BRO: ‘బ్రో’ ఐటెమ్‌ సాంగ్‌ కోసం ఆ ఇద్దరు స్టార్‌ హీరోయిన్లు..!

హైదరాబాద్‌: పవన్‌ కల్యాణ్‌, ఆయన మేనల్లుడు సాయి ధరమ్‌ తేజ్‌ (Sai Dharam Tej)తో కలిసి నటిస్తోన్న సినిమా ‘బ్రో’ (BRO). సముద్రఖని దర్శకత్వంలో రానున్న మెగా మల్టీస్టారర్‌ విడుదలకు ముందే అందరి దృష్టిని ఆకర్షిస్తోంది. ఈ సినిమాకు సంబంధించి రోజుకో అప్‌డేట్‌ ఇస్తూ ఫ్యాన్స్‌లో జోష్‌ పెంచుతోంది చిత్రబృందం. తాజాగా ఈ మూవీపై ఓ వార్త సోషల్‌ మీడియాలో వైరలవుతోంది. 

ఈ సినిమాలో ఒక మాస్‌ ఐటెమ్‌ సాంగ్‌ను పెట్టాలని ప్లాన్‌ చేస్తోందట మూవీ యూనిట్‌. ఆ పాట కోసం ఇద్దరు స్టార్‌ హీరోయిన్లను కూడా సంప్రదించారట. అందులో శ్రుతి హాసన్‌ (Shruti Haasan), దిశా పటానీ (Disha Patani) పేర్లు బాగా వినిపిస్తున్నాయి. వీళ్లిద్దరిలో ఒకరు ఈ సినిమాలో ఆడిపాడనున్నట్లు సమాచారం. ఇప్పటికే ఈ ఐటెమ్‌ సాంగ్‌ కోసం పబ్‌ సెట్‌ను కూడా సిద్ధం చేశారు. త్వరలోనే  దీని షూటింగ్‌ జరగనుంది. ఇక ఈ పాటలో పవన్‌ కల్యాణ్‌ - సాయి ధరమ్‌ తేజ్‌ ఇద్దరూ కనిపించనున్నారట. మరి వీళ్లిద్దరితో కలిసి డ్యాన్స్‌ చేయనున్న హీరోయిన్‌ ఎవరో తెలియాలంటే అధికారిక ప్రకటన వచ్చే వరకు వేచిచూడాల్సిందే.

ఇద్దరు మెగా హీరోలు కలిసి నటిస్తోన్న ఈ సినిమా కోసం మెగా అభిమానులతో పాటు సినీ ప్రేక్షకులంతా ఎదురుచూస్తున్నారు. ఈ చిత్రంలో పవన్‌ కల్యాణ్‌ (Pawan Kalyan) మరోసారి భగవంతుడిగా కనిపించనున్నాడు. తాజాగా ఈ సినిమా ఫైనల్‌ షెడ్యూల్‌ను కూడా ప్రారంభించారు. ఈ షెడ్యూల్‌లో ప్రధాన తారాగణంపై కీలక సన్నివేశాలు తెరకెక్కించనున్నారు.