
Niharika NM: మహేశ్, యశ్, అజయ్దేవ్గణ్ ఈమె వీడియోలకు ఫిదా.. ఎవరీ నిహారిక ఎన్ఎం?
ఇంటర్నెట్ డెస్క్: మహేశ్బాబు, యశ్, అజయ్దేవ్గణ్కే కాదు షాహిద్కపూర్, రకుల్ప్రీత్సింగ్, రెజీనా.. ఇలా టాలీవుడ్ టు బాలీవుడ్ తారలు ఆమె వీడియోలకు అభిమానులు. ఎంతగా అంటే తమ చిత్ర ప్రచారాన్ని ఆమెతో కలిసి చేసేంత. ‘సర్కారు వారి పాట’ కోసం మహేశ్, ‘కేజీయఫ్ ఛాప్టర్ 2’ కోసం యశ్, ‘రన్వే 34’ కోసం అజయ్, ‘జెర్సీ’ కోసం షాహిద్ ఆమెను సంప్రదించారంటే ఆ క్రేజ్ ఎలాంటిదో అర్థం చేసుకోవచ్చు. ఇంతకీ ఎవరామె అంటారా? ఆ డిజిటల్ క్రియేటర్ ఎవరో కాదు నిహారిక ఎన్ఎం. సోషల్ మీడియాలో చురుకుగా ఉండేవారికి ఈమె సుపరిచితురాలు కావొచ్చు. ఎందుకంటే ఇన్స్టాగ్రామ్ తెరచినా, ట్విటర్ ఓపెన్ చేసినా తన వీడియోలు ఎక్కువగా దర్శనమిస్తుంటాయి. తనను తాను ఓ బ్రాండ్గా మలుచుకున్న నిహారిక ప్రయాణం గురించి ఇప్పుడు తెలుసుకుందాం.
టైప్స్ అదుర్స్
నిహారిక (24) చెన్నైలో పుట్టింది. బెంగళూరులో పెరిగింది. కాలిఫోర్నియాలో ఎంబీఏ విద్యను అభ్యసించింది. తనకు చిన్నప్పటి నుంచే నటనపై ఆసక్తి ఉండటంతో ఆ దిశగానే కెరీర్ను ఊహించుకుంది. ఈ మేరకు ఇంటర్మీడియట్ సెకండ్ ఇయర్ చదువుతున్నప్పుడే యూట్యూబ్ ఛానల్ క్రియేట్ చేసుకుని, డిజిటల్ బాట పట్టింది. ప్రారంభంలో తన వీడియోలకు ఊహించినంత ఫలితం రాకపోవడంతో అందరిలానే తానూ కాస్త నిరుత్సాహపడింది. అయితేనేం, తన లక్ష్యాన్ని ఎలాగైనా సాధించాలనే బలమైన కాంక్షతో మరో అడుగు ముందుకేసి, ‘నలుగురిలో ఒకరిలా కాకుండా నాకంటూ ప్రత్యేక గుర్తింపు ఉండాలి’ అనుకుని కామెడీ వీడియోలు తీయడం ప్రారంభించింది. ఇలా ఆమె రూపొందించిన ‘టైప్స్ ఆఫ్ స్టూడెంట్స్ బిఫోర్ యాన్ ఎగ్జామ్’, ‘టైప్స్ ఆఫ్ పీపుల్ ఎట్ కాలేజ్’ తదితర ‘టైప్’ సిరీస్ వీడియోలు ఆమెకు బాగా పేరు తీసుకొచ్చాయి. ‘టైప్స్ ఆఫ్ స్టూడెంట్స్ బిఫోర్ యాన్ ఎగ్జామ్’ వీడియోతో కొన్ని గంటల్లోనే 10,000 మంది కొత్త సబ్స్రైబర్లను సొంతం చేసుకోగలిగిందంటే నిహారిక ఎలాంటి కంటెంట్ అందిస్తుందో తెలుస్తోంది. ప్రస్తుతం తన ఛానెల్కు 9.76లక్షలకుపైగా సబ్స్రైబర్లు ఉన్నారు. ఆమె ప్రతిభను మెచ్చి ‘క్రియేటర్స్ ఫర్ ఛేంజ్’ అనే ఇనిషియేటివ్కు నిహారికను వరుసగా మూడుసార్లు గ్లోబల్ అంబాసిడర్గా నియమించుకుంది యూట్యూబ్ సంస్థ.
లక్ష నుంచి 22 లక్షలు..
యూట్యూబ్లో రాణిస్తుండగానే ఇన్స్టాగ్రామ్, ట్విటర్ వంటి సామాజిక మాధ్యమాల్లోకి నిహారిక ఎంట్రీ ఇచ్చింది. స్వీట్ అండ్ షాట్ ఫన్నీ వీడియోలతో కొన్ని కోట్లమంది నెటిజన్ల హృదయాలను గెలుచుకుంది. ఒక్కోమెట్టు ఎక్కే క్రమంలో ఆమె చేసిన ‘లివింగ్ ఎలోన్ 101’ అనే వీడియో వైరల్ అవడమేకాకుండా 13 రోజుల్లో 11 మిలియన్లకుపైగా ఫాలోవర్స్ను సంపాదించిపెట్టింది. ఆ వీడియోకు వచ్చిన ప్రోత్సాహంతో మరిన్ని వైవిధ్యభరిత స్కిట్స్ను రూపొందించి, సోషల్ మీడియాలో పోస్ట్ చేస్తుండేది. అలా ఆ నోటా ఈ నోటా నిహారిక వీడియోల గురించే అంతా చర్చించుకునేవారు. తన కామెడీ చూసి కడుపుబ్బా నవ్వుకునేవారు. ప్రస్తుతం నిహారికను అనుసరిస్తున్న వారి సంఖ్య 2.2 మిలియన్కుపైగానే. వీరిలో సినీ ప్రముఖులెందరో ఉన్నారు.
వదిలేద్దామనుకున్న స్థితి నుంచి
‘‘కెమెరా ముందు నటించడమంటే నాకు చాలా ఇష్టం. నా చుట్టూ ఉన్నవారిని నవ్వించడం నాకు సరదా. వీడియోలు రూపొందిచడంలో నా కుటుంబం, స్నేహితులు నన్నెంతగానో ప్రోత్సహించారు. అలా అని నేను చదువునెప్పుడూ అశ్రద్ధ చేయలేదు. ఓ డిగ్రీ సంపాదించుకున్నాకే పూర్తిగా ఇటువైపు వచ్చా. అందరికీ ఎదురైనట్టే నాపైనా ట్రోల్స్ వస్తుంటాయి. నేను వాటిని పట్టించుకోను. పాజిటివ్ కామెంట్లను దృష్టిలో పెట్టుకుని ఇంకెంత బాగా చేయాలో దాని గురించే ఆలోచిస్తుంటా. ఒకానొక సమయంలో సోషల్ మీడియాను వద్దిలేద్దాం అనుకున్న స్థితి నుంచి ఈ స్థాయికి చేరుకున్న నా ప్రయాణాన్ని గుర్తుచేసుకుంటుంటే భావోద్వేగానికి గురవుతా’’ అని ఓ ఆంగ్ల మీడియా ఇంటర్వ్యూలో చెప్పింది నిహారిక. ఇంతమంది యూట్యూబర్లు, డిజిటల్ క్రియేటర్లు ఉండగా ఈమెనే ఎందుకంత ప్రత్యేకం అనుకుంటుంటే కింది వీడియోలు చూస్తే మీకే అర్థమవుతుంది...
ఇవీ చదవండి
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని


తాజా వార్తలు (Latest News)
-
General News
Diabetes food chart: ఇవి తినండి...షుగర్ తగ్గించుకోండి
-
Movies News
Sushmita Sen: మహేశ్భట్ మాటలతో మొదట బాధపడ్డా..
-
General News
Cafe: ప్లాస్టిక్ వ్యర్థాలు ఇవ్వండి.. రుచికరమైన భోజనం అందిస్తాం.. ఓ కేఫ్ వినూత్న ప్రకటన
-
India News
Udaipur Murder: ఉదయ్పుర్ దర్జీ హత్య కేసు.. కోర్టు ప్రాంగణంలో నిందితులపై దాడి..!
-
Politics News
Pawan Kalyan: కుల, మతాల ప్రస్తావన లేని రాజకీయాలు రావాలి: పవన్
-
India News
Nupur Sharma: నుపుర్ శర్మపై లుక్ అవుట్ నోటీసులు
ఎక్కువ మంది చదివినవి (Most Read)
- చిన్న బడ్జెట్.. సొంత గూడు
- Vishal: కుప్పంలో చంద్రబాబుపై పోటీ .. నటుడు విశాల్ క్లారిటీ!
- Russia: ముప్పేట దాడులు తాళలేకే?.. స్నేక్ ఐలాండ్ను విడిచిన రష్యా
- Horoscope Today: ఈ రోజు రాశి ఫలం ఎలా ఉందంటే? (02-07-2022)
- IND vs ENG: జడేజా సెంచరీ.. బుమ్రా సంచలనం.. టీమ్ఇండియా భారీ స్కోర్
- తెదేపాలో చేరితే రూ.30 కోట్లు ఇస్తామన్నారు
- Rishabh Pant : అతనే.. ఆపద్బాంధవుడు
- Viral video: వారెవ్వా.. ఏం టాలెంట్.. మహిళకు నెటిజన్ల ప్రశంసలు!
- Rishabh pant : విమర్శలకు బెదరని నయా ‘వీరు’డు.. రిషభ్ పంత్
- IND vs ENG : పంత్ ఒక్కడు ఒకవైపు..