KGF2: తెరపై కనిపించని ‘కేజీయఫ్’ హీరోలు వీరే..!
చాలా సినిమాలు తెరపై కనిపించిన పాత్రల గురించే మాట్లాడుకునేలా చేస్తాయి. కొన్ని మాత్రం తెర వెనక ఉండి కథను రక్తి కట్టించిన వారి గురించీ తెలుసుకునేలా ఆసక్తిని పెంచుతాయి. వీటిల్లో ‘కేజీయఫ్’ ఒకటి. యశ్ ప్రధాన పాత్ర పోషించిన ఈ పాన్ ఇండియా చిత్రం తొలిభాగం ‘ఛాప్టర్ 1’ ఘన విజయం అందుకుని, ఇప్పుడు రెండో భాగం ‘ఛాప్టర్ 2’ విడుదలకు సిద్ధంగా ఉంది.
ఇంటర్నెట్ డెస్క్: చాలా సినిమాలు తెరపై కనిపించిన పాత్రల గురించే మాట్లాడుకునేలా చేస్తాయి. కొన్ని మాత్రం తెర వెనక ఉండి కథను రక్తి కట్టించిన వారి గురించీ తెలుసుకునేలా ఆసక్తిని పెంచుతాయి. వీటిల్లో ‘కేజీయఫ్’ ఒకటి. యశ్ ప్రధాన పాత్ర పోషించిన ఈ పాన్ ఇండియా చిత్రం తొలిభాగం ‘ఛాప్టర్ 1’ ఘన విజయం అందుకుని, ఇప్పుడు రెండో భాగం విడుదలకు సిద్ధంగా ఉంది. ‘కేజీయఫ్ 2’ ఏప్రిల్ 14న ప్రేక్షకుల ముందుకొస్తున్న నేపథ్యంలో ఈ సినిమాకు పనిచేసిన కొందరు సాంకేతిక నిపుణుల గురించి చూద్దాం..
మ్యూజిక్ హీరో
సినిమా విజయంలో కీలక పాత్ర పోషించే విభాగాల్లో సంగీతం ఒకటి. కేవలం పాటలతోనే కాకుండా నేపథ్య సంగీతంతోనూ ప్రేక్షకులకు కొత్త అనుభూతినిచ్చి, ‘కేజీయఫ్ 1’ను మరో స్థాయికి తీసుకెళ్లారు మ్యూజిక్ డైరెక్టర్ రవి బస్రూర్. స్వతహాగా ఆయనా సినీ దర్శకుడు కావడంతో ‘కేజీయఫ్’లాంటి పవర్ఫుల్ కథకు, హీరోను ఎలివేట్ చేసే సన్నివేశాలకు ఎలాంటి బీజీఎం ఇస్తే ప్రేక్షకులు ఫిదా అవుతారో అలాంటి బ్యాక్గ్రౌండ్ స్కోర్ ఇచ్చి తనను అందరూ గుర్తుపెట్టుకునేలా చేశారు. ఉత్తమ సంగీత దర్శకుడిగా ‘కన్నడ స్టేట్ ఫిల్మ్ అవార్డు’, ‘జీ కన్నడిగ’, ‘సైమా’ అవార్డులు అందుకున్నారు. ట్రైలర్ను, ఇప్పటికే విడుదలైన పాటలను బట్టి ‘ఛాప్టర్ 2’తోనూ వావ్ అనిపించబోతున్నారని తెలుస్తోంది. ఉడుపి జిల్లాలోని కుండపుర అనే పట్టణం (కర్ణాటక)లో జన్మించిన రవి 60కుపైగా కన్నడ చిత్రాలకు సౌండింగ్ విభాగంలో ప్రోగ్రామర్గా పనిచేశారు. ‘ఉగ్రం’ (కన్నడ) సినిమా ఆయన్ను సంగీత దర్శకుడిని చేసింది. దర్శకుడు ప్రశాంత్ నీల్ తెరకెక్కించిన తొలి చిత్రమిది. ‘ఎక్కసక’, ‘అంజనీపుత్ర’, ‘మఫ్తీ’ తదితర చిత్రాలకు తన సంగీతంతో ప్రాణం పోశారు. ‘మార్షల్’ అనే తెలుగు సినిమాకు నేపథ్య సంగీతమిచ్చారు. ప్రశాంత్ నీల్- ప్రభాస్ కాంబినేషన్లో తెరకెక్కుతున్న ‘సలార్’కు ఈయనే మ్యూజిక్ అందిస్తున్నారు. సంగీత దర్శకుడిగానే కాకుండా గేయ రచయితగా, నటుడిగా, ‘గర్గర్ మండ్ల’, ‘కటక’ తదితర సినిమాలతో దర్శకుడిగానూ మంచి గుర్తింపు తెచ్చుకున్నారు.
సినిమాటోగ్రఫీ హీరో
దర్శకుడు ఓ సన్నివేశాన్ని ఊహిస్తే.. దాన్ని ‘కెమెరా’ ద్వారా నిజం చేస్తుంటారు ఛాయాగ్రాహకులు. అలా ప్రశాంత్ నీల్ ఊహించిన ‘కేజీయఫ్’ లొకేషన్లను, హీరోను ‘లెన్స్’తో బంధించి తెరపై ఆవిష్కరించి ప్రేక్షకులను మెప్పించిన సినిమాటోగ్రాఫర్ భువన్ గౌడ. అతని పనితనం ఎలాంటిదో కేజీయఫ్ 1లో అడుగడుగునా కనిపిస్తుంది. ఈ సినిమాకు గానూ ‘సైమా’, ‘జీ కన్నడిగ’ అవార్డులు పొందారు. ఛాప్టర్ 2కూ అదే స్థాయిలో శ్రమించారని ప్రచార చిత్రం చూస్తే అర్థమవుతోంది. ప్రశాంత్ నీల్ ‘ఉగ్రం’ సినిమాతోనే ఈయనా కన్నడ చిత్ర పరిశ్రమకు పరిచయమయ్యారు. ‘రథావర’, ‘పుష్పక విమానం’లతో సినిమాటోగ్రాఫర్గా విమర్శకుల ప్రశంసల్ని సైతం అందుకున్నారు.
ఎడిటింగ్ హీరోలు
దర్శకుడు ఓ సినిమా ద్వారా చాలా చెప్పాలనుకుంటాడు. కానీ, నిడివి ఎక్కువగా ఉంటే ప్రేక్షకులకు కథ రుచించకపోవచ్చు. అందుకే వారికి ఎప్పుడు? ఎంత? ఎలా చెప్పాలో, చూపించాలో ఎడిటరే నిర్ణయిస్తాడు. సినిమా జయపజయాల విషయంలో కీలక బాధ్యత తీసుకుంటాడు. ఛాప్టర్ 1కు శ్రీకాంత్ గౌడ ఆ పనిచేయగా.. ఛాప్టర్ 2ను ఉజ్వల్ కులకర్ణి ఎడిట్ చేశారు. ‘విజన్ వరల్డ్’ అనే సంస్థలో ఆఫీస్ బాయ్గా చేరిన శ్రీకాంత్.. ఎడిటింగ్పై ఉన్న ఆసక్తితో పలు కన్నడ ధారావాహికలు, డాక్యుమెంటరీలు, వాణిజ్య ప్రకటనలు, పలు సినిమాలకు ఎడిటర్గా పనిచేసి, నిర్మాతగానూ మారాడు. ప్రశాంత్ నీల్ ‘ఉగ్రం’ సినిమాతో కన్నడ సినీ పరిశ్రమను ఆకర్షించిన శ్రీకాంత్ ‘కేజీయఫ్ 1’తో ఎడిటర్గా మరో మెట్టెక్కాడు. తెలుగులో రవితేజ హీరోగా సుధీర్ వర్మ తెరకెక్కిస్తున్న ‘రావణాసుర’ అవకాశం అందుకున్నాడు. కొత్త వారికి ప్రోత్సహమిచ్చేందుకు ముందుండే ప్రశాంత్ నీల్ ఛాప్టర్ 2 ఎడిటర్గా ఉజ్వల్ను తీసుకున్నారు. సుమారు 20ఏళ్ల వయసున్న అతడు.. భారీ ప్రాజెక్టుకు పనిచేయడంతో ఉజ్వల్ పేరు ప్రస్తుతం కన్నడ చిత్ర పరిశ్రమలో సంచలనంగా మారింది.
సెట్స్ హీరో
సాధారణ కథలతో పోలిస్తే ఓ నిర్ణీత కాలానికి, ప్రాంతానికి సంబంధించిన కథలకు సెట్స్ రూపొందించడం చాలా కష్టం. ఏ చిన్న పొరపాటుకు తావివ్వకుండా అప్పట్లో.. ధరించే దుస్తుల దగ్గర నుంచి వాడే వస్తువుల వరకూ అన్నింటి గురించి పక్కాగా తెలుసుకోవాలి. నాటి వాతావరణం ఉట్టిపడేలా సెట్టింగులు వేయాలి. ‘కేజీయఫ్ (కోలార్ గోల్డ్ ఫీల్డ్స్) ఇలా ఉంటుంది, 90ల్లో అక్కడ జరిగింది ఇదీ’ అని ప్రొడక్షన్ డిజైనర్ శివ కుమార్ కళ్లకు కట్టినట్టు చూపించారు. కేజీయఫ్ రెండు అధ్యాయాలకు ఈయన ఆధ్వర్యంలోనే సెట్స్ రూపొందాయి. ప్రభాస్ ‘సలార్’కు తనే ప్రొడక్షన్ డిజైనర్గా వ్యవహరిస్తున్నారు.
యాక్షన్ హీరోలు
‘బెస్ట్ స్టంట్ కొరియోగ్రఫీ’ విభాగంలో కేజీయఫ్1కు గానూ విక్రమ్ మోర్, అన్బు- అరివు (అన్బరివు) జాతీయ స్థాయి పురస్కారం అందుకున్నారంటే వారి ‘పోరాట’ పటిమ ఎలాంటిదో ప్రత్యేకంగా చెప్పనవసరంలేదు. చాలా స్టైలిష్గా ‘స్టంట్స్’ కొరియోగ్రఫీ చేసి ప్రేక్షకులతో చప్పట్లు కొట్టించారు, ఈలలు వేయించారు. ఛాప్టర్ 2కు అన్బరివు ద్వయం మాత్రమే పనిచేసింది.
మాటలు.. ఎఫెక్ట్లు
ఛాప్టర్ 1కు చంద్రమౌళి, ఎం. వినయ్ శివగంగే సంభాషణలు రాయగా ఛాప్టర్కు చంద్రమౌళితో కలిసి డా. సూరి, ప్రశాంత్ నీల్ రాశారు. తొలిభాగానికి వీజీ రాజన్, రెండో భాగానికి జె. నందు సౌండ్ ఎఫెక్ట్స్ అందించారు. వి. నాగేంద్ర ప్రసాద్, కిన్నల్ రాజ్, రవి బస్రూర్ కన్నడ వెర్షన్ పాటలకు సాహిత్యం అందించగా తెలుగులో రామజోగయ్యశాస్త్రి రాశారు. కేజీయఫ్.. తెలుగు ప్రేక్షకులకు బాగా దగ్గరవడానికి కారణం రామజోగయ్య శాస్త్రి లిరిక్స్తోపాటు ‘ఆనంద్ వాసిరాజ్’ పాత్రకు శుభలేఖ సుధాకర్ చేసిన గాత్రదానమనేది సినీ పండితుల మాట.
ది కెప్టెన్ ఆఫ్ కేజీయఫ్
భారతీయ చిత్ర పరిశ్రమ దృష్టి కన్నడపై నిలిపిన దర్శకుడిగా ప్రశాంత్ నీల్ను చెప్పుకొంటున్నారు. 2014లో శ్రీమురళి, తిలక్ శేఖర్, హరిప్రియ ప్రధాన పాత్రల్లో ‘ఉగ్రం’ అనే యాక్షన్ థ్రిల్లర్తోనే ఆయన ప్రయాణం మొదలైంది. తొలి ప్రయత్నంలోనే దర్శకుడిగా మంచి మార్కులు కొట్టేశారు. ‘సైమా’- ఉత్తమ పరిచయ దర్శకుడు అవార్డు అందుకున్నారు. ద్వితీయ యజ్ఞంగా ‘కేజీయఫ్’ను ఎంపిక చేసుకున్నారు. తన ప్రతిభను ప్రపంచానికి చాటి చెప్పడంతోపాటు ఉత్తమ దర్శకుడిగా ‘జీ కన్నడిగ’ అవార్డు సొంతం చేసుకున్నారు. ముందుగా ఈ చిత్రాన్ని రెండు భాగాల్లో తెరకెక్కించాలనుకోలేదు. కానీ, కథ నిడివి దృష్ట్యా రెండు ఛాప్టర్లుగా వివరిస్తున్నారు. ఈయన దర్శకత్వంలో పనిచేసేందుకు తెలుగు అగ్ర హీరోలూ ఆసక్తి చూపారు. ఇప్పటికే ప్రభాస్ ‘సలార్’ను పట్టాలెక్కించగా.. ఎన్టీఆర్ త్వరలోనే మొదలుపెట్టనున్నారు.
దర్శకుడు ఎంత బలమైన కథ రాసినా దాన్ని నమ్మి ‘సొమ్ము’ పెట్టాలంటే ఎన్నో తర్జనభర్జనలు. అందులోనూ రెండో సినిమాకే భారీ హంగులు, కోట్ల రూపాయలు అంటే మరీ కష్టం. అలాంటిది ప్రశాంత్ నీల్ కథపై ఎంతో నమ్మకం ఉంచి, కన్నడ సినీ పరిశ్రమకు ప్రపంచవ్యాప్త గుర్తింపు రావాలనే బలమైన ఆకాంక్షతో ముందుకొచ్చిన నిర్మాత విజయ్ కిరంగదూర్. హోంబలే ఫిల్మ్స్ పతాకంపై ఎప్పటికీ మరిచిపోలేని చిత్రాన్ని భారతీయ సినీ ప్రేక్షకులకు కానుకగా అందించారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఎవరీ అశ్వత్థామ.. కృష్ణుడు అతడికి ఇచ్చిన శాపం ఏంటి?
ప్రభాస్ (Prabhas) కథానాయకుడిగా నాగ్ అశ్విన్ దర్శకత్వంలో రూపొందుతున్న సైన్స్ ఫిక్షన్ మూవీ ‘కల్కి 2898 ఏడీ’ (Kalki 2898 AD). ఇందులో ప్రముఖ నటుడు అమితాబ్ బచ్చన్ అశ్వత్థామగా (Ashwathama) కనిపించనున్నారు. -
ఇక్కడ ప్రభాస్, విష్ణు.. అక్కడ రజనీకాంత్, కమల్ హాసన్: వీరి చిత్రాల స్పెషల్ ఏంటంటే?
ప్రముఖ నటులు కొందరు కలిసి నటిస్తున్న చిత్రాలపై ప్రత్యేక కథనం. ఎవరెవరు ఏయే సినిమాల్లో నటిస్తున్నారంటే? -
నాయికలు ‘తెర’ పంచుకుంటే.. వినోదం పెంచినట్టే
త్వరలో విడుదల కాబోయే సినిమాలు ప్రేక్షకులకు రెట్టింపు వినోదాన్ని పంచడానికి సిద్ధమవుతున్నాయి. అందుకు కారణం ఒకే మూవీలో ఇద్దరు/ ముగ్గురు హీరోయిన్లు కలిసి నటిస్తుండటమే.. -
సీనియర్ హీరోయిన్ల జోరు ‘తగ్గేదే లే’.. ఎవరెన్ని సినిమాలతో బిజీగా ఉన్నారంటే?
టాలీవుడ్ సీనియర్ హీరోయిన్లపై ప్రత్యేక కథనం. త్రిష, నయనతార, తమన్నా.. ఇలా ఎవరెవరు ఎన్ని సినిమాలతో సందడి చేసేందుకు సిద్ధంగా ఉన్నారంటే? -
పృథ్వీరాజ్ సుకుమారన్ బెస్ట్ మూవీస్.. ఇప్పుడు ‘ఆడుజీవితం’.. ఇంతకుముందు?
పృథ్వీరాజ్ సుకుమారన్ నటించిన ఉత్తమ చిత్రాలు ఏంటంటే..? -
ఆ అవార్డు అందుకున్న తొలి వ్యక్తిని నేనే అని తెలిసి షాకయ్యా.. అల్లు అర్జున్
నటుడు అల్లు అర్జున్ (Allu Arjun) పుట్టినరోజు నేడు. ఈ సందర్భంగా ఆయనకు సంబంధించిన పలు ఆసక్తికర విశేషాలు. -
రికార్డుల్లోనూ ఫస్టే ఈ నేషనల్ క్రష్.. రష్మిక ఖాతాలో ఘనతలెన్నో!
రష్మిక పుట్టినరోజు సందర్భంగా ఆమె సొంతంచేసుకున్న కొన్ని రికార్డులను చూద్దాం.. -
రామ్ చరణ్ బర్త్డే.. ఆయన బాల్యం గురించి ఈ విశేషాలు తెలుసా..?
టాలీవుడ్ ప్రముఖ హీరో రామ్ చరణ్ పుట్టినరోజు నేడు. ఈ సందర్భంగా ఆయన గురించి కొన్ని విశేషాలు.. -
Challenging Roles: పాత్రలకు ప్రాణం పోశారు.. పృథ్వీరాజ్ సుకుమారన్ ఇలా.. విక్రమ్ అలా!
పాత్రలకు ప్రాణం పోసేందుకు మానసికంగా, శారీరకంగా ఎంతగానో శ్రమించిన నటులు, వారి సినిమాల వివరాలివీ.. -
Tollywood Actresses: అగ్ర నాయికలు అలా రూటు మార్చి.. హాట్టాపిక్గా నిలిచి!
అగ్ర కథానాయిక- వర్ధమాన హీరో కాంబినేషన్లో వచ్చిన సినిమాల విశేషాలు.. -
Actors turned Directors: ధనుష్, ఉపేంద్ర, కంగన.. మళ్లీ మరో కోణాన్ని చూపించేందుకు...
స్వీయ దర్శకత్వంలో నటించిన హీరో/హీరోయిన్పై ప్రత్యేక కథనం. ఎవరు ఏ సినిమాతో అలరించేందుకు సిద్ధమయ్యారంటే? -
Alia Bhatt: అందుకు క్లాస్లో బెంచీలు తుడిచి.. బ్యాగ్రౌండ్ ఉన్నా ఆడిషన్ ఇచ్చి: అలియా భట్ బర్త్డే స్పెషల్
అలియా భట్ పుట్టినరోజు సందర్భంగా ఆమె గురించి పలు విశేషాలు.. -
Mamitha Baiju: గిరిజ, సాయి పల్లవిలా మమితా బైజు.. రాజమౌళి మెచ్చిన ఈ నటి ఎవరు?
యంగ్ హీరోయిన్ మమితా బైజును అగ్ర దర్శకుడు ప్రశంసించడం అందరి దృష్టినీ ఆకర్షించింది. ఎవరీ నటి? -
Comedians as Heros: కమెడియన్లు.. కథానాయకులై.. ఎవరెవరు ఏ సినిమాతో అలరించారంటే?
కమెడియన్లుగా కెరీర్ని ప్రారంభించి హీరోగాను సినిమాలు చేస్తున్న నటులపై ప్రత్యేక కథనం.. -
Krystyna Pyszkova: మనిషే కాదు.. మనసూ అందమే: మిస్ వరల్డ్ క్రిస్టినా గురించి ఆసక్తికర విశేషాలివీ
ప్రపంచ సుందరి-2024 కిరీటం దక్కించుకున్న క్రిస్టినా పిస్కోవా గురించి ఆసక్తికర విశేషాలు మీకోసం.. -
Miss World Pageant: తొలుత ‘బికినీ కాంటెస్ట్’గా.. 28 ఏళ్ల తర్వాత భారత్ ఆతిథ్యం.. ‘మిస్ వరల్డ్’ పోటీల సంగతులివీ!
భారత్ ఆతిథ్యంలో 71వ ఎడిషన్ ‘మిస్ వరల్డ్’ పోటీలు జరుగుతున్నాయి. శనివారం విజేతను ప్రకటించనున్నారు. ఈ సందర్భంగా ఈ అందాల పోటీల గురించి పలు ఆసక్తికర విశేషాలు.. -
Sini Shetty: మిస్ వరల్డ్ పోటీలు.. ‘బెస్ట్ డిజైనర్ డ్రెస్’ విజేతగా సినిశెట్టి
మిస్ వరల్డ్ 2024 పోటీల్లో భారత్కు ప్రాతినిధ్యం వహిస్తున్న సినిశెట్టి గురించి ఆసక్తికర విశేషాలివీ.. -
Movies in March: మార్చిలో మురిపించే చిత్రాలు.. వరుణ్ తేజ్ అలా.. ‘టిల్లు’ ఇలా!
మార్చిలో విడుదల కానున్న సినిమాలపై ప్రత్యేక కథనం. ఏ హీరో చిత్రం ఏ రోజు ప్రేక్షకుల ముందుకు రానుందంటే? -
Valentine Day: వాలంటైన్స్ డేకు రీరిలీజ్ కానున్న ప్రేమకథా చిత్రాలివే..
వాలంటైన్స్ డే సందర్భంగా గతంలో అలరించిన ప్రేమ కథాచిత్రాలు మరోసారి వినోదాన్ని పంచేందుకు సిద్ధమయ్యాయి. -
తొలి సినిమా ఫ్లాప్.. ‘బండమొహం వీడేం హీరో’ అన్నారు.. రీల్ కెరీర్ To పొలిటికల్ ఎంట్రీ.. విజయ్ లైఫ్ జర్నీ ఇదే!
Actor vijay: తల్లిదండ్రులకు సినీ నేపథ్యం ఉన్నా, నటుడిగా తనకంటూ తమిళనాట గుర్తింపు తెచ్చుకున్న విజయ్.. రాజకీయాల్లోకి అడుగు పెట్టారు. ఈ క్రమంలో ఇప్పటివరకూ ఆయన లైఫ్ జర్నీ ఎలా సాగింది? -
Jeethu Joseph: 17 సినిమాలు.. మూడే ఫ్లాప్లు.. చైనీస్, ఇండోనేషియా, కొరియాలోనూ రీమేక్ అయిన మొదటి భారతీయ సినిమా ఆయనదే!
Jeethu Joseph: మోహన్లాల్ కథానాయకుడిగా జీతూ జోసెఫ్ తెరకెక్కించిన ‘నెరు’ ఓటీటీలో దూసుకుపోతోంది. ఈ క్రమంలో జీతూ గురించి ఆసక్తికర విషయాలు..
తాజా వార్తలు (Latest News)
-
ఇన్స్టంట్ ఇ-పాన్ కావాలా..? ఉచితంగా పొందండిలా..
-
వన్ప్లస్ నార్డ్ సీఈ3 ఫోన్పై డిస్కౌంట్.. ఈ సబ్స్క్రిప్షన్లూ ఉచితం!
-
ఆయన్ని చూసి ఆశ్చర్యపోయాను.. అల్లు అర్జున్పై ‘కేజీఎఫ్’ నటుడు ప్రశంసలు..
-
దాని గురించి మాట్లాడటానికి ఇది సరైన సమయం కాదు: హార్దిక్ పాండ్య
-
కొండగట్టు క్షేత్రంలో ఘనంగా హనుమాన్ జయంతి
-
జైల్లో కేజ్రీవాల్కు ఇన్సులిన్.. మరి ఇప్పుడు ఎందుకు ఇచ్చారన్న ఆప్