లాక్‌డౌన్‌ నిబంధనలు పాటించండి: సునీత

ఇంటర్నెట్‌ డెస్క్‌: ప్రభుత్వం లాక్‌డౌన్‌ ప్రకటించిన సందర్భంగా అందరూ నిబంధనలు పాటించాలని గాయని సునీత కోరారు. మద్యం దుకాణాల వద్ద జనం గుమిగూడటం దురదృష్టకరమైన విషయమని ఆమె అన్నారు.  ప్రతిరోజు రాత్రి 8 గంటలకు వచ్చి ఇన్‌స్టాగ్రామ్‌ వేదికగా లైవ్‌లోకి వచ్చి ఆమె పాటలు ఆలపిస్తున్నారు. మంగళవారం కూడా ఆమె లైవ్‌లో అభిమానులు కోరిన పాటలు పాడి అలరించారు. నెటిజన్లు పెట్టే కామెంట్లు చదువుతూ వాటిపై స్పందించారు. కరోనా వేళ ప్రజలకు కాస్త ఉపశమనం కలిగించాలన్న ఉద్దేశంతో ఆమె ఈ కార్యక్రమానికి శ్రీకారం చుట్టారు. కరోనా సమయంలో అందరూ మాస్క్ పెట్టుకోవడంతో పాటు శానిటైజర్‌ రాసుకోవాలని ఆమె సూచించారు. ఆమె ఇంకా ఏ పాటలు పాడారో వినేయండి ఇక్కడ..