Shamshera: స్వాతంత్య్రం భిక్షకాదు.. పోరాడి సాధించాలి

‘కర్మ వల్ల దొంగలం..ధర్మంగా స్వతంత్రులం...’అంటూ పోరాడుతున్నాడు రణ్‌బీర్‌ కపూర్‌ (Ranbir Kapoor). ఆయన ద్విపాత్రాభినయం చేసిన చిత్రం ‘షంషేరా’ (Shamshera). కరణ్‌ మల్హోత్ర దర్శకత్వం వహించిన ఈ సినిమా ట్రైలర్‌ శుక్రవారం విడుదలై ఆకట్టుకుంటోంది. ఓ వైపు యోధుడిగా, మరో వైపు దొంగగా రణ్‌బీర్‌ ఆహార్యం, నటన అలరించేలా ఉన్నాయి. పోలీస్‌ అధికారి పాత్రలో సంజయ్‌ దత్‌ (Sanjay Dutt) శక్తిమంతంగా కనిపించారు. ‘యాచించడానికి స్వాతంత్య్రం భిక్ష కాదు...పోరాడి సాధించుకోవాలి..’ లాంటి సంభాషణలతో పాటు ఇందులోని  పోరాట దృశ్యాలు ఆకట్టుకుంటాయి. వాణీ కపూర్‌ కథానాయికగా యశ్‌రాజ్‌ ఫిలిమ్స్‌ నిర్మిస్తోన్న ఈ చిత్రాన్ని జులై 22న విడుదల చేస్తున్నారు.