Tollywood: టాలీవుడ్ ప్రోగ్రెస్ రిపోర్ట్.. ఆర్నెల్లలో హిట్ ఏది, ఫట్ ఏది?
సమయం.. సినిమా రీల్లా గిర్రున తిరుగుతుంది. రీమిక్స్ సాంగ్లా మెరుపువేగంతో దూసుకెళ్తోంది. అలా.. చూస్తుండగానే 2022 సగభాగం పూర్తయింది. ఈ 6 నెలల వ్యవధిలో ప్రేక్షకుల ముందుకొచ్చి, వినోదం పంచిన చిత్రాలను ఓ సారి పరిశీలిస్తే..
సమయం.. ‘సినిమా రీల్’లా గిర్రున తిరుగుతుంది. ‘రీమిక్స్ సాంగ్’లా మెరుపువేగంతో దూసుకెళ్తోంది. అలా.. చూస్తుండగానే 2022 సగభాగం పూర్తయింది. ఎప్పుడో విడుదల కావాల్సిన క్రేజీ పాన్ ఇండియా చిత్రాలు, భారీ మల్టీస్టారర్ సినిమాలు ఈ ఏడాది బాక్సాఫీసు బరిలో నిలిచాయి. వాటిలో కొన్ని అద్భుతమనిపించగా మరికొన్ని ఫర్వాలేదు అనిపించాయి. మరి ఈ 6 నెలల వ్యవధిలో ప్రేక్షకుల ముందుకొచ్చి, వినోదం పంచిన చిత్రాల ‘ఫ్లాష్బ్యాక్’ చూస్తే..
ఆశ ఎన్కౌంటర్తో మొదలు.. బంగార్రాజుతో వసూళ్లు
కొవిడ్ ప్రభావం ఈ ఏడాది ఆరంభంలోనూ స్పష్టంగా కనిపించింది. మూడో వేవ్ రాకతో పెద్ద చిత్రాలన్నీ వెనక్కి తగ్గాయి. దాంతో 2022ను చిన్న సినిమాలే స్వాగతించాయి. జనవరి 1న రామ్గోపాల్ వర్మ ‘ఆశా ఎన్కౌంటర్’, వరుణ్ సందేశ్ హీరోగా తెరకెక్కిన ‘ఇందువదన’ విడుదలవగా, జనవరి 7న రానా ‘1945’, ఆది సాయికుమార్ ‘అతిథి దేవోభవ’ వచ్చాయి. ఇవేవీ ప్రేక్షకులను అంతగా ఆకట్టుకోలేకపోయాయి. బాక్సాఫీసు విషయంలో అతిపెద్ద సీజన్ అంటే సంక్రాంతి అనే చెబుతుంటారు. అలాంటిది.. ‘ఆర్ఆర్ఆర్’ (RRR), ‘రాధేశ్యామ్’వంటి పాన్ ఇండియా చిత్రాలు వాయిదా పడటంతో ఆ అవకాశాన్ని ‘రౌడీబాయ్స్’, ‘సూపర్మచ్చి’, ‘హీరో’ తదితర సినిమాలు అందుకున్నాయి. వీటిల్లో ‘హీరో’ మినహా మిగిలినవి అంతగా మెప్పించలేకపోయాయి. వీటితోపాటు నాగార్జున- నాగచైతన్యల ‘బంగార్రాజు’ బరిలో దిగి, అసలైన పండగ వాతావరణాన్ని చూపించింది. మంచి వసూళ్లను సాధించింది. జనవరి ఆఖరిలో కీర్తి సురేశ్ నటించిన ‘గుడ్లక్ సఖి’ వచ్చింది. గుడ్ రిజల్ట్ పొందలేకపోయింది.
భీమ్లాను ఆపేదెవరు.. హిట్ కొట్టిన టిల్లు
కొవిడ్ ఉద్ధృతి తగ్గుముఖం పట్టడంతో ఫిబ్రవరిలో సినీ సందడి ఎక్కువగానే కనిపించింది. ‘మనల్ని ఎవడ్రా ఆపేది’ అంటూ పవన్ కల్యాణ్ ‘భీమ్లా నాయక్’గా ఫిబ్రవరి 25న విచ్చేసి, తన సత్తా చాటారు. రానా ప్రతినాయక ఛాయలున్న పాత్ర పోషించిన ఈ రీమేక్ (అయ్యప్పనుమ్ కోషియుమ్) ప్రేక్షకులను విశేషంగా ఆకట్టుకుంది. నిర్మాతలకు మంచి లాభాలు తెచ్చిపెట్టింది. అంతకంటమే ముందే చిన్న సినిమాగా విడుదలై, పెద్ద విజయం అందుకుంది ‘డీజే టిల్లు’. సిద్ధు జొన్నలగడ్డ టైటిల్ పాత్రలో జీవించి, యువతను తనవైపు తిప్పుకున్నాడు. ఫిబ్రవరి 12న టిల్లు ప్రేక్షకుల ముందుకొచ్చాడు. ఫిబ్రవరి 11న ‘ఖిలాడి’ (రవితేజ), ‘సెహరి’ (హర్ష్ కనుమిల్లి) పోటీపడగా విజయం ‘సెహరి’కే దక్కింది. మోహన్బాబు నటించిన ‘సన్ ఆఫ్ ఇండియా’ ఫిబ్రవరి 18న విడుదలై, ఆశించిన ఫలితం అందుకోలేదు.
మార్చి.. ఆర్ఆర్ఆర్దే
తెలుగు ప్రేక్షకులేకాదు భారతీయ సినీ ప్రియులంతా ఎంతో ఆసక్తిగా ఎదురుచూసిన చిత్రాలు ‘RRR’, ‘రాధేశ్యామ్’. ఎప్పుడో విడుదలకావాల్సిన ఈ సినిమాలు ఎట్టకేలకు ఈ ఏడాది సంక్రాంతి సీజన్కి వచ్చేందుకు సిద్ధమయ్యాయి. కానీ, కొవిడ్ కేసులు పెరుగుతుండటం, థియేటర్లలోని సీట్ల సామర్థ్యం తక్కువగా ఉంటడం.. తదితర అంశాలను దృష్టిలో పెట్టుకుని మరోసాయి వాయిదాపడి, మార్చిలో విచ్చేశాయి. అలా.. మార్చి 11న విడుదలైన ప్రభాస్ ‘రాధేశ్యామ్’ అభిమానుల భారీ అంచనాలు అందుకోలేకపోయింది. రామ్చరణ్, ఎన్టీఆర్ల ‘ఆర్ఆర్ఆర్’ రూ.1200 కోట్లకుపైగా కలెక్షన్స్ వసూళ్లు చేసి సరికొత్త రికార్డు నెలకొల్పింది. ఇదే నెలలో విడుదలైన కిరణ్ అబ్బవరం ‘సెబాస్టియన్’, శర్వానంద్ ‘ఆడాళ్లు మీకు జోహార్లు’ (మార్చి 4), రాజ్తరుణ్ ‘స్టాండప్ రాహుల్’ (మార్చి 18) చిత్రాలు పెద్దగా ఆకర్షించలేదు.
సర్కారు వారి మోత..
ఏప్రిల్లో విడుదలైన ఏ సినిమా ప్రేక్షకులకు మజానివ్వలేకపోయింది. తాప్సీ కీలక పాత్ర పోషించిన ‘మిషన్ ఇంపాజిబుల్’ (ఏప్రిల్ 1) ఫర్వాలేదనిపించుకుంది. వరుణ్తేజ్ ‘గని’ (ఏప్రిల్ 8), చిరంజీవి- రామ్చరణ్ల ‘ఆచార్య’ (ఏప్రిల్ 29) భారీ అంచనాలతో వచ్చి, పరాజయాన్ని చవిచూశాయి. మే నెలలో ముందుగా ప్రేక్షకులను పలకరించిన చిత్రాలు సుమ ‘జయమ్మ పంచాయితీ’, శ్రీవిష్ణు ‘భళా తందనాన’ (మే 6) కొత్త ప్రయత్నమని ఈ సినిమాలను ప్రేక్షకులు ప్రశంసించినా విజయం అందించలేదు. మండు వేసవిలో వినోద వర్షం కురిపించిన సినిమా ‘అశోకవనంలో అర్జున కల్యాణం’ (మే 6). పెళ్లి నేపథ్యంలో హాస్యం+ భావోద్వేగం కలబోతగా తెరకెక్కిన ఈ సినిమా హిట్గా నిలిచింది. నటుడిగా విశ్వక్సేన్కు మంచి మార్కులు పడ్డాయి.
మే 12న విడుదలైన మహేశ్బాబు ‘సర్కారు వారి పాట’ (Sarkaru Vaari Paata) వసూళ్ల మోత మోగిచింది. ప్రాంతీయ సినిమాగా విడుదలై, ఓవర్సీస్లోనూ ఘన విజయం అందుకుంది. వివాదాల మధ్య విడుదలైన చిత్రం ‘శేఖర్’. రాజశేఖర్ హీరోగా రూపొందిన ఈ సినిమా మే 20న విడుదలై, కొన్ని రోజుల్లోనే నిలిచిపోయింది. ‘ఎఫ్ 3’ (F3)తో మరోసారి నవ్వుల్లో ముంచెత్తింది వెంకటేశ్, వరుణ్తేజ్ కాంబో. వీరు గతంలో నటించిన ‘ఎఫ్ 2’కు సీక్వెల్గా వచ్చిన ఈ సినిమా బాగా సందడి చేసింది.
అంటే.. జూన్!
పాన్ ఇండియా కథలు, క్రేజీ మల్టీస్టారర్లతో సంక్రాంతి, వేసవి సీజన్లు ముగిశాయి. ఉద్విగ్నభరిత ‘మేజర్’తో (Major) జూన్ (3) ప్రారంభమైంది. అడివి శేష్ టైటిల్ పాత్ర పోషించిన ఈ సినిమా భారతీయ ప్రేక్షకుల్లో స్ఫూర్తి రగిల్చింది. ముంబయి దాడుల్లో అమరుడైన వీరజవాను మేజర్ సందీప్ ఉన్నికృష్ణన్ జీవితాధారంగా రూపొందిన చిత్రమిది. ఆ తర్వాత, ‘అంటే.. సుందరానికీ!’ (Ante Sundaraniki) (జూన్ 10) అంటూ నాని నవ్వులు పూయించారు. ఎన్నాళ్లో వేచిన ‘విరాటపర్వం’ (VirataParvam) ఎట్టకేలకు జూన్ 17న విడుదలైంది. రానా, సాయి పల్లవి ప్రధాన పాత్రలు పోషించిన ఈ సినిమా విమర్శకుల ప్రశంసలు అందుకుంది. అదే రోజు వచ్చిన సత్యదేవ్ ‘గాడ్సే’ (Godse) అంతగా ప్రభావం చూపలేదు. జూన్ 24న కిరణ్ అబ్బవరం ‘సమ్మతమే’ (Sammathame), ఆకాశ్ పూరి ‘చోర్ బజార్’ (Chor Bazaar), సుమంత్ అశ్విన్- ఎం.ఎస్. రాజుల ‘7 డేస్ 6 నైట్స్’ (7 Days 6 Nights) సందడి చేస్తున్నాయి.
కేజీయఫ్ హవా.. విక్రమ్ భళా
తెలుగు ప్రేక్షకుల అభిరుచిని దృష్టిలో పెట్టుకుని ప్రతి ఏటా అనువాద చిత్రాలు విడుదలవుతూనే ఉంటాయి. అలా ఇప్పటి వరకూ విడుదలై, టాలీవుడ్ ఆడియెన్స్ మనసు దోచిన కథలివీ.. ఈ విషయంలో ముందుగా ‘కేజీయఫ్ ఛాప్టర్ 2’ (KGF Chapter 2) (ఏప్రిల్ 14) గురించి ప్రస్తావించాల్సిందే. కన్నడ పరిశ్రమలో రూపొందిన ఈ పాన్ ఇండియా చిత్రం అన్ని భాషల వారికీ బాగా దగ్గరై, వసూళ్ల సునామీ సృష్టించింది. కోలీవుడ్.. కమల్హాసన్ ‘విక్రమ్’ (Vikram) (జూన్ 3) ఊహించని విజయాన్ని అందుకుంది. విజయ్ ‘బీస్ట్’, అజిత్ ‘వలిమై’, సూర్య ‘ఈటీ’, విశాల్ ‘సామాన్యుడు’పై ఇక్కడి ప్రేక్షకులు అంచనాలు పెంచినా విశేష ప్రభావాన్ని చూపించలేకపోయాయి. హిందీలో తెరకెక్కి, తెలుగులో మంచి విజయాన్ని సొంతం చేసుకున్న చిత్రంగా అలియాభట్ ‘గంగూబాయి కాఠియావాడి’ (Gangubai Kathiawadi) ఒక్కటే నిలిచింది.
ఓటీటీలో నేరుగా..
కొవిడ్/లాక్డౌన్ సమయం నుంచి ఓటీటీకీ మంచి ఆదరణ దక్కడంతో కొందరు దర్శకనిర్మాతలు నేరుగా ఆ ప్లాట్ఫామ్లపైనే తమ చిత్రాలను విడుదల చేస్తున్నారు. అలా వచ్చినవే.. సుమంత్ ‘మళ్లీ మొదలైంది’, ప్రియమణి ‘భామాకలాపం’, నివేదా పేతురాజ్ ‘బ్లడీ మేరీ’ తదితర చిత్రాలు. ఇవేకాదు ‘జనగణ మన’, ‘కశ్మీర్ ఫైల్స్’.. ఇలా మలయాళం, హిందీ భాషల్లో థియేటర్లలో విడుదలై, హిట్ అందుకున్న కొన్ని చిత్రాలు ఓటీటీ వేదికగా తెలుగు ప్రేక్షకులను మెప్పించాయి.
వసూళ్ల విషయంలో 2022 ప్రథమార్ధం అమోఘమని చెప్పొచ్చు. ‘ఆర్ఆర్ఆర్’, ‘కేజీయఫ్’ కలిపి సుమారు రూ. 2 వేల కోట్లపైగానే వ్యాపారం జరిగింది. కొవిడ్ తర్వాత ఇంత పెద్ద మొత్తంలో బిజినెస్ చేయడం ఇదే తొలిసారనేది సినీ విశ్లేషకుల మాట. ఈ జోరును కొనసాగించేందుకు మరిన్ని క్రేజీ ప్రాజెక్టులు సిద్ధమవుతున్నాయి. ఇక్కడ గమనించాల్సిన విషయం ఏంటంటే.. పాన్ ఇండియా స్థాయి అనే ట్యాగ్ లైన్ ఉందని, ఇద్దరు అగ్ర హీరోలు కలిసి నటించారని, సరైన సమయానికి విడుదలైందనేవి విజయానికి ప్రామాణికం కాదు. కాలానికి తగ్గట్టు ప్రేక్షకుల అభిరుచిలో మార్పు వచ్చింది. రొటీన్ ఫార్ములా కాకుండా సరికొత్త ప్రయోగాలను కోరుకుంటున్నారు. కథ మినహా మిగిలినవేవీ ప్రధానం కాదని చెప్పకనే చెబుతున్నారు. కంటెంట్ బాగుంటే టికెట్ ధరలు ఎక్కువైనా థియేటర్లకు వచ్చి ‘సినిమా’ను కాపాడుతామని నిరూపించారు. వీటిని దృష్టిలో పెట్టుకుని ఆయా దర్శకనిర్మాతలు చిత్రాలు తెరకెక్కించే ప్రయత్నం చేస్తే ఫలితం అద్భుతం.
-ఇంటర్నెట్డెస్క్ స్పెషల్
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రామ్ చరణ్ బర్త్డే.. ఆయన బాల్యం గురించి ఈ విశేషాలు తెలుసా..?
టాలీవుడ్ ప్రముఖ హీరో రామ్ చరణ్ పుట్టినరోజు నేడు. ఈ సందర్భంగా ఆయన గురించి కొన్ని విశేషాలు.. -
Challenging Roles: పాత్రలకు ప్రాణం పోశారు.. పృథ్వీరాజ్ సుకుమారన్ ఇలా.. విక్రమ్ అలా!
పాత్రలకు ప్రాణం పోసేందుకు మానసికంగా, శారీరకంగా ఎంతగానో శ్రమించిన నటులు, వారి సినిమాల వివరాలివీ.. -
Tollywood Actresses: అగ్ర నాయికలు అలా రూటు మార్చి.. హాట్టాపిక్గా నిలిచి!
అగ్ర కథానాయిక- వర్ధమాన హీరో కాంబినేషన్లో వచ్చిన సినిమాల విశేషాలు.. -
Actors turned Directors: ధనుష్, ఉపేంద్ర, కంగన.. మళ్లీ మరో కోణాన్ని చూపించేందుకు...
స్వీయ దర్శకత్వంలో నటించిన హీరో/హీరోయిన్పై ప్రత్యేక కథనం. ఎవరు ఏ సినిమాతో అలరించేందుకు సిద్ధమయ్యారంటే? -
Alia Bhatt: అందుకు క్లాస్లో బెంచీలు తుడిచి.. బ్యాగ్రౌండ్ ఉన్నా ఆడిషన్ ఇచ్చి: అలియా భట్ బర్త్డే స్పెషల్
అలియా భట్ పుట్టినరోజు సందర్భంగా ఆమె గురించి పలు విశేషాలు.. -
Mamitha Baiju: గిరిజ, సాయి పల్లవిలా మమితా బైజు.. రాజమౌళి మెచ్చిన ఈ నటి ఎవరు?
యంగ్ హీరోయిన్ మమితా బైజును అగ్ర దర్శకుడు ప్రశంసించడం అందరి దృష్టినీ ఆకర్షించింది. ఎవరీ నటి? -
Comedians as Heros: కమెడియన్లు.. కథానాయకులై.. ఎవరెవరు ఏ సినిమాతో అలరించారంటే?
కమెడియన్లుగా కెరీర్ని ప్రారంభించి హీరోగాను సినిమాలు చేస్తున్న నటులపై ప్రత్యేక కథనం.. -
Krystyna Pyszkova: మనిషే కాదు.. మనసూ అందమే: మిస్ వరల్డ్ క్రిస్టినా గురించి ఆసక్తికర విశేషాలివీ
ప్రపంచ సుందరి-2024 కిరీటం దక్కించుకున్న క్రిస్టినా పిస్కోవా గురించి ఆసక్తికర విశేషాలు మీకోసం.. -
Miss World Pageant: తొలుత ‘బికినీ కాంటెస్ట్’గా.. 28 ఏళ్ల తర్వాత భారత్ ఆతిథ్యం.. ‘మిస్ వరల్డ్’ పోటీల సంగతులివీ!
భారత్ ఆతిథ్యంలో 71వ ఎడిషన్ ‘మిస్ వరల్డ్’ పోటీలు జరుగుతున్నాయి. శనివారం విజేతను ప్రకటించనున్నారు. ఈ సందర్భంగా ఈ అందాల పోటీల గురించి పలు ఆసక్తికర విశేషాలు.. -
Sini Shetty: మిస్ వరల్డ్ పోటీలు.. ‘బెస్ట్ డిజైనర్ డ్రెస్’ విజేతగా సినిశెట్టి
మిస్ వరల్డ్ 2024 పోటీల్లో భారత్కు ప్రాతినిధ్యం వహిస్తున్న సినిశెట్టి గురించి ఆసక్తికర విశేషాలివీ.. -
Movies in March: మార్చిలో మురిపించే చిత్రాలు.. వరుణ్ తేజ్ అలా.. ‘టిల్లు’ ఇలా!
మార్చిలో విడుదల కానున్న సినిమాలపై ప్రత్యేక కథనం. ఏ హీరో చిత్రం ఏ రోజు ప్రేక్షకుల ముందుకు రానుందంటే? -
Valentine Day: వాలంటైన్స్ డేకు రీరిలీజ్ కానున్న ప్రేమకథా చిత్రాలివే..
వాలంటైన్స్ డే సందర్భంగా గతంలో అలరించిన ప్రేమ కథాచిత్రాలు మరోసారి వినోదాన్ని పంచేందుకు సిద్ధమయ్యాయి. -
తొలి సినిమా ఫ్లాప్.. ‘బండమొహం వీడేం హీరో’ అన్నారు.. రీల్ కెరీర్ To పొలిటికల్ ఎంట్రీ.. విజయ్ లైఫ్ జర్నీ ఇదే!
Actor vijay: తల్లిదండ్రులకు సినీ నేపథ్యం ఉన్నా, నటుడిగా తనకంటూ తమిళనాట గుర్తింపు తెచ్చుకున్న విజయ్.. రాజకీయాల్లోకి అడుగు పెట్టారు. ఈ క్రమంలో ఇప్పటివరకూ ఆయన లైఫ్ జర్నీ ఎలా సాగింది? -
Jeethu Joseph: 17 సినిమాలు.. మూడే ఫ్లాప్లు.. చైనీస్, ఇండోనేషియా, కొరియాలోనూ రీమేక్ అయిన మొదటి భారతీయ సినిమా ఆయనదే!
Jeethu Joseph: మోహన్లాల్ కథానాయకుడిగా జీతూ జోసెఫ్ తెరకెక్కించిన ‘నెరు’ ఓటీటీలో దూసుకుపోతోంది. ఈ క్రమంలో జీతూ గురించి ఆసక్తికర విషయాలు.. -
Chiranjeevi: ఆ అవమానమే.. సుప్రీం హీరోను మెగాస్టార్ చేసింది: పద్మ విభూషణ్ చిరంజీవి ప్రయాణమిది!
ప్రముఖ నటుడు చిరంజీవికి అత్యున్నత పురస్కారాల్లో ఒకటైన ‘పద్మ విభూషణ్’ అవార్డు వరించింది. ఈ సందర్భంగా ఆయన గురించి ప్రత్యేక కథనం.. -
Salaar Part 2: ఈ ప్రశ్నలకు సమాధానం... ‘సలార్-2: శౌర్యాంగ పర్వం’ చెబుతుంది!
‘సలార్’ పార్ట్-1 చూసిన వారందరూ ఇప్పుడు పార్ట్-2 ‘శౌర్యాంగ పర్వం’ కోసం ఎదురు చూస్తున్నారు. మరి ఈ భాగంలో ఏయే ప్రశ్నలకు సమాధానం లభించనుంది? -
Telugu Movies: రిపబ్లిక్ డే ‘డబ్బింగ్’ చిత్రాలదే.. ఆ రోజు ‘ఈగల్’ సింగిల్గా..?
రిపబ్లిక్ డే సందర్భంగా విడుదలకానున్న చిత్రాలు, ఫిబ్రవరి రెండో వారంలో రాబోతున్న సినిమాలపై ప్రత్యేక కథనం.. -
Hombale Films: ఆ పరాజయం.. ‘కేజీయఫ్’, ‘సలార్’ హిట్లకు కారణమైంది: హోంబలే ప్రయాణమిదీ
ప్రముఖ నిర్మాణ సంస్థ ‘హోంబలే ఫిల్మ్స్’కు ఆ పేరు ఎందుకు పెట్టారో తెలుసా? ఆ బ్యానర్పై వచ్చిన సినిమాల వివరాలివీ.. -
Pallavi prashanth: ‘బిగ్బాస్’కు వెళ్తానంటే ఎగతాళి చేశారు.. ‘విన్నర్’గా నిలిచిన ‘రైతుబిడ్డ’ జర్నీ ఇదీ!
bigg boss 7 telugu winner pallavi prashanth: ఫోక్ సాంగ్స్ క్రియేటర్గా జీవితాన్ని మొదలు పెట్టిన పల్లవి ప్రశాంత్ లైఫ్ జర్నీ సాగిందిలా..! -
Bollywood Roundup: రీమేక్స్తో డీలా.. షారుక్ సినిమాలతో కొత్త కళ: బాలీవుడ్ తీరిలా!
ఈ ఏడాది విడుదలైన బాలీవుడ్ సినిమాలపై ప్రత్యేక కథనం. ఏ చిత్రం హిట్? ఏది ఫట్? చూసేయండి.. -
Venkatesh: అద్దమే ఫిల్మ్స్కూల్.. హోస్ట్గా ఆ షోస్కు ‘నో’: వెంకటేశ్ గురించి ఈ విశేషాలు తెలుసా?
ప్రముఖ హీరో వెంకటేశ్ పుట్టినరోజు నేడు. ఈ సందర్భంగా ఆయన సినిమాల గురించి పలు ఆసక్తికర సంగతులు చూద్దాం..
తాజా వార్తలు (Latest News)
-
భారత సంతతి డాక్టర్కు ₹2 కోట్ల కోర్టు ఫీజు.. సాయానికి ముందుకొచ్చిన మస్క్
-
భారత్ ప్రమేయాన్ని కొట్టిపారేయలేం.. నిజ్జర్ హత్యపై ట్రూడో మళ్లీ అదే పాట..!
-
మా బౌలర్ల తప్పేమీ లేదు.. హైదరాబాద్ బ్యాటర్లకు హ్యాట్సాఫ్: హార్దిక్ పాండ్య
-
నన్ను తిట్టుకోవద్దు.. ఈసారి నేను ఎలాంటి లీకులు ఇవ్వలేను: దిల్రాజు
-
కొనసాగుతున్న మహబూబ్నగర్ స్థానిక సంస్థల ఎమ్మెల్సీ ఉపఎన్నిక
-
‘అత్యంత సంతోషకరమైన వ్యక్తి ఆమె’.. నెట్టింట వైరల్గా మారిన కావ్యా మారన్