KGF Chapter 2: రాకీకి సవాల్ విసిరేది ఎవరు? కేజీయఫ్-2లో వార్ వీరితోనేనా?
‘కేజీయఫ్ ఛాప్టర్ 1’.. 2018 డిసెంబరులో విడుదలై ఎవరూ ఊహించని విజయాన్ని అందుకుంది. ఇందులోని కథ, హీరోయిజం, విలనిజం.. ఇలా ప్రతిదీ అన్ని చిత్ర పరిశ్రమల ప్రేక్షకుల్ని విశేషంగా ఆకట్టుకుంది. ఈ సినిమాకు కొనసాగింపుగా రూపొందిన ‘కేజీయఫ్ ఛాప్టర్ 2’..
ఇంటర్నెట్ డెస్క్: ‘కేజీయఫ్ ఛాప్టర్ 1’.. 2018 డిసెంబరులో విడుదలై ఎవరూ ఊహించని విజయాన్ని అందుకుంది. ఇందులోని కథ, హీరోయిజం, విలనిజం, సంగీతం.. ఇలా ప్రతిదీ అన్ని చిత్ర పరిశ్రమల ప్రేక్షకుల్ని విశేషంగా ఆకట్టుకుంది. ఈ సినిమాకు కొనసాగింపుగా రూపొందిన ‘కేజీయఫ్ ఛాప్టర్ 2’.. ఏప్రిల్ 14 నుంచి సందడి చేయనుంది. ఈ సందర్భంగా రెండో అధ్యాయంలో కీలక పాత్ర పోషించిన వారి గురించి తెలుసుకుందాం..
తొలి అధ్యాయంలో..
రాకీ (హీరో యశ్) ప్రధాన విలన్ గరుడ (రామచంద్రరాజు)ను దారుణంగా హత్య చేసే సన్నివేశంతో ఛాప్టర్ 1 ముగిసిన విషయం తెలిసిందే. ‘నరాచీ లైమ్స్టోన్ కార్పొరేషన్’ పేరిట బంగారాన్ని అక్రమంగా రవాణా చేసి కోట్లు గడించిన గరుడ తండ్రి సూర్యవర్ధన్ (రమేశ్ ఇందిర) పాత్రా ఛాప్టర్ 1తోనే పూర్తయింది. గరుడను చంపించిన వారి తదుపరి ప్రణాళికేంటి? చనిపోయాడనుకున్న సూర్య వర్ధన్ సోదరుడు అధీరా ఎలా తిరిగొచ్చాడు? ప్రధాన మంత్రి తీసుకొన్న నిర్ణయమేంటి? తదితర విషయాలు ఛాప్టర్-2పై ఆసక్తిని రేకెత్తించాయి.
ఆ ప్రధాని ఈమెనే
ప్రధాన మంత్రి.. హీరోపై డెత్ వారెంట్ జారీ చేసే సన్నివేశంతో ఛాప్టర్ 1 మొదలవుతుంది. అందులో ఈ పవర్ఫుల్ క్యారెక్టర్ కనిపించదు కానీ వినిపిస్తుంది. ఛాప్టర్ 2లో నట విశ్వరూపం చూపించబోతోందని ట్రైలర్ చూస్తే అర్థమవుతోంది. ‘నీ దగ్గరున్నదంతా లాగేసుకుంటా’ అనే డైలాగ్.. వ్యక్తిగతంగా ప్రధాన మంత్రీ కేజీయఫ్ను సొంతం చేసుకునేందుకు ప్రయత్నించినట్టు తెలుస్తోంది. మరి రాకీను మోస్ట్ వాంటెడ్ క్రిమినల్గా పరిగణించిన ప్రభుత్వం ఏం చేసింది? అనేది తెలియాల్సి ఉంది. రమికా సేన్ అనే ఈ పాత్రకు జీవం పోసింది బాలీవుడ్ నటి రవీనా టాండన్. ఈమె తెలుగు ప్రేక్షకులకు సుపరిచితమే. ‘రధసారథి’తో టాలీవుడ్లోకి అడుగుపెట్టిన ఆమె ‘బంగారు బుల్లోడు’, ‘ఆకాశ వీధిలో’, ‘పాండవులు పాండవులు తుమ్మెద’ సినిమాలతో అలరించింది.
భయంకర అధీరా
ఛాప్టర్ 1లో గాత్రం వినిపించి, ముఖం కనిపించని పాత్రల్లో మరొకటి అధీరా. తొలి భాగంలో ఈ భయంకర పాత్ర మరణించినట్టు చూపిస్తారు. కానీ, రెండో పార్ట్లో ఆ పాత్ర సజీవంగానే ఉందని ట్రైలర్లో చూపించారు. అదెలా అనేదానికి పార్ట్-2నే సమాధానం. ‘కత్తి విసిరి రక్తం చిందించి యుద్ధం చేసేది నాశనానికి కాదు ఉద్ధరించడానికి’ అని ట్రైలర్లో వినిపించిన డైలాగ్ను బట్టి ‘నరాచీ..’ను తాను సొంతం చేసుకునేందుకు పక్కా ప్రణాళిక రచించినట్టు అర్థమవుతోంది. ‘అక్కడ పడే పీనుగులు కూడా పనికొస్తాయి.. కావాలంటే రాబందులను అడుగు’ అని విరుచుకుపడే ఈ పాత్రలో బాలీవుడ్ ప్రముఖ నటుడు సంజయ్ దత్ కనిపిస్తారు. గతంలో ఈయన తెలుగు చిత్రం ‘చంద్రలేఖ’లో అతిథిగా మెరిసిన సంగతి తెలిసిందే.
సీబీఐ అధికారిగా..
గరుడ హత్య వెనక ఎవరున్నారు? అసలు ‘నరాచీ..’ రహస్యమేంటి? తదితర వివరాలు సేకరించే సెంట్రల్ బ్యూరో ఆఫ్ ఇన్విస్టిగేషన్ (సీబీఐ) అధికారిగా రావు రమేశ్ కనిపించనున్నారు. కన్నెగంటి రాఘవన్ పేరుతో ఆయన వైవిధ్యం చూపించబోతున్నారు.
ఈయన స్థానంలో ప్రకాశ్..?
‘నరాచీ లైమ్స్టోన్ కార్పొరేషన్’.. పేరిట జరుగుతున్న హింసను ప్రపంచానికి తెలియజేసేందుకు ‘ఎల్ డొరాడో’ అనే పుస్తకాన్ని రాసిన రచయిత, జర్నలిస్టు ఆనంద్ వాసిరాజ్గా పార్ట్- 1లో అనంత్ నాగ్ కనిపించారు. ఈ పాత్రకు శుభలేఖ సుధాకర్ గాత్రదానం చేశారు. దీంతో ఆ పాత్ర తెలుగు ప్రేక్షకులకు మరింత దగ్గరైంది. అయితే, ఛాప్టర్ 2 ట్రైలర్లో అనంత్ నాగ్ కనిపించరు. అదే తరహా లుక్లో ప్రకాశ్రాజ్ సంభాషణలు చెప్పడంతో అనంత్ నాగ్ సీక్వెల్లో ఉండకపోవచ్చని తెలుస్తోంది. అయితే, అనంత్ నాగ్ స్థానంలో ప్రకాశ్రాజ్ నటించారని ఓవైపు.. అనంత్నాగ్తోపాటు ప్రకాశ్రాజ్ కూడా ఉన్నారని కొన్ని రోజులుగా నెట్టింట చర్చ సాగుతూనే ఉంది. ‘రక్తంతో రాసిన కథ ఇది. సిరాతో ముందుకు తీసుకెళ్లలేం. ముందుకెళ్లాలంటే మళ్లీ రక్తాన్నే అడుగుతుంది’ అని కేజీయఫ్ రెండో అధ్యాయాన్ని ప్రకాశ్రాజ్ వివరించడం ట్రైలర్లో కనిపించింది. రెండో అధ్యాయంలో ఇద్దరూ ఉంటారా? కేవలం ప్రకాశ్ రాజే కనిపిస్తారా? తెలియాలంటే సినిమా చూడాల్సిందే.
రహస్యం ఎందుకో?
ఛాప్టర్ 2లో ఎవరెవరు ఏ ఏ పాత్రల్లో కనిపిస్తారో పోస్టర్లు, ట్రైలర్ ద్వారా హింట్ ఇచ్చిన చిత్ర బృందం ఈశ్వరీరావు వివరాలను మాత్రం బయటపెట్టలేదు. ప్రచార చిత్రంలో ఈ పాత్ర అలా కనిపించి ఇలా వెళ్లిపోతుంది. ఆమె ఎలాంటి పాత్ర పోషించారు? ఎందుకంతా రహస్యంగా ఉంచారు? ఎలాంటి ట్విస్ట్ ఇవ్వబోతున్నారు? ‘నరాచీ..’లో ఓ యోధుడిలా మారిన రాకీ అక్కడ బానిసలుగా బతుకుతున్న వారికి విముక్తి కల్పిస్తాడా? తిరిగి ముంబయి వెళ్లిపోతాడా? కేజీయఫ్కు ముగింపు ఏంటి? ఈ ప్రశ్నలకు సమాధానాల కోసం దేశమంతా ఎదురుచూస్తోంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రామ్ చరణ్ బర్త్డే.. ఆయన బాల్యం గురించి ఈ విశేషాలు తెలుసా..?
టాలీవుడ్ ప్రముఖ హీరో రామ్ చరణ్ పుట్టినరోజు నేడు. ఈ సందర్భంగా ఆయన గురించి కొన్ని విశేషాలు.. -
Challenging Roles: పాత్రలకు ప్రాణం పోశారు.. పృథ్వీరాజ్ సుకుమారన్ ఇలా.. విక్రమ్ అలా!
పాత్రలకు ప్రాణం పోసేందుకు మానసికంగా, శారీరకంగా ఎంతగానో శ్రమించిన నటులు, వారి సినిమాల వివరాలివీ.. -
Tollywood Actresses: అగ్ర నాయికలు అలా రూటు మార్చి.. హాట్టాపిక్గా నిలిచి!
అగ్ర కథానాయిక- వర్ధమాన హీరో కాంబినేషన్లో వచ్చిన సినిమాల విశేషాలు.. -
Actors turned Directors: ధనుష్, ఉపేంద్ర, కంగన.. మళ్లీ మరో కోణాన్ని చూపించేందుకు...
స్వీయ దర్శకత్వంలో నటించిన హీరో/హీరోయిన్పై ప్రత్యేక కథనం. ఎవరు ఏ సినిమాతో అలరించేందుకు సిద్ధమయ్యారంటే? -
Alia Bhatt: అందుకు క్లాస్లో బెంచీలు తుడిచి.. బ్యాగ్రౌండ్ ఉన్నా ఆడిషన్ ఇచ్చి: అలియా భట్ బర్త్డే స్పెషల్
అలియా భట్ పుట్టినరోజు సందర్భంగా ఆమె గురించి పలు విశేషాలు.. -
Mamitha Baiju: గిరిజ, సాయి పల్లవిలా మమితా బైజు.. రాజమౌళి మెచ్చిన ఈ నటి ఎవరు?
యంగ్ హీరోయిన్ మమితా బైజును అగ్ర దర్శకుడు ప్రశంసించడం అందరి దృష్టినీ ఆకర్షించింది. ఎవరీ నటి? -
Comedians as Heros: కమెడియన్లు.. కథానాయకులై.. ఎవరెవరు ఏ సినిమాతో అలరించారంటే?
కమెడియన్లుగా కెరీర్ని ప్రారంభించి హీరోగాను సినిమాలు చేస్తున్న నటులపై ప్రత్యేక కథనం.. -
Krystyna Pyszkova: మనిషే కాదు.. మనసూ అందమే: మిస్ వరల్డ్ క్రిస్టినా గురించి ఆసక్తికర విశేషాలివీ
ప్రపంచ సుందరి-2024 కిరీటం దక్కించుకున్న క్రిస్టినా పిస్కోవా గురించి ఆసక్తికర విశేషాలు మీకోసం.. -
Miss World Pageant: తొలుత ‘బికినీ కాంటెస్ట్’గా.. 28 ఏళ్ల తర్వాత భారత్ ఆతిథ్యం.. ‘మిస్ వరల్డ్’ పోటీల సంగతులివీ!
భారత్ ఆతిథ్యంలో 71వ ఎడిషన్ ‘మిస్ వరల్డ్’ పోటీలు జరుగుతున్నాయి. శనివారం విజేతను ప్రకటించనున్నారు. ఈ సందర్భంగా ఈ అందాల పోటీల గురించి పలు ఆసక్తికర విశేషాలు.. -
Sini Shetty: మిస్ వరల్డ్ పోటీలు.. ‘బెస్ట్ డిజైనర్ డ్రెస్’ విజేతగా సినిశెట్టి
మిస్ వరల్డ్ 2024 పోటీల్లో భారత్కు ప్రాతినిధ్యం వహిస్తున్న సినిశెట్టి గురించి ఆసక్తికర విశేషాలివీ.. -
Movies in March: మార్చిలో మురిపించే చిత్రాలు.. వరుణ్ తేజ్ అలా.. ‘టిల్లు’ ఇలా!
మార్చిలో విడుదల కానున్న సినిమాలపై ప్రత్యేక కథనం. ఏ హీరో చిత్రం ఏ రోజు ప్రేక్షకుల ముందుకు రానుందంటే? -
Valentine Day: వాలంటైన్స్ డేకు రీరిలీజ్ కానున్న ప్రేమకథా చిత్రాలివే..
వాలంటైన్స్ డే సందర్భంగా గతంలో అలరించిన ప్రేమ కథాచిత్రాలు మరోసారి వినోదాన్ని పంచేందుకు సిద్ధమయ్యాయి. -
తొలి సినిమా ఫ్లాప్.. ‘బండమొహం వీడేం హీరో’ అన్నారు.. రీల్ కెరీర్ To పొలిటికల్ ఎంట్రీ.. విజయ్ లైఫ్ జర్నీ ఇదే!
Actor vijay: తల్లిదండ్రులకు సినీ నేపథ్యం ఉన్నా, నటుడిగా తనకంటూ తమిళనాట గుర్తింపు తెచ్చుకున్న విజయ్.. రాజకీయాల్లోకి అడుగు పెట్టారు. ఈ క్రమంలో ఇప్పటివరకూ ఆయన లైఫ్ జర్నీ ఎలా సాగింది? -
Jeethu Joseph: 17 సినిమాలు.. మూడే ఫ్లాప్లు.. చైనీస్, ఇండోనేషియా, కొరియాలోనూ రీమేక్ అయిన మొదటి భారతీయ సినిమా ఆయనదే!
Jeethu Joseph: మోహన్లాల్ కథానాయకుడిగా జీతూ జోసెఫ్ తెరకెక్కించిన ‘నెరు’ ఓటీటీలో దూసుకుపోతోంది. ఈ క్రమంలో జీతూ గురించి ఆసక్తికర విషయాలు.. -
Chiranjeevi: ఆ అవమానమే.. సుప్రీం హీరోను మెగాస్టార్ చేసింది: పద్మ విభూషణ్ చిరంజీవి ప్రయాణమిది!
ప్రముఖ నటుడు చిరంజీవికి అత్యున్నత పురస్కారాల్లో ఒకటైన ‘పద్మ విభూషణ్’ అవార్డు వరించింది. ఈ సందర్భంగా ఆయన గురించి ప్రత్యేక కథనం.. -
Salaar Part 2: ఈ ప్రశ్నలకు సమాధానం... ‘సలార్-2: శౌర్యాంగ పర్వం’ చెబుతుంది!
‘సలార్’ పార్ట్-1 చూసిన వారందరూ ఇప్పుడు పార్ట్-2 ‘శౌర్యాంగ పర్వం’ కోసం ఎదురు చూస్తున్నారు. మరి ఈ భాగంలో ఏయే ప్రశ్నలకు సమాధానం లభించనుంది? -
Telugu Movies: రిపబ్లిక్ డే ‘డబ్బింగ్’ చిత్రాలదే.. ఆ రోజు ‘ఈగల్’ సింగిల్గా..?
రిపబ్లిక్ డే సందర్భంగా విడుదలకానున్న చిత్రాలు, ఫిబ్రవరి రెండో వారంలో రాబోతున్న సినిమాలపై ప్రత్యేక కథనం.. -
Hombale Films: ఆ పరాజయం.. ‘కేజీయఫ్’, ‘సలార్’ హిట్లకు కారణమైంది: హోంబలే ప్రయాణమిదీ
ప్రముఖ నిర్మాణ సంస్థ ‘హోంబలే ఫిల్మ్స్’కు ఆ పేరు ఎందుకు పెట్టారో తెలుసా? ఆ బ్యానర్పై వచ్చిన సినిమాల వివరాలివీ.. -
Pallavi prashanth: ‘బిగ్బాస్’కు వెళ్తానంటే ఎగతాళి చేశారు.. ‘విన్నర్’గా నిలిచిన ‘రైతుబిడ్డ’ జర్నీ ఇదీ!
bigg boss 7 telugu winner pallavi prashanth: ఫోక్ సాంగ్స్ క్రియేటర్గా జీవితాన్ని మొదలు పెట్టిన పల్లవి ప్రశాంత్ లైఫ్ జర్నీ సాగిందిలా..! -
Bollywood Roundup: రీమేక్స్తో డీలా.. షారుక్ సినిమాలతో కొత్త కళ: బాలీవుడ్ తీరిలా!
ఈ ఏడాది విడుదలైన బాలీవుడ్ సినిమాలపై ప్రత్యేక కథనం. ఏ చిత్రం హిట్? ఏది ఫట్? చూసేయండి.. -
Venkatesh: అద్దమే ఫిల్మ్స్కూల్.. హోస్ట్గా ఆ షోస్కు ‘నో’: వెంకటేశ్ గురించి ఈ విశేషాలు తెలుసా?
ప్రముఖ హీరో వెంకటేశ్ పుట్టినరోజు నేడు. ఈ సందర్భంగా ఆయన సినిమాల గురించి పలు ఆసక్తికర సంగతులు చూద్దాం..
తాజా వార్తలు (Latest News)
-
భారత్ ప్రమేయాన్ని కొట్టిపారేయలేం.. నిజ్జర్ హత్యపై ట్రూడో మళ్లీ అదే పాట..!
-
మా బౌలర్ల తప్పేమీ లేదు.. హైదరాబాద్ బ్యాటర్లకు హ్యాట్సాఫ్: హార్దిక్ పాండ్య
-
నన్ను తిట్టుకోవద్దు.. ఈసారి నేను ఎలాంటి లీకులు ఇవ్వలేను: దిల్రాజు
-
కొనసాగుతున్న మహబూబ్నగర్ స్థానిక సంస్థల ఎమ్మెల్సీ ఉపఎన్నిక
-
‘అత్యంత సంతోషకరమైన వ్యక్తి ఆమె’.. నెట్టింట వైరల్గా మారిన కావ్యా మారన్
-
టికెట్ రాలేదని ఆత్మహత్యాయత్నం.. చికిత్స పొందుతూ ఎంపీ కన్నుమూత