Dev Mohan: ఇటు సమంతతో.. అటు రష్మికతో సినిమాలు.. ఎవరీ దేవ్ మోహన్?
సమంత ప్రధాన పాత్ర పోషించిన ‘శాకుంతలం’ సినిమాతో తెలుగు ప్రేక్షకులకు పరిచయంకాబోతున్నాడు మలయాళీ నటుడు దేవ్ మోహన్. త్వరలోనే ఈ చిత్రం విడుదలకానున్న సందర్భంగా దేవ్ గురించి కొన్ని సంగతులివీ..
ప్రముఖ నటి సమంత (Samantha Ruth Prabhu) ప్రధాన పాత్ర పోషించిన ‘శాకుంతలం’ (Shaakuntalam)లో అతడు కీలక పాత్ర పోషించాడు. మరో ప్రముఖ కథానాయిక రష్మిక (Rashmika Mandanna) ప్రధాన పాత్రలో రూపొందుతోన్న ‘రెయిన్బో’ (Rainbow)లో ముఖ్య భూమిక పోషిస్తున్నాడు. ఇద్దరు అగ్ర హీరోయిన్ల సినిమాల్లో కీ రోల్లో కనిపించనుండడంతో తెలుగు ప్రేక్షకుల దృష్టిని ఆకర్షిస్తున్నాడు. అతడే మలయాళ నటుడు దేవ్ మోహన్ (Dev Mohan). ‘శాకుంతలం’తో తెలుగు ప్రేక్షకులకు పరిచయమవుతున్న ఆయన గురించి కొన్ని విశేషాలు..
మిస్టర్ ఇండియా పోటీల్లో..
దేవ్ మోహన్ స్వస్థలం కేరళలోని త్రిశ్శూర్. 1992 సెప్టెంబరు 18న జన్మించాడు. అతనికో సోదరి. మెకానికల్ ఇంజినీరింగ్ చదివిన దేవ్.. బెంగళూరులోని ఓ కార్పొరేట్ సంస్థలో కొన్నాళ్ల పాటు ఉద్యోగం చేశాడు. దేవ్కు చిన్నప్పటి నుంచీ వ్యాయామం చేసే అలవాటు ఉండడంతో బెంగళూరులోనూ ప్రతిరోజూ జిమ్కు వెళ్లేవాడు. అలా జిమ్కు వెళ్తుండే దేవ్కు ఓ మోడల్ పరిచయమయ్యాడు. ఫిజిక్ బాగుందని చెబుతూ మిస్టర్ ఇండియా పోటీల్లో పాల్గొనాలని దేవ్కు ఆ మోడల్ సలహా ఇచ్చాడు. ఆ దిశగా ప్రయత్నం చేస్తే బాగుంటుందనుకున్న దేవ్ 2016లో ముంబయిలో నిర్వహించిన పోటీల్లో పాల్గొని ఫైనలిస్ట్గా ఎంపికయ్యాడు. ఉద్యోగం చేస్తూనే వారాంతాల్లో ఫ్యాషన్ షోల్లో పాల్గొనేవాడు.
అలా సినిమా అవకాశం..
‘నాకు నటన అంటే ఆసక్తి ఉండేది కాదు. అనుకోకుండా చిత్ర పరిశ్రమలో అడుగుపెట్టా’ అని చాలామంది సినీ తారలు చెప్పడం వినే ఉంటాం. దేవ్ కూడా ఆ కోవలోకే వస్తాడు. యాక్టింగ్ అంటే ఇష్టంలేని అతడు సినీ రంగంలోకి ఎలా అడుగు పెట్టాడంటే..? దేవ్ మోడలింగ్ చేసే సమయంలో తన స్నేహితుడు ఓ నిర్మాణ సంస్థ కొత్త హీరోలను వెతుకుతోందని చెప్పి, అదృష్టం పరీక్షించుకోమన్నాడట. మిత్రుడి మాటను కాదనలేక దేవ్ సంబంధిత ఆడిషన్కు వెళ్లాడు. ఆడిషన్ ఇచ్చిన కొన్నిరోజుల్లోనే సెలక్ట్ చేసినట్లు ఆయనకు శుభవార్త అందింది. అక్కడి వరకు పరిస్థితి బాగానే ఉన్నా తదుపరి పరిణామాలు దేవ్ని కుదురుగా ఉండనివ్వలేదు. నటుడిగా ఎంపికయ్యావనే కబురు తప్ప ఆ సినిమా ఎప్పుడు మొదలవుతుందనే విషయాన్ని ఎంతకీ చెప్పకపోవడంతో దేవ్.. ఆ చిత్ర దర్శకుడికి తరచూ ఫోన్లు చేసేవాడట. ఎన్నిసార్లు అడిగినా.. ‘సినిమా అంటూ తీస్తే నీతోనే’ అనేది ఆ దర్శకుడి నుంచి సమాధానం. ఎట్టకేలకు చిత్రీకరణ మొదలయ్యాకే హీరోనవుతున్నాననే నమ్మకం కలిగిందని దేవ్ ఓ సందర్భంలో తెలిపాడు. మరో ట్విస్ట్ ఏంటంటే? నటుడిగా తన ప్రతిభను వెండితెరపై చూసుకోవాలనుకున్న దేవ్ కల నెరవేరలేదు. తన తొలి సినిమా ‘సూఫియం సుజాతయుం’ (Sufiyum Sujatayum) ఓటీటీలో విడుదలవడంతో దేవ్కి నిరాశ ఎదురైనట్టైంది. కానీ, తన నటనపై ప్రేక్షకులు ప్రశంసలు కురిపించడంతో దేవ్ ఆనందానికి అవధుల్లేకుండా పోయాయి.
నటుడనే విషయం చెప్పకుండా..
సినిమాలో నటించే అవకాశం వచ్చిన విషయాన్ని దేవ్ ఎవరికీ చెప్పలేదు. తాను పోషించిన పాత్ర కోసం గడ్డం, జుట్టు పెంచుకోవడంతో ‘దేవ్.. ఏదో చేస్తున్నాడు’ అని సహోద్యోగులు అనుకునేవారట. కానీ, అసలు విషయం తెలుసుకోలేకపోయారు. పైగా ఆ సినిమా ట్రైలర్ చూసి ‘ఈ చిత్రంలోని హీరో నీలానే ఉన్నాడు’ అంటూ పొగిడేవారు. దేవ్ మోహనే ఆ హీరో అని కొన్ని రోజుల తర్వాత తెలుసుకున్నారు.
తొలి ప్రయత్నంలోనే గుర్తింపు
తొలి ప్రయత్నంలోనే సవాలు విసిరే పాత్ర చేశాడు దేవ్. ‘సూఫియుం సుజాతయుం’లో సూఫీ గురువుగా ఆయన నటించాడు. ఆ పాత్రలో ఒదిగిపోయేందుకు వాళ్ల హావభావాలు, సూఫీ ప్రత్యేకమైన నాట్యం, కొంచెం అరబిక్, ధ్యానం... ఇలా ఎన్నో నేర్చుకున్నాడు. ఖురాన్ నుంచి కొన్ని విషయాలు తెలుసుకున్నాడు. ‘నా తొలి సినిమా సూఫియుం సుజాతయుం చూసిన నిర్మాత గుణ నీలిమ ‘శాకుంతలం’లో దుష్యంతుడి పాత్రకు ఎంపిక చేశారు’ అని దేవ్ ఓ ఇంటర్వ్యూలో తెలిపారు.
సమంతకు విజ్ఞప్తి..!
నటుడిగా కెరీర్ ప్రారంభమైన అనతి కాలంలోనే ఇతిహాస నేపథ్య చిత్రంలో నటించడం, అదీ సమంతతో కలిసి తెరను పంచుకోవడంపై ఆనందం వ్యక్తం చేసిన దేవ్.. సమంత నుంచి ఎన్నో విషయాలు నేర్చుకున్నానని చెప్పాడు. ఇక్కడి వాతావరణం, తెలుగు భాష కొత్త కావడంతో .. చిత్రీకరణ సమయంలో ఎలాంటి సందేహాలు వచ్చినా అడుగుతానని, నటనలో సహకారంకావాలని షూటింగ్ ప్రారంభించిన తొలిరోజే సమంతకు విజ్ఞప్తి చేశాడట. సమంత కన్నా వయసులో దేవ్ మోహన్ ఐదేళ్లు చిన్నవాడు వాడు కావడం గమనార్హం. దేవ్ నటించిన తొలి సినిమా ‘సూఫియుం సుజాతయుం’ 2020లో విడుదలైంది. ఆ తర్వాత ‘హోమ్’ చిత్రంలో అతిథి పాత్ర పోషించాడు. అది 2021లో ప్రేక్షకుల ముందుకురాగా దేవ్ నటించిన మూడో చిత్రం ‘పాత్రాండు’ 2022లో రిలీజ్ అయింది. ఈ మూడు సినిమాల అనుభవంతోనే టాలీవుడ్లోకి ఎంట్రీ ఇస్తున్నాడాయన.
ప్రముఖ దర్శకుడు గుణ శేఖర్ తెరకెక్కించిన ‘శాకుంతలం’ ఈ నెల 14న విడుదలకాబోతుంది. ప్రస్తుతం మలయాళంలో ఓ సినిమాల చేస్తున్న దేవ్.. రష్మిక ప్రధాన పాత్రలో తెరకెక్కుతున్న ‘రెయిన్బో’లోనూ నటిస్తున్నాడు. నూతన దర్శకుడు శాంతరూబన్ ఆ చిత్రాన్ని తెరకెక్కిస్తున్నారు. శాకుంతలం విషయానికొస్తే.. కాళిదాసు రచించిన సంస్కృత నాటకం అభిజ్ఞాన శాకుంతలం ఆధారంగా రూపొందిన ఆ సినిమాలో మోహన్బాబు, మధుబాల, గౌతమి తదితరులు కీలక పాత్రల్లో కనిపించనున్నారు. అల్లు అర్జున్ తనయ అర్హ బాల నటిగా టాలీవుడ్ ఎంట్రీ ఇస్తోంది. 3డీ వెర్షన్లోనూ ఆ సినిమా విడుదలవుతుంది.
- ఇంటర్నెట్ డెస్క్
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఎవరీ అశ్వత్థామ.. కృష్ణుడు అతడికి ఇచ్చిన శాపం ఏంటి?
ప్రభాస్ (Prabhas) కథానాయకుడిగా నాగ్ అశ్విన్ దర్శకత్వంలో రూపొందుతున్న సైన్స్ ఫిక్షన్ మూవీ ‘కల్కి 2898 ఏడీ’ (Kalki 2898 AD). ఇందులో ప్రముఖ నటుడు అమితాబ్ బచ్చన్ అశ్వత్థామగా (Ashwathama) కనిపించనున్నారు. -
ఇక్కడ ప్రభాస్, విష్ణు.. అక్కడ రజనీకాంత్, కమల్ హాసన్: వీరి చిత్రాల స్పెషల్ ఏంటంటే?
ప్రముఖ నటులు కొందరు కలిసి నటిస్తున్న చిత్రాలపై ప్రత్యేక కథనం. ఎవరెవరు ఏయే సినిమాల్లో నటిస్తున్నారంటే? -
నాయికలు ‘తెర’ పంచుకుంటే.. వినోదం పెంచినట్టే
త్వరలో విడుదల కాబోయే సినిమాలు ప్రేక్షకులకు రెట్టింపు వినోదాన్ని పంచడానికి సిద్ధమవుతున్నాయి. అందుకు కారణం ఒకే మూవీలో ఇద్దరు/ ముగ్గురు హీరోయిన్లు కలిసి నటిస్తుండటమే.. -
సీనియర్ హీరోయిన్ల జోరు ‘తగ్గేదే లే’.. ఎవరెన్ని సినిమాలతో బిజీగా ఉన్నారంటే?
టాలీవుడ్ సీనియర్ హీరోయిన్లపై ప్రత్యేక కథనం. త్రిష, నయనతార, తమన్నా.. ఇలా ఎవరెవరు ఎన్ని సినిమాలతో సందడి చేసేందుకు సిద్ధంగా ఉన్నారంటే? -
పృథ్వీరాజ్ సుకుమారన్ బెస్ట్ మూవీస్.. ఇప్పుడు ‘ఆడుజీవితం’.. ఇంతకుముందు?
పృథ్వీరాజ్ సుకుమారన్ నటించిన ఉత్తమ చిత్రాలు ఏంటంటే..? -
ఆ అవార్డు అందుకున్న తొలి వ్యక్తిని నేనే అని తెలిసి షాకయ్యా.. అల్లు అర్జున్
నటుడు అల్లు అర్జున్ (Allu Arjun) పుట్టినరోజు నేడు. ఈ సందర్భంగా ఆయనకు సంబంధించిన పలు ఆసక్తికర విశేషాలు. -
రికార్డుల్లోనూ ఫస్టే ఈ నేషనల్ క్రష్.. రష్మిక ఖాతాలో ఘనతలెన్నో!
రష్మిక పుట్టినరోజు సందర్భంగా ఆమె సొంతంచేసుకున్న కొన్ని రికార్డులను చూద్దాం.. -
రామ్ చరణ్ బర్త్డే.. ఆయన బాల్యం గురించి ఈ విశేషాలు తెలుసా..?
టాలీవుడ్ ప్రముఖ హీరో రామ్ చరణ్ పుట్టినరోజు నేడు. ఈ సందర్భంగా ఆయన గురించి కొన్ని విశేషాలు.. -
Challenging Roles: పాత్రలకు ప్రాణం పోశారు.. పృథ్వీరాజ్ సుకుమారన్ ఇలా.. విక్రమ్ అలా!
పాత్రలకు ప్రాణం పోసేందుకు మానసికంగా, శారీరకంగా ఎంతగానో శ్రమించిన నటులు, వారి సినిమాల వివరాలివీ.. -
Tollywood Actresses: అగ్ర నాయికలు అలా రూటు మార్చి.. హాట్టాపిక్గా నిలిచి!
అగ్ర కథానాయిక- వర్ధమాన హీరో కాంబినేషన్లో వచ్చిన సినిమాల విశేషాలు.. -
Actors turned Directors: ధనుష్, ఉపేంద్ర, కంగన.. మళ్లీ మరో కోణాన్ని చూపించేందుకు...
స్వీయ దర్శకత్వంలో నటించిన హీరో/హీరోయిన్పై ప్రత్యేక కథనం. ఎవరు ఏ సినిమాతో అలరించేందుకు సిద్ధమయ్యారంటే? -
Alia Bhatt: అందుకు క్లాస్లో బెంచీలు తుడిచి.. బ్యాగ్రౌండ్ ఉన్నా ఆడిషన్ ఇచ్చి: అలియా భట్ బర్త్డే స్పెషల్
అలియా భట్ పుట్టినరోజు సందర్భంగా ఆమె గురించి పలు విశేషాలు.. -
Mamitha Baiju: గిరిజ, సాయి పల్లవిలా మమితా బైజు.. రాజమౌళి మెచ్చిన ఈ నటి ఎవరు?
యంగ్ హీరోయిన్ మమితా బైజును అగ్ర దర్శకుడు ప్రశంసించడం అందరి దృష్టినీ ఆకర్షించింది. ఎవరీ నటి? -
Comedians as Heros: కమెడియన్లు.. కథానాయకులై.. ఎవరెవరు ఏ సినిమాతో అలరించారంటే?
కమెడియన్లుగా కెరీర్ని ప్రారంభించి హీరోగాను సినిమాలు చేస్తున్న నటులపై ప్రత్యేక కథనం.. -
Krystyna Pyszkova: మనిషే కాదు.. మనసూ అందమే: మిస్ వరల్డ్ క్రిస్టినా గురించి ఆసక్తికర విశేషాలివీ
ప్రపంచ సుందరి-2024 కిరీటం దక్కించుకున్న క్రిస్టినా పిస్కోవా గురించి ఆసక్తికర విశేషాలు మీకోసం.. -
Miss World Pageant: తొలుత ‘బికినీ కాంటెస్ట్’గా.. 28 ఏళ్ల తర్వాత భారత్ ఆతిథ్యం.. ‘మిస్ వరల్డ్’ పోటీల సంగతులివీ!
భారత్ ఆతిథ్యంలో 71వ ఎడిషన్ ‘మిస్ వరల్డ్’ పోటీలు జరుగుతున్నాయి. శనివారం విజేతను ప్రకటించనున్నారు. ఈ సందర్భంగా ఈ అందాల పోటీల గురించి పలు ఆసక్తికర విశేషాలు.. -
Sini Shetty: మిస్ వరల్డ్ పోటీలు.. ‘బెస్ట్ డిజైనర్ డ్రెస్’ విజేతగా సినిశెట్టి
మిస్ వరల్డ్ 2024 పోటీల్లో భారత్కు ప్రాతినిధ్యం వహిస్తున్న సినిశెట్టి గురించి ఆసక్తికర విశేషాలివీ.. -
Movies in March: మార్చిలో మురిపించే చిత్రాలు.. వరుణ్ తేజ్ అలా.. ‘టిల్లు’ ఇలా!
మార్చిలో విడుదల కానున్న సినిమాలపై ప్రత్యేక కథనం. ఏ హీరో చిత్రం ఏ రోజు ప్రేక్షకుల ముందుకు రానుందంటే? -
Valentine Day: వాలంటైన్స్ డేకు రీరిలీజ్ కానున్న ప్రేమకథా చిత్రాలివే..
వాలంటైన్స్ డే సందర్భంగా గతంలో అలరించిన ప్రేమ కథాచిత్రాలు మరోసారి వినోదాన్ని పంచేందుకు సిద్ధమయ్యాయి. -
తొలి సినిమా ఫ్లాప్.. ‘బండమొహం వీడేం హీరో’ అన్నారు.. రీల్ కెరీర్ To పొలిటికల్ ఎంట్రీ.. విజయ్ లైఫ్ జర్నీ ఇదే!
Actor vijay: తల్లిదండ్రులకు సినీ నేపథ్యం ఉన్నా, నటుడిగా తనకంటూ తమిళనాట గుర్తింపు తెచ్చుకున్న విజయ్.. రాజకీయాల్లోకి అడుగు పెట్టారు. ఈ క్రమంలో ఇప్పటివరకూ ఆయన లైఫ్ జర్నీ ఎలా సాగింది? -
Jeethu Joseph: 17 సినిమాలు.. మూడే ఫ్లాప్లు.. చైనీస్, ఇండోనేషియా, కొరియాలోనూ రీమేక్ అయిన మొదటి భారతీయ సినిమా ఆయనదే!
Jeethu Joseph: మోహన్లాల్ కథానాయకుడిగా జీతూ జోసెఫ్ తెరకెక్కించిన ‘నెరు’ ఓటీటీలో దూసుకుపోతోంది. ఈ క్రమంలో జీతూ గురించి ఆసక్తికర విషయాలు..
తాజా వార్తలు (Latest News)
-
స్టాయినిస్ శతకం.. చెన్నైపై లఖ్నవూ ఘన విజయం
-
డిన్నరేనా.. డ్యాన్స్ వద్దా?: షారుక్ఖాన్తో మోహన్లాల్
-
ఇండిగో విమానాల్లో ఇక వినోదం.. తొలుత ఈ రూట్లోనే..
-
బెంగాలీ అమ్మాయి.. నాన్న కొట్టిన చెంప దెబ్బ.. ఇవే ఆలోచనలు: పూరి జగన్నాథ్
-
ఆ ‘ఎస్-400’లు.. వచ్చే ఏడాదే భారత్కు!
-
జీవితంలో ముందుకెళ్లాలంటే ధైర్యం ఉండాలి : ఐపీఎస్ ఆఫీసర్ పోస్ట్ వైరల్