Vaarasudu: ఇన్నాళ్లు గాయాలు మాయమమ్మా..

సంక్రాంతి బరిలో ‘వారసుడు’గా (Vaarasudu) సందడి చేసేందుకు సిద్ధమవుతున్నారు విజయ్‌ (Vijay). ఆయన కథానాయకుడిగా నటిస్తున్న ఈ చిత్రాన్ని వంశీ పైడిపల్లి తెరకెక్కిస్తున్నారు. దిల్‌రాజు, శిరీష్‌, పరమ్‌ వి పొట్లూరి, పెరల్‌ వి పొట్లూరి నిర్మిస్తున్నారు. రష్మిక (Rashmika) కథానాయిక. ఈ సినిమా జనవరి 12న విడుదల కానుంది. మంగళవారం ఈ చిత్రంలోని ‘‘ఇట్స్‌ ఫర్‌ యూ అమ్మ’’ అనే గీతాన్ని విడుదల చేశారు. ‘‘అమ్మమ్మ నేనేమి వింటినమ్మా.. వాకిల్ల నిలిచింది వాస్తవమా.. ఇన్నాళ్లు గాయాలు మాయమమ్మా.. అచ్చంగా ఈరోజు నాదేనమ్మా’’ అంటూ అమ్మ సెంటిమెంట్‌తో సాగుతున్న ఈ పాటకు తమన్‌ స్వరాలు సమకూర్చారు. రామజోగయ్య శాస్త్రి సాహిత్యమందించారు. చిత్ర ఆలపించారు. ఈ సినిమాలో విజయ్‌ తల్లి పాత్రను జయసుధ పోషిస్తున్నారు.