Sita Ramam: యుద్ధంతో రాసిన ప్రేమ కథ.. ‘సీతారామం’ను ఇలా తెరకెక్కించారు

ఇంటర్నెట్‌ డెస్క్‌: ‘యుద్ధంతో రాసిన ప్రేమ కథ’ అంటూ ప్రేక్షకుల్లో ఆసక్తిని పెంచింది ‘సీతారామం’ (Sita Ramam) చిత్ర బృందం. యుద్ధంతో ముడిపడిన ఆ ప్రేమ కథ ఎలా ఉంటుందో మరికొన్ని గంటల్లోనే తెలియనుంది. ఈ నేపథ్యంలోనే.. అసలు ఆ కథ ఎలా తెరకెక్కిందో తెలియజేసే వీడియోను చిత్ర బృందం తాజాగా విడుదల చేసింది. ఏ ఏ లొకేషన్లలో ఈ సినిమాను చిత్రీకరించారో, ఎవరెవరు నటించారో ఈ మేకింగ్‌లో చూడొచ్చు. కశ్మీర్‌ నేపథ్యంలో సాగే సన్నివేశాలు ఈ చిత్రంలో హైలెట్‌గా నిలిచేలా ఉన్నాయి. దుల్కర్‌ సల్మాన్‌ (Dulquer Salmaan) హీరోగా దర్శకుడు హను రాఘవపూడి రూపొందించిన చిత్రమిది. మృణాల్‌ ఠాకూర్‌ (Mrunal Thakur) కథానాయిక. సుమంత్‌, రష్మిక, గౌతమ్‌ మేనన్‌, తరుణ్‌ భాస్కర్‌ తదితరులు కీలక పాత్రలు పోషించారు. స్వప్న సినిమా సంస్థ నిర్మించిన ఈ చిత్రం ఈ శుక్రవారం విడుదల కాబోతుంది.