Sita Ramam: యుద్ధంతో ‘సీతారామం’

దుల్కర్‌ సల్మాన్‌ కథా నాయకుడిగా స్వప్న సినిమా పతాకంపై ఓ చిత్రం తెరకెక్కుతోంది. మృణాళిని ఠాకూర్‌ కథానాయిక. ఇందులో ‘అఫ్రీన్‌’ అనే కీలక పాత్రలో రష్మిక మందన్న నటిస్తోంది. హను రాఘవపూడి దర్శకుడు. అశ్వినీదత్‌, ప్రియాంకదత్‌ నిర్మాతలు. ఈ సినిమాకి ‘సీతారామం’ అనే పేరుని ఖరారు చేశారు. శ్రీరామనవమి పర్వదినం సందర్భంగా టైటిల్‌ ప్రకటించారు. సీత పాత్రలో మృణాళిని, లెఫ్టినెంట్‌ రామ్‌ పాత్రలో దుల్కర్‌ సల్మాన్‌ ఈ చిత్రంలో కనిపించనున్నారు. దీన్ని తెలుగుతోపాటు, తమిళం, మలయాళ భాషల్లో ఏకకాలంలో విడుదల చేయనున్నారు. సుమంత్‌, గౌతమ్‌ మేనన్‌, ప్రకాష్‌రాజ్‌ తదితరులు నటిస్తున్న ఈ చిత్రానికి ఛాయాగ్రహణం: పి.ఎస్‌.వినోద్‌, సంగీతం: విశాల్‌ చంద్రశేఖర్‌, కూర్పు: కోటగిరి వెంకటేశ్వరరావు, కళ: వైష్ణవిరెడ్డి, ప్రొడక్షన్‌ డిజైన్‌: సునీల్‌ బాబు.