Vijay 66: విజయ్‌ చిత్రంలో శ్రీకాంత్‌

విజయ్‌ కథానాయకుడిగా వంశీ పైడిపల్లి దర్శకత్వంలో ఓ చిత్రం రూపొందుతోంది. దిల్‌ రాజు, శిరీష్‌, పరమ్‌ వి పొట్లూరి, పెరల్‌ వి పొట్లూరి సంయుక్తంగా నిర్మిస్తున్నారు. రష్మిక కథానాయిక. ఈ సినిమా ప్రస్తుతం శరవేగంగా చిత్రీకరణ జరుపుకుంటోంది. ఇందులో శరత్‌ కుమార్‌, ప్రభు, ప్రకాష్‌ రాజ్‌, జయసుధ, సంగీత, యోగిబాబు తదితరులు కీలక పాత్రల్లో నటిస్తున్న సంగతి తెలిసిందే. ఇప్పుడీ చిత్రంలో శ్రీకాంత్‌, కిక్‌ శ్యామ్‌ కూడా భాగమైనట్లు చిత్ర బృందం ప్రకటించింది. విజయ్‌ శైలికి తగ్గట్లుగా సాగే వినూత్నమైన కథాంశంతో ఈ చిత్రం రూపొందుతోంది. యాక్షన్‌కు ఎంతో ప్రాధాన్యముంది. వచ్చే ఏడాది సంక్రాంతికి విడుదల చేసేందుకు సన్నాహాలు చేస్తున్నారు. ఈ చిత్రానికి సంగీతం: తమన్‌, కూర్పు: కెఎల్‌ ప్రవీణ్‌.