Shruti Hassan: పోరాటం చేస్తున్నా

‘‘ఇప్పుడు శారీరకంగా నేను పర్‌ఫెక్ట్‌గా లేను. మానసికంగా చాలా దృఢంగా ఉన్నా’’ అంటోంది నటి శ్రుతిహాసన్‌ (Shuti Hassan). ప్రస్తుతం తాను హార్మోన్ల సమస్యల నుంచి బయట పడేందుకు పోరాటం చేస్తున్నానని చెప్పుకొచ్చింది. ఈ మేరకు సామాజిక మాధ్యమాల్లో ఓ పోస్ట్‌ పెట్టింది. ‘‘ప్రస్తుతం నేను కొన్ని చెత్త హార్మోన్ల సమస్యల్ని ఎదుర్కొంటున్నా. దాని నుంచి బయటపడేందుకు పోరాటం చేస్తున్నా. సరిగ్గా తినడం.. బాగా నిద్రపోవడం.. నా పనిని ఆస్వాదించడం ద్వారా నా హృదయాన్ని దృఢంగా ఉంచుకునే ప్రయత్నం చేస్తున్నా’’ అని చెప్పుకొచ్చింది శ్రుతి. ప్రస్తుతం ఆమె ‘సలార్‌’లో(SALAAR) ప్రభాస్‌తో (Prabhas) జోడీ కట్టనుంది. అలాగే గోపీచంద్‌ మలినేని - బాలకృష్ణ (Balakrishna) సినిమాలోనూ నాయికగా నటిస్తోంది.