HBD Pawan Kalyan: బర్త్డే స్పెషల్: పవన్ మెచ్చిన పుస్తకాలు!
pawan kalyan: సినీ నటుడు, జనసేన పవన్కల్యాణ్కు నచ్చిన.. మెచ్చిన పుస్తకాలివే!
‘డబ్బుతో కొనలేని అలౌకిక ఆనందాన్ని అందించేది.. చేతిలో చిల్లిగవ్వ లేకపోయినా విజ్ఞాన సంపన్నునిగా మార్చేది.. దోచుకోవడానికి అవకాశంలేని సంపదనిచ్చేది.. పుస్తకం’. పవన్ కల్యాణ్ తన ట్విటర్లో రాసుకున్న మాటలివి. తెలుగు చిత్ర పరిశ్రమతో పవన్కల్యాణ్ను ఎలా వేరు చేసి చూడలేమో, పుస్తకాలను ఆయన్ను వేరు చేసి చూడటమూ అంతే కష్టం. పుస్తకాల మీద ఉన్న ప్రేమను, ఇష్టాన్ని పలుమార్లు బహిరంగంగానే వెల్లడించారు. సెప్టెంబరు 2న పవన్కల్యాణ్ పుట్టినరోజు సందర్భంగా ఆయనను ప్రభావితం చేసిన, ఆయన చదవమని సూచించిన కొన్ని పుస్తకాలేంటో ఓ సారి చూద్దాం.
తాకట్టులో భారతదేశం
పవన్ చిన్నప్పుడు బడికి వెళ్తుంటే గోడల మీద ‘తాకట్టులో భారతదేశం’ అని పదాలు ఆయనను ఆలోచనలో పడేసేవని ఓ సందర్భంలో చెప్పుకొచ్చారు. ఆ తర్వాత ఇంటర్లో ఉండగా వాళ్ల నాన్న దగ్గరనుంచి ‘తాకట్టులో భారతదేశం’ పుస్తకాన్ని తీసుకొని చదివారు. ఆ పుస్తకంలో చర్చించిన అంశాలు, అందులోని సారాంశం తనపై చాలా ప్రభావం చూపిందని చెబుతుంటారు పవన్. ఈ సమాజాన్ని ఆ పుస్తక రచయిత తరిమెల నాగిరెడ్డి విశ్లేషించిన తీరు ఆలోచింపజేసిందని చెప్పారు. అందులో చర్చించిన అంశాలు ఈనాటికి వర్తిస్తాయని అభిప్రాయం వ్యక్తం చేశారు.
గడ్డి పరకతో విప్లవం
జపాన్కు చెందిన ప్రముఖ పర్యావరణవేత్త మసనోబు ఫుకుఓకా. పురుగుల మందులు, రసాయనిక ఎరువులతో వ్యవసాయం చేయడం కన్నా సహజ పద్ధతిలో వ్యవసాయం చేసి అధిక దిగుబడి సాధించొచ్చని నిరూపించారు. ఆయన చేసిన పరిశోధనలు, అభిప్రాయాలను ‘గడ్డి పరకతో విప్లవం’ పుస్తకంలో వెల్లడించారు. ఇది కూడా పవన్కు ఇష్టమైన పుస్తకమే. అందుకే ఈ పుస్తకాన్ని చదివి అవగాహన పెంచుకోవాలని ఓ సారి సూచించారు.
లాంగ్ వాక్ టు ఫ్రీడమ్
స్వేచ్ఛ కోసం 25 ఏళ్లకు పైగా జైలు శిక్ష అనుభవించారు నెల్సన్ మండేలా. ఆయన రాసిన ‘లాంగ్ వాక్ టు ఫ్రీడమ్’ కూడా ఆయనను అత్యంత ప్రభావితం చేసిన పుస్తకాల్లో ఒకటి. ‘బద్రి’ సమయంలో మండేలా జైలు శిక్ష అనుభవించిన గదిని స్వయంగా వెళ్లి చూసి వచ్చారు. ఆయన పోరాట పటిమ తనలో స్ఫూర్తి నింపిందంటారు పవన్.
వనవాసి
అది ‘గబ్బర్ సింగ్’ చిత్రీకరణ జరుపుకొంటున్న సమయం. ‘వనవాసి’ చదవాలని పవన్కు ఆసక్తికలిగింది. కానీ, వెతికితే ఆ పుస్తకం దొరకలేదు. ఈ విషయాన్ని తనికెళ్ల భరణికి చెప్పారు. ఎలాగో ఆ పుస్తకం చివరకు పవన్ చేతుల్లోకి చేరింది. గబ్బర్సింగ్ సాధించిన విజయం కన్నా ‘వనవాసి’ పుస్తకం చేతుల్లోకి తీసుకున్న క్షణాల్లో ఎక్కువ ఆనందం పొందానని చెబుతారాయన. తను ప్రకృతిలో మమేకం అయ్యేలా ప్రభావితం కారణం వనవాసి పుస్తకమేనని చెబుతారు. ఈ పుస్తకాన్ని బెంగాలి రచయిత బిభూతి భూషన్ బంధోపాధ్యాయ రాశారు.
మార్టిన్ లూథర్కింగ్, చేగువేరా
అందరూ తప్పకుండా చదవాలని చెప్పిన వాటిలో మార్టిన్ లూథర్ కింగ్ పుస్తకాలు కూడా ఉన్నాయి. మార్టిన్ లూథర్ కింగ్ పుస్తకాల ప్రభావం ఆయనను కొన్నేళ్లపాటు వెంటాడిందని చెప్పుకొచ్చారాయన. చెగువేర జీవితం, సాహిత్యం కూడా తనలో అంతే ఆవేశాన్ని రగిలించిందని చెబుతాడు పవన్.
గుంటూరు శేషేంద్ర శర్మ
ఒక విధంగా నేటి యువతకు గుంటూరు శేషంద్ర శర్మను పరిచయం చేసింది పవన్ కళ్యాణ్ అని చెప్పొచ్చు. ఆయన ఉపన్యాసాల్లో తరచూ వినిపించే కవిత్వం శేషేంద్రశర్మదే. ఆధునిక మహాభారతం, జనవంశం పుస్తకాలు పట్టుకుని పవన్ కనిపించిన సందర్భాలు చాలానే ఉన్నాయి. ఆయన కుమారుడి కోరిక మేరకు కొన్ని పుస్తకాలను మళ్లీ ముద్రించేందుకు పూనుకొని శేషేంద్రపై ఉన్న అభిమానాన్ని చాటుకున్నారు..
పవన్ ప్రస్తావించిన మరికొన్ని పుస్తకాలు
అమృతం కురిసిన రాత్రి
తొలిపొద్దు
ఖారవేలుడు
ఐ, ది సిటిజన్
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ప్రేమలో పడ్డారు.. లవ్ స్టోరీతో..
ఒకప్పుడు మన సినిమాల్లో ప్రేమకథలదే జోరు. అగ్ర తారలు సైతం ప్రేమ లేఖలు రాస్తూ... ప్రేమ పాటలు పాడుకుంటూ తెరపై కనిపించేవాళ్లు. ఆ తర్వాత యువ హీరోలకే ఆ కథలు పరిమితం అయ్యాయి -
500మంది డ్యాన్సర్లతో వెల్కమ్ ఆటాపాటా
బాలీవుడ్లోని ప్రముఖ నటీనటులందరినీ ఏకం చేసి కొత్త తరహా కాన్సెప్ట్తో ప్రేక్షకులను అలరించడానికి రాబోతున్న చిత్రం ‘వెల్కమ్ టు ది జంగిల్’. అగ్రకథానాయకుడు అక్షయ్ కుమార్ ప్రధాన పాత్రలో నటిస్తున్నారు. -
‘హను-మాన్’ విజయం ప్రేక్షకుల బహుమానం
‘‘నా చిన్నప్పుడు చూసిన వంద రోజుల సినిమా వేడుకలు బాగా గుర్తున్నాయి. కానీ దర్శకుడినయ్యాక సినిమాల ప్రదర్శనలు ఒక వారానికి పరిమితం అయ్యాయి. -
గోద్రా రైలులోని రహస్యాలు బయటపడేది ఆ రోజే
గోద్రా రైలు దహనకాండ ఆధారంగా రూపొందుతున్న చిత్రం ‘ది సబర్మతీ రిపోర్ట్’. బాలీవుడ్ కథానాయకుడు విక్రాంత్ మాస్సే, రాశీ ఖన్నా జంటగా నటిస్తున్నారు. -
సందీప్ కిషన్ చిత్రం ప్రారంభం
ముప్పై సినిమాల మైలురాయిని చేరుకున్నారు సందీప్కిషన్. ఆయన కథానాయకుడిగా ఏకే ఎంటర్టైన్మెంట్స్తో కలిసి హాస్య మూవీస్ ఓ చిత్రాన్ని రూపొందిస్తోంది. -
నా జీవితంలో ఇదే రిస్కీ సినిమా
‘క్రూ’.. ఇటీవలే విడుదలైన ఈ సినిమాతో మంచి విజయాన్ని తన ఖాతాలో వేసుకుంది బాలీవుడ్ భామ కృతిసనన్. ఇందులో ఎయిర్హోస్టెస్ పాత్రలో కనిపించి సినీప్రియుల్ని మెప్పించింది. -
‘శ్రీకాంత్’ కోసం ఆమిర్ గీతం
మరికొద్ది రోజుల్లో ‘శ్రీకాంత్’ సినిమాతో ప్రేక్షకుల్ని పలకరించడానికి సిద్ధమవుతున్నాడు బాలీవుడ్ కథానాయకుడు రాజ్కుమార్ రావ్. తుషార్ హీరానందాని తెరకెక్కిస్తున్నారు. -
మోహన్లాల్ 360 షురూ
ప్రయోగాత్మక కథలు, భిన్నమైన పాత్రలు ఎంచుకుంటూ సినీప్రియుల్ని మెప్పించే మోహన్లాల్.. ప్రధాన పాత్రలో నటిస్తున్న చిత్రం ‘ఎల్360’ (వర్కింగ్ టైటిల్). తరుణ్ మూర్తి తెరకెక్కిస్తున్నారు. -
బెంగాలీ అమ్మాయి.. నాన్న కొట్టిన చెంప దెబ్బ.. ఇవే ఆలోచనలు: పూరి జగన్నాథ్
పూరి మ్యూజింగ్స్లో ‘ది డెవిల్’ అంటూ ఆలోచనల గురించి మాట్లాడారు పూరి జగన్నాథ్ -
కియారా ‘టీ’ ముచ్చట.. సోనాల్ బ్రేక్ఫాస్ట్ సంగతులు
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ..