కరోనాపై అదా పంచ్‌.. ఐదేళ్ల ‘సరైనోడు’

సోషల్‌లుక్‌: సినీ తారలు పంచుకున్న నేటి విశేషాలు

ఇంటర్నెట్‌ డెస్క్‌: అల్లు అర్జున్‌ కథానాయకుడిగా తెరకెక్కిన ‘సరైనోడు’ చిత్రం విడుదలై ఐదేళ్లు పూర్తి చేసుకుంది. ఈ విషయాన్ని అభిమానులతో పంచుకుంటూ చిత్ర బృందానికి కృతజ్ఞతలు తెలియజేశారు అర్జున్‌.

* ‘వైఫై కంటే చెట్ల వల్లే ఎన్నో ఉపయోగాలున్నాయి’ అన్నారు నటి కాజోల్‌. ప్రపంచ ధరిత్రీ దినోత్సవం సందర్భంగా చెట్టు కింద కూర్చున్న ఫొటోని సామాజిక మాధ్యమాల వేదికగా అభిమానులతో పంచుకుంటూ ఇలా రాసుకొచ్చారామె.

* బ్లాక్‌ అండ్‌ బ్లాక్‌ దుస్తుల్లో దర్శనమిచ్చి ఆకట్టుకుంటోంది యువ నాయిక ఈషా రెబ్బా.

* పసుపు వర్ణ చీరని ధరించి అందరి చూపుని తనవైపు తిప్పుకుంటోంది నటి అంజలి.

* ఇన్‌స్టాగ్రామ్‌లో ఓ వీడియోను పంచుకుంటూ ‘మీరు నవ్వేందుకు ఇది మార్గంగా నిలిచింది. నా జీవితంలో నేను కోరుకునేది ఇదే’ అని చెప్పుకొచ్చింది బాలీవుడ్‌ నటి ఊర్వశి రౌతేలా.

* ‘కరోనా గో!’ అంటూ బాక్సింగ్‌ ఫొటోల్ని ఇన్‌స్టాలో షేర్‌ చేసింది అదాశర్మ.