Anveshi Jain: ‘సీసా’ తో షేక్ చేస్తున్న అన్వేషి జైన్.. హుషారు వెనక విషాదం ఇదీ!
‘ఊ అంటావా మావా’ పాటతో సమంత ఇటీవల ఎంత మత్తెక్కించిందో ఇప్పుడు ‘నా పేరు సీసా’ అంటూ అన్వేషి జైన్ అంతే కిక్కేక్కిస్తోంది. ‘సీకాకుళం సారంగి’గా తన అందం, అభినయంతో యువతను ఉర్రూతలూగిస్తోంది.
ఎన్నో అవరోధాలు దాటి.. కోట్లమంది హృదయాలు గెలిచి
ఇంటర్నెట్ డెస్క్: ‘ఊ అంటావా మావా’ పాటతో సమంత ఇటీవల ఎంత మత్తెక్కించిందో ఇప్పుడు ‘నా పేరు సీసా’ (Naa Peru Seesa) అంటూ అన్వేషి జైన్ (Anveshi Jain) అంతే కిక్కేక్కిస్తోంది. ‘సీకాకుళం సారంగి’గా తన అందం, అభినయంతో యువతను ఉర్రూతలూగిస్తోంది. ఒకే ఒక్క పాటతో తన గురించి తెలుసుకునేలా చేస్తోంది. ఈ క్రమంలో అన్వేషి పేరు ట్రెండింగ్లో నిలిచింది. తెరపై కనిపిస్తున్న ఆమె హుషారైన డ్యాన్స్ వెనక చాలామందికి తెలియని ఎన్నో విషాద సంఘటనలు దాగున్నాయి. ఓ సందర్భంలో అన్వేషి తన ప్రయాణాన్ని గుర్తుచేసుకున్నారిలా..
పాఠాలు చెప్పాల్సినవాడు తప్పు చేశాడు
‘‘చాలామంది ఆడపిల్లల్లా నేనూ బాల్యంలోనే శారీరక వేధింపులకు గురయ్యా. నా శరీరాన్ని చూసి కొందరు దుర్భాషలాడేవారు. అప్పుడు నాకేం తెలియదు కాబట్టి వారిని ఏమీ అనలేకపోయా. యవ్వనంలోనూ ఇదే పరిస్థితి. పదో తరగతి చదివే రోజుల్లో జెంటిల్మ్యాన్లా కనిపించే ఓ వ్యక్తి.. ‘నిన్ను ఎక్కడ తాకాలి?’ అంటూ నా(Anveshi Jain) బుగ్గపై, నడుముపై చేతులేశాడు. అప్పుడతడ్ని నేను కొట్టొచ్చు, పోలీసులకు ఫిర్యాదు చేయొచ్చు. కానీ, నేనలా చేయలేదు. పేదవాడు కాబట్టి ఆర్థిక సాయం చేయాలనే ఉద్దేశంతో నా పేరెంట్స్ అతని దగ్గరకు ట్యూషన్కు పంపించేవారు. ‘మీ బంధువు దగ్గరకు నేను ట్యూషన్కు వెళ్లను’ అని జరిగిన సంగతి అమ్మానాన్నలకు వివరించాలనుకున్నా. అదీ చేయలేదు. తన కుటుంబం గురించి ఆలోచించి, క్షమించేశా’’
నయంకాని వ్యాధితో..
‘‘కాలం గడిచే కొద్దీ నా(Anveshi Jain) శరీరంలో మార్పులు చోటుచేసుకున్నాయి. 2012లో నా రొమ్ములో పెద్ద గడ్డ ఏర్పడింది. వైద్యుల్ని సంప్రదిస్తే ఇదో వ్యాధి అని చెప్పారు. మరో రొమ్ముకూ అది వ్యాపించే అవకాశం ఉందన్నారు. ఈ సమస్య చాలామంది మహిళల్లో కనిపించేదే. కానీ, నయంకానిది. అప్పటి నుంచీ ప్రతి ఆర్నెల్లకు ఆస్పత్రికి వెళ్లి క్యాన్సర్ కణాలు ఏమైనా వృద్ధి చెందుతున్నాయేమోనని పరీక్ష చేయించుకునేదాన్ని. ఈ విషయం తెలియని వారు ఏవేవో ఊహించుకుంటూ బాడీపై కామెంట్ చేసేవారు, ఇప్పటికీ చేస్తూనే ఉన్నారు’’
ఇల్లు దగ్ధమైంది
‘‘ఇంజినీరింగ్ పూర్తయ్యాక కొన్నాళ్లు కొన్ని ఈవెంట్లకు హోస్ట్(Anveshi Jain)గా వ్యవహరించా. 2014 ఫిబ్రవరి 14న నేను ఓ సంగీత్ వేడుకను హోస్ట్ చేస్తున్న సమయంలో నా రూమ్మేట్ నుంచి కాల్ వచ్చింది. బిజీగా ఉండటం వల్ల ఫోన్ చెక్ చేసుకోలేదు. ఫంక్షన్ పూర్తయ్యాక చూస్తే 22 మిస్డ్కాల్స్ ఉన్నాయి. నేను కాల్బ్యాక్ చేసేలోపు తనే మళ్లీ చేసింది. ‘అన్వేషీ మీ ఇంటికి మంటలు వ్యాపించి, కాలిపోయింది’ అని తను చెప్పగానే షాకయ్యా’’
ముంబయి చేరుకున్నా..
‘‘ఇల్లు దగ్ధమవడంతో ఓ హోటల్లో తలదాచుకుందామని నా స్నేహితులు, తెలిసిన వారికి ఫోన్ చేసి డబ్బు కావాలని అడిగా. ఫలితం లేదు. ఏటీఎమ్కు వెళ్లి రూ.3 వేలు డ్రా చేసేందుకు ప్రయత్నించా. ఎంతకీ మనీ రాలేదు. కారణం నా(Anveshi Jain) ఖాతాలో రూ.850 మాత్రమే ఉండటం. ఆ విషయాన్ని ఆలస్యంగా తెలుసుకుని రూ. 850ని తీసుకుని, మా ఇంటికి చేరుకున్నా. ఆ కాలిపోయిన ఇంటి ముందే నిల్చొని, నవ్వుతూ ఓ ఫొటోకి పోజిచ్చా. నేనెందుకు అలా చేశానో అప్పుడు అక్కడున్న ఎవ్వరికీ అర్థంకాలేదు. ‘ఇప్పుడు చేస్తున్న పని సరిపోదు. జీవితంలో ఏదో సాధించాలి’ అనుకుని ఇల్లు విడిచి ముంబయి వెళ్లిపోయా’’
నేనేంటో తెలుసుకున్నా..
‘‘నా జీవితంలోని ఓ కొత్త అధ్యాయానికి ముంబయి నాంది పలికింది. ముందుగా ఆ నగరంలోని ఓ చిన్న ఇంట్లో మూడు నెలలు అద్దెకున్నా. అదే నివాసంలో ఉండే కొందరు నన్ను ప్రోత్సహించారు. ప్రతి విషయంలోనూ తోడుగా నిలిచారు. నటనపై ఉన్న ఆసక్తితో సినిమాల్లోకి వెళ్లాలని అక్కడే నిశ్చయించుకున్నా(Anveshi Jain). కానీ, మనం అనుకున్నంత తేలికగా ఏదీ జరగదు కదా. ముంబయికి వెళ్లిన కొన్ని నెలల్లో బరువు పెరిగా. కాస్త బొద్దుగా కనిపిస్తున్నానంటూ 700లకు పైగా ఆడిషన్స్లో తిరస్కరించారు. ప్రారంభంలో బాధపడినా తర్వాత దాన్నుంచి తేరుకున్నా. అన్నింటి కంటే ఆత్మవిశ్వాసం ముఖ్యమైందని తెలుసుకున్నా’’
ప్రేమ పేరుతో మోసపోయా..
‘‘తర్వాతర్వాత మనిషి సైకాలజీని చదవడం ప్రారంభించా. కానీ, ప్రేమ పేరుతో ఓ వ్యక్తి చేసిన మోసాన్ని పసిగట్టలేకపోయా. ఓ అబ్బాయితో పీకల్లోతు ప్రేమలో మునిగి డేటింగ్ చేస్తే చివరకు నన్ను వదిలేశాడు. ఆ బాధ వర్ణనాతీతం. పదే పదే దాని గురించే ఆలోచనలు వస్తుంటే వాటిని తట్టుకోలేక మానసిక వైద్యురాలిని కలిశా. తీవ్ర ఒత్తిడి గురవుతున్నానని విశ్రాంతితోపాటు మందులు వాడాలని ఆమె సూచించారు. ‘మేడమ్ మిమ్మల్ని నెల రోజుల్లో మళ్లీ కలుస్తా’ అని చెప్పి మెడిసిన్ తీసుకోకుండా వెళ్లిపోయా. ఆత్మ పరిశీలన చేసుకున్నా. అద్దంలో నా(Anveshi Jain) రూపాన్ని చూసుకుంటూ ‘నువ్వో అద్భుతం. నిన్ను చూసి నేను గర్వపడుతున్నా. తెలిసో తెలియకో నువ్వు చేసిన తప్పుల్ని మన్నిస్తున్నా. జరిగింది మర్చిపో. ఇకపై ఏం చేయాలో దాని గురించే ఆలోచించు’ అని జీవితంలో మరో ముందడుగేశా. తర్వాత, ఆ డాక్టర్ను కలిసే అవకాశం రాలేదు’’
నమ్మకం పెరిగింది..
‘‘ప్రేమ, ఇతర కారణాల వల్ల మనసు గాయపడిన వారిలో ఉత్సాహం నింపేలా వీడియో బ్లాగింగ్ మొదలుపెట్టా. అలా నా(Anveshi Jain) ఫేస్బుక్ ఖాతా సంఖ్య అమాంతం పెరిగిపోయింది. ప్రత్యక్షంగా వందలమందిలో, పరోక్షంగా కోట్ల మందిలో మార్పు తీసుకొచ్చినందుకు నాపై నాకు నమ్మకం పెరిగింది. మరోవైపు, 90 రోజుల స్వీయ ఛాలెంజ్ను స్వీకరించి, కఠోర వ్యాయామాలు చేసి బరువు తగ్గా. మళ్లీ సినీ ప్రయత్నాలు మొదలుపెట్టా. ఓరోజు బాలీవుడ్ క్రియేటివ్ డైరెక్టర్ బాలాజీ సింగ్ కాల్చేసి ఓ వెబ్ సిరీస్లో నటిగా ఎంపికయ్యానని చెప్పారు. అంతే, అనుకున్న గమ్యం చేరుకోవడంతో నా ఆనందం అంబరాన్నంటింది. ఆ సిరీసే మీరెంతగానో ఆదరించిన ‘గందీ బాత్ -2’’ (Gandii Baat 2) అంటూ తన జీవితంలోని ఊహించని మలుపుల గురించి చెబుతారు అన్వేషి జైన్.
అన్వేషి నటనకు ఫిదా అయిన వారంతా వివరాలు తెలుసుకునేందుకు ఆసక్తి చూపారు. అలా.. గూగుల్లో (2019) ఎక్కువ మంది అన్వేషించిన మహిళగా(Anveshi Jain) నిలిచారు. 1991 జూన్ 1న మధ్యప్రదేశ్లోని ఖజురహోలో జన్మించిన అన్వేషి భోపాల్లోని రాజీవ్గాంధీ సాంకేతిక విశ్వవిద్యాలయంలో ఎలక్ట్రికల్ ఇంజనీరింగ్ పూర్తి చేశారు. ‘గందీ బాత్’ తర్వాత ‘హూజ్ యువర్ డాడీ’, ‘బాస్: బాప్ ఆఫ్ స్పెషల్ సర్వీసెస్’ తదితర సిరీస్లతో బాలీవుడ్ ప్రేక్షకుల్ని విశేషంగా ఆకట్టుకున్నారు. ‘జి: ది ఫిల్మ్’ అనే గుజరాతీ చిత్రంలోనూ నటించారు. ‘కమిట్మెంట్’ అనే చిత్రంతో టాలీవుడ్లోకి ఎంట్రీ ఇచ్చారు. ఇప్పుడు ‘సీసా’ సాంగ్తో మరింత దగ్గరయ్యారు. రవితేజ హీరోగా తెరకెక్కుతున్న ‘రామారావు ఆన్ డ్యూటీ’ (RamaRao On Duty) చిత్రంలోని గీతమిది. శరత్ మండవ దర్శకత్వం వహిస్తున్న ఈ సినిమా జులై 29న విడుదలకానుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
నాయికలు ‘తెర’ పంచుకుంటే.. వినోదం పెంచినట్టే
త్వరలో విడుదల కాబోయే సినిమాలు ప్రేక్షకులకు రెట్టింపు వినోదాన్ని పంచడానికి సిద్ధమవుతున్నాయి. అందుకు కారణం ఒకే మూవీలో ఇద్దరు/ ముగ్గురు హీరోయిన్లు కలిసి నటిస్తుండటమే.. -
సీనియర్ హీరోయిన్ల జోరు ‘తగ్గేదే లే’.. ఎవరెన్ని సినిమాలతో బిజీగా ఉన్నారంటే?
టాలీవుడ్ సీనియర్ హీరోయిన్లపై ప్రత్యేక కథనం. త్రిష, నయనతార, తమన్నా.. ఇలా ఎవరెవరు ఎన్ని సినిమాలతో సందడి చేసేందుకు సిద్ధంగా ఉన్నారంటే? -
పృథ్వీరాజ్ సుకుమారన్ బెస్ట్ మూవీస్.. ఇప్పుడు ‘ఆడుజీవితం’.. ఇంతకుముందు?
పృథ్వీరాజ్ సుకుమారన్ నటించిన ఉత్తమ చిత్రాలు ఏంటంటే..? -
ఆ అవార్డు అందుకున్న తొలి వ్యక్తిని నేనే అని తెలిసి షాకయ్యా.. అల్లు అర్జున్
నటుడు అల్లు అర్జున్ (Allu Arjun) పుట్టినరోజు నేడు. ఈ సందర్భంగా ఆయనకు సంబంధించిన పలు ఆసక్తికర విశేషాలు. -
రికార్డుల్లోనూ ఫస్టే ఈ నేషనల్ క్రష్.. రష్మిక ఖాతాలో ఘనతలెన్నో!
రష్మిక పుట్టినరోజు సందర్భంగా ఆమె సొంతంచేసుకున్న కొన్ని రికార్డులను చూద్దాం.. -
రామ్ చరణ్ బర్త్డే.. ఆయన బాల్యం గురించి ఈ విశేషాలు తెలుసా..?
టాలీవుడ్ ప్రముఖ హీరో రామ్ చరణ్ పుట్టినరోజు నేడు. ఈ సందర్భంగా ఆయన గురించి కొన్ని విశేషాలు.. -
Challenging Roles: పాత్రలకు ప్రాణం పోశారు.. పృథ్వీరాజ్ సుకుమారన్ ఇలా.. విక్రమ్ అలా!
పాత్రలకు ప్రాణం పోసేందుకు మానసికంగా, శారీరకంగా ఎంతగానో శ్రమించిన నటులు, వారి సినిమాల వివరాలివీ.. -
Tollywood Actresses: అగ్ర నాయికలు అలా రూటు మార్చి.. హాట్టాపిక్గా నిలిచి!
అగ్ర కథానాయిక- వర్ధమాన హీరో కాంబినేషన్లో వచ్చిన సినిమాల విశేషాలు.. -
Actors turned Directors: ధనుష్, ఉపేంద్ర, కంగన.. మళ్లీ మరో కోణాన్ని చూపించేందుకు...
స్వీయ దర్శకత్వంలో నటించిన హీరో/హీరోయిన్పై ప్రత్యేక కథనం. ఎవరు ఏ సినిమాతో అలరించేందుకు సిద్ధమయ్యారంటే? -
Alia Bhatt: అందుకు క్లాస్లో బెంచీలు తుడిచి.. బ్యాగ్రౌండ్ ఉన్నా ఆడిషన్ ఇచ్చి: అలియా భట్ బర్త్డే స్పెషల్
అలియా భట్ పుట్టినరోజు సందర్భంగా ఆమె గురించి పలు విశేషాలు.. -
Mamitha Baiju: గిరిజ, సాయి పల్లవిలా మమితా బైజు.. రాజమౌళి మెచ్చిన ఈ నటి ఎవరు?
యంగ్ హీరోయిన్ మమితా బైజును అగ్ర దర్శకుడు ప్రశంసించడం అందరి దృష్టినీ ఆకర్షించింది. ఎవరీ నటి? -
Comedians as Heros: కమెడియన్లు.. కథానాయకులై.. ఎవరెవరు ఏ సినిమాతో అలరించారంటే?
కమెడియన్లుగా కెరీర్ని ప్రారంభించి హీరోగాను సినిమాలు చేస్తున్న నటులపై ప్రత్యేక కథనం.. -
Krystyna Pyszkova: మనిషే కాదు.. మనసూ అందమే: మిస్ వరల్డ్ క్రిస్టినా గురించి ఆసక్తికర విశేషాలివీ
ప్రపంచ సుందరి-2024 కిరీటం దక్కించుకున్న క్రిస్టినా పిస్కోవా గురించి ఆసక్తికర విశేషాలు మీకోసం.. -
Miss World Pageant: తొలుత ‘బికినీ కాంటెస్ట్’గా.. 28 ఏళ్ల తర్వాత భారత్ ఆతిథ్యం.. ‘మిస్ వరల్డ్’ పోటీల సంగతులివీ!
భారత్ ఆతిథ్యంలో 71వ ఎడిషన్ ‘మిస్ వరల్డ్’ పోటీలు జరుగుతున్నాయి. శనివారం విజేతను ప్రకటించనున్నారు. ఈ సందర్భంగా ఈ అందాల పోటీల గురించి పలు ఆసక్తికర విశేషాలు.. -
Sini Shetty: మిస్ వరల్డ్ పోటీలు.. ‘బెస్ట్ డిజైనర్ డ్రెస్’ విజేతగా సినిశెట్టి
మిస్ వరల్డ్ 2024 పోటీల్లో భారత్కు ప్రాతినిధ్యం వహిస్తున్న సినిశెట్టి గురించి ఆసక్తికర విశేషాలివీ.. -
Movies in March: మార్చిలో మురిపించే చిత్రాలు.. వరుణ్ తేజ్ అలా.. ‘టిల్లు’ ఇలా!
మార్చిలో విడుదల కానున్న సినిమాలపై ప్రత్యేక కథనం. ఏ హీరో చిత్రం ఏ రోజు ప్రేక్షకుల ముందుకు రానుందంటే? -
Valentine Day: వాలంటైన్స్ డేకు రీరిలీజ్ కానున్న ప్రేమకథా చిత్రాలివే..
వాలంటైన్స్ డే సందర్భంగా గతంలో అలరించిన ప్రేమ కథాచిత్రాలు మరోసారి వినోదాన్ని పంచేందుకు సిద్ధమయ్యాయి. -
తొలి సినిమా ఫ్లాప్.. ‘బండమొహం వీడేం హీరో’ అన్నారు.. రీల్ కెరీర్ To పొలిటికల్ ఎంట్రీ.. విజయ్ లైఫ్ జర్నీ ఇదే!
Actor vijay: తల్లిదండ్రులకు సినీ నేపథ్యం ఉన్నా, నటుడిగా తనకంటూ తమిళనాట గుర్తింపు తెచ్చుకున్న విజయ్.. రాజకీయాల్లోకి అడుగు పెట్టారు. ఈ క్రమంలో ఇప్పటివరకూ ఆయన లైఫ్ జర్నీ ఎలా సాగింది? -
Jeethu Joseph: 17 సినిమాలు.. మూడే ఫ్లాప్లు.. చైనీస్, ఇండోనేషియా, కొరియాలోనూ రీమేక్ అయిన మొదటి భారతీయ సినిమా ఆయనదే!
Jeethu Joseph: మోహన్లాల్ కథానాయకుడిగా జీతూ జోసెఫ్ తెరకెక్కించిన ‘నెరు’ ఓటీటీలో దూసుకుపోతోంది. ఈ క్రమంలో జీతూ గురించి ఆసక్తికర విషయాలు.. -
Chiranjeevi: ఆ అవమానమే.. సుప్రీం హీరోను మెగాస్టార్ చేసింది: పద్మ విభూషణ్ చిరంజీవి ప్రయాణమిది!
ప్రముఖ నటుడు చిరంజీవికి అత్యున్నత పురస్కారాల్లో ఒకటైన ‘పద్మ విభూషణ్’ అవార్డు వరించింది. ఈ సందర్భంగా ఆయన గురించి ప్రత్యేక కథనం.. -
Salaar Part 2: ఈ ప్రశ్నలకు సమాధానం... ‘సలార్-2: శౌర్యాంగ పర్వం’ చెబుతుంది!
‘సలార్’ పార్ట్-1 చూసిన వారందరూ ఇప్పుడు పార్ట్-2 ‘శౌర్యాంగ పర్వం’ కోసం ఎదురు చూస్తున్నారు. మరి ఈ భాగంలో ఏయే ప్రశ్నలకు సమాధానం లభించనుంది?
తాజా వార్తలు (Latest News)
-
మిస్టర్.. కామెంట్ చేసేముందు మాటలు జాగ్రత్త: నటుడికి నభా నటేశ్ రిప్లై
-
గూగుల్లో మరోసారి ఉద్యోగుల తొలగింపు.. తోషిబాలోనూ 5,000 మంది!
-
ఆ లక్ష్యంతోనే బరిలోకి దిగాం : రిషభ్ పంత్
-
సాఫ్ట్వేర్ ఉద్యోగి ఫిర్యాదు.. కేసీఆర్ అన్న కుమారుడిపై మరో కేసు
-
మణి అన్నపురెడ్డిని ఎందుకు పట్టుకోవట్లేదు?
-
ఉత్తర్ప్రదేశ్ బరిలో తెలంగాణ మహిళ.. ఆమె ఆస్తులు ఎంతంటే?