Adipurush: ‘ఆదిపురుష్‌’డికి శరద్‌ డబ్బింగ్‌

అగ్ర హీరో ప్రభాస్‌ (Prabhas), కృతి సనన్‌ (Kriti Sanon) నాయకానాయికలుగా తెలుగు, హిందీ భాషల్లో రూపొందుతున్న పౌరాణిక చిత్రం ‘ఆదిపురుష్‌’ (Adipurush). రామాయణం ఆధారంగా తెరకెక్కుతోంది. ఓం రౌత్‌ దర్శకుడు. ప్రభాస్‌ రాముడి పాత్ర పోషిస్తుండగా, కృతి సీతగా నటిస్తోంది. సైఫ్‌ అలీఖాన్‌ లంకేశుడిగా కనిపిస్తారు. నిర్మాణానంతర కార్యక్రమాల్లో ఉన్న ఈ చిత్రంలో హిందీలో ప్రభాస్‌ పాత్రకి శరద్‌ కేల్కర్‌ డబ్బింగ్‌ చెప్పనున్నారు. ‘రాముడి పాత్రకు గొంతు ఇవ్వడం నా అదృష్టంగా భావిస్తున్నా. దర్శకుడు ఓం రౌత్‌ మొదటి రోజు నుంచే నేను ప్రభాస్‌ పాత్రకు డబ్బింగ్‌ చెప్పాలని భావించారు’ అంటూ శరద్‌ కేల్కర్‌ మంగళవారం ట్వీట్‌ చేశారు. ‘ఆదిపురుష్‌’ వచ్చే ఏడాది జూన్‌ 16న ప్రేక్షకుల ముందుకొస్తోంది.