Social Look: విష్ణు ఇంట్లో సన్నీ లియోనీ పరోటాలు.. స్నేహ ఎప్పటికీ ఒంటరే!

సినిమా తారలు.. సోషల్‌ మీడియా ముచ్చట్లు

ఇంటర్నెట్‌ డెస్క్‌: సన్నీ లియోనీ.. మంచు విష్ణు ఇంట్లో ఆలూ పరోటాలు తయారు చేసింది. సంబంధిత వీడియోను అభిమానులతో పంచుకుంది. ‘పరోటా చాలా బాగుంది’ అంటూ విష్ణు ఆమెకు తెలుగు నేర్పించే ప్రయత్నం చేశాడు. ఈ ఇద్దరు కలిసి ‘గాలి నాగేశ్వరరావు’ అనే చిత్రంలో నటిస్తున్న సంగతి తెలిసిందే.

* స్నేహా ఉల్లాల్‌ ఇన్‌స్టాగ్రామ్‌ రీల్స్‌ను ప్రయత్నించింది. రిలేషన్‌షిప్‌నకు సంబంధించిన ఈ గేమ్‌లో ఆమెకు ‘ఫరెవర్‌ సింగిల్‌’ లాక్‌ అయింది. ఎప్పటికీ ఒంటరి అనే ఆ స్టేటస్‌ చూసి అవాక్కైంది.

* ప్రియాంక చోప్రా- నిక్‌ జొనాస్‌ తమ కుమార్తెకు మల్తీ మేరీ చోప్రా జొనాస్‌ అనే పేరు పెట్టారు. ఈ దంపతులు ఈ ఏడాది జనవరిలో సరోగసీ ద్వారా బిడ్డకు జన్మనిచ్చారు. ఇలా మరికొందరు తారలు పంచుకున్న ఆసక్తికర విశేషాలపై ఓ లుక్కేయండి..