది.