సోనమ్‌ సొగసులు

ముంబయి: సోనమ్‌ కపూర్‌ అనగానే టక్కున గుర్తొచ్చేది స్టైల్‌, ఫ్యాషన్‌. బయటికి వచ్చినా, ఎలాంటి వేడుకల్లో పాల్గొన్నా కొత్తగా మెరిసిపోతుంది సోనమ్‌. చిత్రవిచిత్రమైన ఆహార్యంతో ఔరా అనిపించేలా ముస్తాబైన సందర్భాలు చాలానే ఉన్నాయి. బాలీవుడ్‌ స్టైల్‌ ఐకాన్‌గా పేరొందిన ఈ ‘నీర్జా’ నాయిక తాజాగా ధరించిన ఓ డ్రెస్‌ అందరి దృష్టినీ ఆకర్షిస్తోంది. చెట్టు వేర్లు, ఊడలను పోలినట్టు ఉన్న ఈ డ్రెస్‌ని డచ్‌కి చెందిన ఫ్యాషన్‌ డిజైనర్‌ రూపొందించారు. ఈ దుస్తులు ధరించి సోనమ్‌ మురిసిపోతూ ఆ ఫ్యాషన్‌ డిజైనర్‌ ప్రతిభను పొగిడేస్తూ ట్వీట్‌ కూడా చేసింది. సోషల్‌మీడియాలో ఈ ఫొటోలు బాగా సందడి చేస్తున్నాయి. ప్రస్తుతం సోనమ్‌ ‘బ్లైండ్‌’ అనే చిత్రంలో నటిస్తోంది.