sankarabharanam: శంకరాభరణం చిత్రానికి మరో అరుదైన గౌరవం

ఇంటర్నెట్‌డెస్క్‌: క్లాసిక్‌ మూవీ ‘శంకరాభరణం’ (sankarabharanam) చిత్రానికి అరుదైన గౌరవం దక్కింది. గోవాలో జరుగుతున్న 53వ అంతర్జాతీయ భారత చలన చిత్రోత్సవాల్లో రీస్టోర్డ్‌ ఇండియన్‌ క్లాసిక్‌ విభాగంలో ఎంపికైంది. దేశంలో విడుదలైన గొప్ప చిత్రాలను డిజిటలైజ్‌ చేసి భద్రపరుస్తుంటుంది ‘నేషనల్‌ ఫిల్మ్‌ ఆర్కైవ్‌ ఆఫ్‌ ఇండియా’. ఈ పక్రియకు కళా తపస్వి కె.విశ్వనాథ్‌ రూపొందించిన ‘శంకరాభరణం’ ఎంపికైంది. పూర్ణోదయ ఆర్ట్స్‌క్రియేషన్స్‌ పతాకంపై ఏడిద నాగేశ్వరరావు ఈ చిత్రాన్ని నిర్మించారు. జె.వి సోమయాజులు, మంజు భార్గవి, చంద్రమోహన్‌ తదితరులు కీలక పాత్రల్లో నటించారు.  చలన చిత్రోత్సవాల్లో భాగంగా ఈ మూవీని ప్రత్యేక ప్రదర్శన చేయనున్నారు. ఈ కార్యక్రమానికి ఏడిద నాగేశ్వరరావు కూమారుడు ఏడిద రాజా ప్రత్యేక ఆహ్వానితులుగా హాజరవుతారు.