Sita Ramam: ‘సీతా రామం’.. గుర్తుండిపోయే చిత్రం
దుల్కర్ సల్మాన్ కథానాయకుడిగా హను రాఘవపూడి తెరకెక్కించిన బహుభాషా చిత్రం ‘సీతా రామం’. వైజయంతి మూవీస్ సమర్పణలో స్వప్నదత్ నిర్మించారు. మృణాల్ ఠాకూర్ కథానాయిక. రష్మిక, సుమంత్ కీలక పాత్రలు పోషించారు. ఈ సినిమా ఆగస్టు 5న ప్రేక్షకుల ముందుకు రానుంది
దుల్కర్ సల్మాన్(Dulquer Salmaan) కథానాయకుడిగా హను రాఘవపూడి(Hanu Raghavapudi) తెరకెక్కించిన బహుభాషా చిత్రం ‘సీతా రామం’(Sita Ramam). వైజయంతి మూవీస్ సమర్పణలో స్వప్నదత్ నిర్మించారు. మృణాల్ ఠాకూర్(Mrunal Thakur) కథానాయిక. రష్మిక(Rashmika), సుమంత్(Sumanth) కీలక పాత్రలు పోషించారు. ఈ సినిమా ఆగస్టు 5న ప్రేక్షకుల ముందుకు రానుంది. ఈ నేపథ్యంలోనే శనివారం హైదరాబాద్లో టీజర్ విడుదల చేశారు. ఈ సందర్భంగా హీరో దుల్కర్ సల్మాన్ మాట్లాడుతూ.. ‘‘టీజర్ అందరికీ నచ్చిందనుకుంటున్నా. చాలా గొప్ప కథ ఇది. ప్రేమకథతో పాటు యుద్ధం లాంటి సంఘర్షణ కనిపిస్తుంది. నాకెంతో గుర్తుండిపోయే చిత్రమిది. దీన్ని తెరకెక్కించడం ఎంతో సవాల్గా అనిపించింది. ఎన్నో అందమైన లొకేషన్లలో చిత్రీకరణ జరిపాం. అంతకు ముందెప్పుడూ చూడని అందమైన ప్రాంతాల్ని ఈ సినిమా వల్ల చూశా. విశాల్ అద్భుతమైన సంగీతమందించారు’’ అన్నారు. ‘‘సినిమా చాలా అందంగా వచ్చింది. తొలిసారి దుల్కర్తో పని చేశా. హనుతో రెండో చిత్రమిది. ఇంత మంచి చిత్రంలో భాగమైనందుకు ఆనందంగా ఉంది’’ అన్నారు సంగీత దర్శకుడు విశాల్ చంద్రశేఖర్. హను రాఘవపూడి మాట్లాడుతూ.. ‘‘చాలా గొప్ప ప్రేమకథ ఇది. ఎంతో మ్యాజికల్గా ఉంటుంది. ప్రేక్షకులకు ఓ మంచి అనుభూతి అందించడం కోసమే కొన్ని వందల మంది రెండేళ్ల పాటు కష్టపడ్డారు. దుల్కర్ నుంచి మీరెంత ఆశించినా పర్లేదు. తను ఇప్పటి వరకు మంచి కంటెంట్ ఇస్తూనే ఉన్నాడు. ఈ సినిమాలో లెఫ్టినెంట్ రామ్గా తనని చాలా ప్రేమిస్తారు. మైనస్ 24డిగ్రీల సెల్సియస్లోనూ షూట్ చేశాం. దుల్కర్, స్వప్న దత్ల సహకారం వల్లే ఇది సాధ్యమైంది. సినిమా చాలా బాగా వచ్చింది’’ అన్నారు. ‘‘మహానటి’ తర్వాత నేనెంతో ఆచితూచి ఎంపిక చేసి దుల్కర్కు పంపిన కథ ఇది. స్క్రిప్ట్ విన్న వెంటనే చేస్తానని చెప్పాడు. తనకు ఈ కథపై ఉన్న నమ్మకం మాపై బాధ్యతను మరింత పెంచింది’’ అన్నారు నిర్మాత స్వప్న దత్.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆడపిల్ల ఉన్న ప్రతి కుటుంబానికీ నచ్చే చిత్రం
సుమన్ తేజ్, గరీమ చౌహాన్ జంటగా తెరకెక్కిన చిత్రం ‘సీతా కళ్యాణ వైభోగమే’. సతీష్ పరమవేద దర్శకత్వం వహించగా, రాచాల యుగంధర్ నిర్మించారు -
బెంగాలీ అమ్మాయి.. నాన్న కొట్టిన చెంప దెబ్బ.. ఇవే ఆలోచనలు: పూరి జగన్నాథ్
పూరి మ్యూజింగ్స్లో ‘ది డెవిల్’ అంటూ ఆలోచనల గురించి మాట్లాడారు పూరి జగన్నాథ్ -
కియారా ‘టీ’ ముచ్చట.. సోనాల్ బ్రేక్ఫాస్ట్ సంగతులు
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ..
తాజా వార్తలు (Latest News)
-
ఈ నగరంలో అడుగుపెట్టాలంటే.. టికెట్ కొనాల్సిందే!
-
తెలంగాణ ఇంటర్ ఫలితాలు నేడే.. రిజల్ట్స్ ఈనాడు.నెట్లో..
-
జీవితంలో ముందుకెళ్లాలంటే ధైర్యం ఉండాలి : ఐపీఎస్ ఆఫీసర్ పోస్ట్ వైరల్
-
బెంగాలీ అమ్మాయి.. నాన్న కొట్టిన చెంప దెబ్బ.. ఇవే ఆలోచనలు: పూరి జగన్నాథ్
-
సోషల్మీడియాలో ‘లుక్ బిట్వీన్ కీబోర్డ్’ ట్రెండ్.. ఇంతకీ ఏమిటిది..?
-
కియారా ‘టీ’ ముచ్చట.. సోనాల్ బ్రేక్ఫాస్ట్ సంగతులు