Nani: ఆ రాంబాబేనా ఈ ‘ధరణి’?.. ఆసక్తికరం నాని జర్నీ!
హీరో నాని ఊరమాస్ లుక్లో నటించిన చిత్రం ‘దసరా’ ఈ నెల 30న ప్రేక్షకుల ముందుకు రాబోతుంది. ఈ నేపథ్యంలో ఇప్పటి వరకు తనేలాంటి పాత్రలు పోషించాడు? నటుడిగా ఆయన కెరీర్ ప్రారంభమైంది? అనే వివరాలివీ..
ఈ ఏడాది శ్రీరామనవమికి ‘దసరా’ (Dasara) సంబరాలు జరగనున్నాయి. ఆ రెండు పండగలకు సంబంధమేంటి? అని సందేహంలో ఉన్నారా?. వాటిల్లో.. ఒకటి రాముడి ఫెస్టివల్ అయితే ఇంకోటి సినిమా ఫెస్టివల్. ఆ దసరా మరేదో కాదు హీరో నాని (Nani) నటించిన చిత్రం. ఈ సినిమా మార్చి 30న ప్రేక్షకుల ముందుకు రాబోతుంది. ఈ సందర్భంగా నాని కెరీర్ను గమనిస్తే..
నటన వద్దనుకుని..
సినిమాలను ఇష్టపడే చాలామందికి నటుడుకావాలనే కోరిక ఉండడం సహజం. నాని కూడా అలానే మనసులో అనుకునేవాడు. వయసుతోపాటు హీరోకావాలనే తన ఆశా పెరిగింది. దాన్ని నెరవేర్చుకునేందుకు ఫొటో ఆల్బమ్ పట్టుకుని సినిమా ఆఫీసుల చుట్టూ తిరిగేవాడు. చిన్న పాత్ర పోషించేందుకూ అవకాశం రాకపోవడం.. ఏవో మాయ మాటలు చెబుతూ పలువురు కో- డైరెక్టర్లు డబ్బులు తీసుకోవడంతో విసిగిపోయిన అతడు ‘ఆ నటన మనకొద్దు’ అనుకుంటూ డైరెక్షన్ డిపార్ట్మెంట్ వైపు ఆసక్తి చూపాడు. ఈ రహస్యాన్ని ఇన్నేళ్ల తర్వాత ఇటీవల రివీల్ చేసి, షాక్ ఇచ్చాడు. నటనకు బై చెప్పి.. ప్రముఖ దర్శకుడు దివంగత బాపు వద్ద క్లాప్ అస్టిస్టెంట్గా పనిలో చేరిన నాని ఆ తర్వాత ఇతర దర్శకుల చిత్రాలకు అసిస్టెంట్ డైరెక్టర్గా, కొన్నాళ్లు రేడియో జాకీ (ఆర్జే)గా అలరించాడనే సంగతి తెలిసిందే. నటనే వద్దు అనుకున్న నానిని ‘రాంబాబు’ పాత్ర వెతుక్కుంటూ వెళ్లింది. నేచురల్ యాక్టర్ని తెలుగు చలన చిత్ర పరిశ్రమకు పరిచయం చేసింది. అదెలా అంటే?
అలా మొదలైంది..
దర్శకుడు ఇంద్రగంటి మోహనకృష్ణ ‘అష్టాచమ్మా’ (Ashta Chamma) చిత్రాన్ని తెరకెక్కించాలనుకుంటున్న రోజులవి. ఓ లీడ్ రోల్ కోసం అవసరాల శ్రీనివాస్ ఫిక్స్. ఇంకో మెయిన్ క్యారెక్టర్కి ఎవరిని తీసుకోవాలి? అనే దర్శకుడి అన్వేషణలో భాగంగా నాని కనిపించాడు. సంబంధిత పాత్రకు ఆడిషన్స్ ఇచ్చేందుకు వచ్చిన వారికి ఎలా యాక్ట్ చేయాలో నాని చెబుతుంటే.. ఆ హావభావాలు నచ్చడంతో ఆయన్నే హీరోగా నటించమన్నారట ఆ సినిమా డైరెక్టర్. అలా రాంబాబు/మహేశ్ పాత్ర కోసం నాని తొలిసారి మేకప్ వేసుకున్నాడు. పల్లెటూరిలో రాంబాబుగా, సిటీలో మహేశ్గా.. రెండు పార్వ్శాలను చూపించి ప్రేక్షకులకు గిలిగింతలు పెట్టాడు. ఇండస్ట్రీ దృష్టిలో పడ్డాడు. ఆ తర్వాత ఏమైందంటే?
భలే భలే మగాడివోయ్కి ముందు.. ఆ తర్వాత
నాని కెరీర్ గురించి చెప్పాలంటే ‘భలే భలే మగాడివోయ్’ (Bhale Bhale Magadivoy)కి ముందు.. ఆ తర్వాత అనే చెప్పాలి. ‘అష్టాచమ్మా’ తర్వాత అతడు నటించిన ‘రైడ్’, ‘స్నేహితుడా’ సినిమాలు ఓకే ఏడాది విడుదలై, ఫర్వాలేదనిపించాయి. స్పోర్ట్స్ డ్రామా నేపథ్యంలో తెరకెక్కిన ‘భీమిలి’ నానిలోని సహజ నటుణ్ని చూపించింది. అందులో ఆయన అమాయకత్వం ప్రేక్షకుల హృదయాల్ని హత్తుకుంది. దాని తర్వాత వచ్చిన ‘అలా మొదలైంది’తో హిట్ అందుకుని.. ‘వెప్పం’ (తెలుగులో సెగ)తో కోలీవుడ్ ఎంట్రీ ఇచ్చాడు. అది ఆకట్టుకోలేదనే నిరాశలో అభిమానులు ఉండగా.. ‘పిల్ల జమీందార్’ రూపంలో మంచి వినోదం పంచాడు. ‘ఈగ’తో విశేష క్రేజ్ సంపాదించాడు. ‘ఎటో వెళ్లిపోయింది మనసు’తో ఉత్తమ నటుడిగా నంది అవార్డు అందుకున్నాడు. 2014లో అసలు కథ మొదలైంది. ఆ ఏడాది ఫిబ్రవరిలో విడుదలైన నాని నటించిన రెండు సినిమాలు బాక్సాఫీసు వద్ద ఘోర పరాజయం పొందాయి. అవే ‘పైసా’, ‘ఆహా కల్యాణం’. 2015 మార్చి 21న విడుదలైన ‘జెండాపై కపిరాజు’ కూడా మెప్పించలేకపోయింది. మరో సినిమా ‘ఎవడే సుబ్రహ్మణ్యం’ అదే రోజు విడుదలకావడం విశేషం. ‘ఇక నాని పని అయిపోంది’ అని భావించిన వారందరికీ ఈ సినిమా కొంత ఊరట కలిగించినా.. ఒక్కసారిగా వచ్చి పడిన ఫ్లాపుల మరకను అది తుడిచేయలేకపోయింది. దాన్నుంచి అతడిని బయటపడేసి, ‘ఇక నానికి తిరుగులేదు’ అని అనిపించిన చిత్రం ‘భలే భలే మగాడివోయ్’. ఈ సినిమాతోనే తెరపై నాని పేరుకు ముందు ‘నేచురల్ స్టార్’ ట్యాగ్లైన్ వేయడం ప్రారంభమైంది.
ఆ చిత్రంతో నాని కెరీర్ గ్రాఫ్ పూర్తిగా మారిపోయింది. అప్పటి నుంచి వైవిధ్యభరిత కథలు/పాత్రలను మరింత జాగ్రత్తగా ఎంపిక చేసుకుంటూ తనదైన శైలిలో సాగుతున్నాడు. ‘కృష్ణగాడి వీర ప్రేమగాథ’, ‘జెంటిల్మెన్’, ‘మజ్ను’, ‘నేను లోకల్’ (Nenu Local), ‘నిన్నుకోరి’ (Ninnu Kori), ‘మిడిల్ క్లాస్ అబ్బాయి’, ‘కృష్ణార్జున యుద్ధం’, ‘దేవ్దాస్’, ‘జెర్సీ’ (Jersy), ‘నానీస్ గ్యాంగ్లీడర్’, ‘వి’ (V), ‘టక్ జగదీష్’ (Tuck Jagadeesh), ‘శ్యామ్సింగరాయ్’ (Shyam Singha Roy), ‘అంటే సుందరానికీ!’ (Ante Sundaraniki).. ఇవన్నీ అలా వచ్చినవే. వీటిల్లో కొన్ని కథలు ప్రేక్షకుల్ని మెప్పించలేకపోయాయేమోగానీ నాని పోషించిన పాత్రలు మాత్రం కాదని చెప్పొచ్చు.
ప్రతిదీ ప్రత్యేకమే..
తొలి సినిమాలోనే రెండు పార్శ్వాలున్నపాత్ర పోషించి ఆకట్టుకున్న నాని.. ‘భీమిలి’లోని గ్రామీణ యువకుడు సూరిబాబు పాత్రలో ఒదిగిన తీరు అద్భుతం. నెగెటివ్ ఛాయలున్న పాత్రలకూ న్యాయం చేస్తాడనేందుకు ‘జెండాపై కపిరాజు’, ‘జెంటిల్మెన్’, ‘వి’ చిత్రాలే నిదర్శనం. ఓ వైపు ‘సుందర్’ వంటి రొమాంటిక్ రోల్స్ చేస్తూనే.. మరోవైపు ‘శ్యామ్సింగరాయ్’లాంటి పవర్ఫుల్ పాత్రలు పోషించి నటుడిగా వైవిధ్యానికి అర్థం చెప్పాడు. ‘జెర్సీ’లో తండ్రిగా కనిపించి, హీరోయిజాన్ని కొత్తగా ప్రదర్శించాడు. కళ్లు చెదిరే స్టెప్పులు వేయకపోయినా.. భారీ డైలాగులు పేల్చకపోయినా.. సిక్స్ప్యాక్ బాడీతో కనిపించకపోయినా.. హీరోగా విజయాలు అందుకోవచ్చని నిరూపించి, ఎందరో వర్ధమాన నటులకు స్ఫూర్తిగా నిలుస్తున్నాడు. ఇప్పటి వరకు నటించిన 28 చిత్రాల్లోని పాత్రలకు పూర్తి భిన్నంగా 29వ సినిమా ‘దసరా’ కోసం మాస్ లుక్ ప్రయత్నించాడు.
ఇది వేరే మాస్..
‘దసరా’ను అందరూ ఊరమాస్, వీరమాస్ అని అంటుంటే నాని మాత్రం దాన్ని మనసుని హత్తుకునే మాస్ అంటున్నాడు. ప్రేక్షకులు భావోద్వేగంతో విజిల్స్ వేస్తారంటూ ఆసక్తి పెంచుతున్నాడు. నూతన దర్శకుడు శ్రీకాంత్ దర్శకత్వంలో రూపొందిందీ చిత్రం. కీర్తిసురేశ్ కథానాయిక. నాని.. ధరణి పాత్రలో నటించగా వెన్నెలగా కీర్తి కనిపించనుంది. ఇప్పటికే పోస్టర్లు, ప్రచార చిత్రాలను చూస్తే ‘అష్టా చమ్మాలోని ఆ రాంబాబేనా.. ఈ వైలెంట్ ధరణి?’ అని అనిపించకమానదు. ఈ ధరణి కథ తెలియాలంటే కొన్ని గంటలు ఆగాల్సిందే.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రామ్ చరణ్ బర్త్డే.. ఆయన బాల్యం గురించి ఈ విశేషాలు తెలుసా..?
టాలీవుడ్ ప్రముఖ హీరో రామ్ చరణ్ పుట్టినరోజు నేడు. ఈ సందర్భంగా ఆయన గురించి కొన్ని విశేషాలు.. -
Challenging Roles: పాత్రలకు ప్రాణం పోశారు.. పృథ్వీరాజ్ సుకుమారన్ ఇలా.. విక్రమ్ అలా!
పాత్రలకు ప్రాణం పోసేందుకు మానసికంగా, శారీరకంగా ఎంతగానో శ్రమించిన నటులు, వారి సినిమాల వివరాలివీ.. -
Tollywood Actresses: అగ్ర నాయికలు అలా రూటు మార్చి.. హాట్టాపిక్గా నిలిచి!
అగ్ర కథానాయిక- వర్ధమాన హీరో కాంబినేషన్లో వచ్చిన సినిమాల విశేషాలు.. -
Actors turned Directors: ధనుష్, ఉపేంద్ర, కంగన.. మళ్లీ మరో కోణాన్ని చూపించేందుకు...
స్వీయ దర్శకత్వంలో నటించిన హీరో/హీరోయిన్పై ప్రత్యేక కథనం. ఎవరు ఏ సినిమాతో అలరించేందుకు సిద్ధమయ్యారంటే? -
Alia Bhatt: అందుకు క్లాస్లో బెంచీలు తుడిచి.. బ్యాగ్రౌండ్ ఉన్నా ఆడిషన్ ఇచ్చి: అలియా భట్ బర్త్డే స్పెషల్
అలియా భట్ పుట్టినరోజు సందర్భంగా ఆమె గురించి పలు విశేషాలు.. -
Mamitha Baiju: గిరిజ, సాయి పల్లవిలా మమితా బైజు.. రాజమౌళి మెచ్చిన ఈ నటి ఎవరు?
యంగ్ హీరోయిన్ మమితా బైజును అగ్ర దర్శకుడు ప్రశంసించడం అందరి దృష్టినీ ఆకర్షించింది. ఎవరీ నటి? -
Comedians as Heros: కమెడియన్లు.. కథానాయకులై.. ఎవరెవరు ఏ సినిమాతో అలరించారంటే?
కమెడియన్లుగా కెరీర్ని ప్రారంభించి హీరోగాను సినిమాలు చేస్తున్న నటులపై ప్రత్యేక కథనం.. -
Krystyna Pyszkova: మనిషే కాదు.. మనసూ అందమే: మిస్ వరల్డ్ క్రిస్టినా గురించి ఆసక్తికర విశేషాలివీ
ప్రపంచ సుందరి-2024 కిరీటం దక్కించుకున్న క్రిస్టినా పిస్కోవా గురించి ఆసక్తికర విశేషాలు మీకోసం.. -
Miss World Pageant: తొలుత ‘బికినీ కాంటెస్ట్’గా.. 28 ఏళ్ల తర్వాత భారత్ ఆతిథ్యం.. ‘మిస్ వరల్డ్’ పోటీల సంగతులివీ!
భారత్ ఆతిథ్యంలో 71వ ఎడిషన్ ‘మిస్ వరల్డ్’ పోటీలు జరుగుతున్నాయి. శనివారం విజేతను ప్రకటించనున్నారు. ఈ సందర్భంగా ఈ అందాల పోటీల గురించి పలు ఆసక్తికర విశేషాలు.. -
Sini Shetty: మిస్ వరల్డ్ పోటీలు.. ‘బెస్ట్ డిజైనర్ డ్రెస్’ విజేతగా సినిశెట్టి
మిస్ వరల్డ్ 2024 పోటీల్లో భారత్కు ప్రాతినిధ్యం వహిస్తున్న సినిశెట్టి గురించి ఆసక్తికర విశేషాలివీ.. -
Movies in March: మార్చిలో మురిపించే చిత్రాలు.. వరుణ్ తేజ్ అలా.. ‘టిల్లు’ ఇలా!
మార్చిలో విడుదల కానున్న సినిమాలపై ప్రత్యేక కథనం. ఏ హీరో చిత్రం ఏ రోజు ప్రేక్షకుల ముందుకు రానుందంటే? -
Valentine Day: వాలంటైన్స్ డేకు రీరిలీజ్ కానున్న ప్రేమకథా చిత్రాలివే..
వాలంటైన్స్ డే సందర్భంగా గతంలో అలరించిన ప్రేమ కథాచిత్రాలు మరోసారి వినోదాన్ని పంచేందుకు సిద్ధమయ్యాయి. -
తొలి సినిమా ఫ్లాప్.. ‘బండమొహం వీడేం హీరో’ అన్నారు.. రీల్ కెరీర్ To పొలిటికల్ ఎంట్రీ.. విజయ్ లైఫ్ జర్నీ ఇదే!
Actor vijay: తల్లిదండ్రులకు సినీ నేపథ్యం ఉన్నా, నటుడిగా తనకంటూ తమిళనాట గుర్తింపు తెచ్చుకున్న విజయ్.. రాజకీయాల్లోకి అడుగు పెట్టారు. ఈ క్రమంలో ఇప్పటివరకూ ఆయన లైఫ్ జర్నీ ఎలా సాగింది? -
Jeethu Joseph: 17 సినిమాలు.. మూడే ఫ్లాప్లు.. చైనీస్, ఇండోనేషియా, కొరియాలోనూ రీమేక్ అయిన మొదటి భారతీయ సినిమా ఆయనదే!
Jeethu Joseph: మోహన్లాల్ కథానాయకుడిగా జీతూ జోసెఫ్ తెరకెక్కించిన ‘నెరు’ ఓటీటీలో దూసుకుపోతోంది. ఈ క్రమంలో జీతూ గురించి ఆసక్తికర విషయాలు.. -
Chiranjeevi: ఆ అవమానమే.. సుప్రీం హీరోను మెగాస్టార్ చేసింది: పద్మ విభూషణ్ చిరంజీవి ప్రయాణమిది!
ప్రముఖ నటుడు చిరంజీవికి అత్యున్నత పురస్కారాల్లో ఒకటైన ‘పద్మ విభూషణ్’ అవార్డు వరించింది. ఈ సందర్భంగా ఆయన గురించి ప్రత్యేక కథనం.. -
Salaar Part 2: ఈ ప్రశ్నలకు సమాధానం... ‘సలార్-2: శౌర్యాంగ పర్వం’ చెబుతుంది!
‘సలార్’ పార్ట్-1 చూసిన వారందరూ ఇప్పుడు పార్ట్-2 ‘శౌర్యాంగ పర్వం’ కోసం ఎదురు చూస్తున్నారు. మరి ఈ భాగంలో ఏయే ప్రశ్నలకు సమాధానం లభించనుంది? -
Telugu Movies: రిపబ్లిక్ డే ‘డబ్బింగ్’ చిత్రాలదే.. ఆ రోజు ‘ఈగల్’ సింగిల్గా..?
రిపబ్లిక్ డే సందర్భంగా విడుదలకానున్న చిత్రాలు, ఫిబ్రవరి రెండో వారంలో రాబోతున్న సినిమాలపై ప్రత్యేక కథనం.. -
Hombale Films: ఆ పరాజయం.. ‘కేజీయఫ్’, ‘సలార్’ హిట్లకు కారణమైంది: హోంబలే ప్రయాణమిదీ
ప్రముఖ నిర్మాణ సంస్థ ‘హోంబలే ఫిల్మ్స్’కు ఆ పేరు ఎందుకు పెట్టారో తెలుసా? ఆ బ్యానర్పై వచ్చిన సినిమాల వివరాలివీ.. -
Pallavi prashanth: ‘బిగ్బాస్’కు వెళ్తానంటే ఎగతాళి చేశారు.. ‘విన్నర్’గా నిలిచిన ‘రైతుబిడ్డ’ జర్నీ ఇదీ!
bigg boss 7 telugu winner pallavi prashanth: ఫోక్ సాంగ్స్ క్రియేటర్గా జీవితాన్ని మొదలు పెట్టిన పల్లవి ప్రశాంత్ లైఫ్ జర్నీ సాగిందిలా..! -
Bollywood Roundup: రీమేక్స్తో డీలా.. షారుక్ సినిమాలతో కొత్త కళ: బాలీవుడ్ తీరిలా!
ఈ ఏడాది విడుదలైన బాలీవుడ్ సినిమాలపై ప్రత్యేక కథనం. ఏ చిత్రం హిట్? ఏది ఫట్? చూసేయండి.. -
Venkatesh: అద్దమే ఫిల్మ్స్కూల్.. హోస్ట్గా ఆ షోస్కు ‘నో’: వెంకటేశ్ గురించి ఈ విశేషాలు తెలుసా?
ప్రముఖ హీరో వెంకటేశ్ పుట్టినరోజు నేడు. ఈ సందర్భంగా ఆయన సినిమాల గురించి పలు ఆసక్తికర సంగతులు చూద్దాం..
తాజా వార్తలు (Latest News)
-
మాకు కొత్త కెప్టెన్ ఉన్నాడు..: యాంకర్ ప్రశ్నకు ధోనీ సమాధానం
-
కేజ్రీవాల్ ఫోన్లోని ఎన్నికల వ్యూహాల కోసం.. ఈడీ ప్రయత్నాలు: అతిశీ
-
‘ఫోన్ ట్యాపింగ్ కేసు.. రాధాకిషన్రావు చెప్పినట్లే చేశా!’
-
హెన్రిచ్ క్లాసెన్.. సన్రైజర్స్కు భలే దొరికాడు
-
రాజకీయం అంటే ప్రజలకు సేవ చేయడమని ఎన్టీఆర్ నిరూపించారు: చంద్రబాబు
-
సిప్ ప్రారంభిస్తారా ?ఇవి తెలుసుకోండి..