NTR: శత వసంతాల మహోన్నత నట శిఖరం
ఎన్నెన్నో సవాళ్లు... ఎన్టీఆర్ పట్టుదలకు ఆనవాళ్లు! చేతిలో బి.ఎ.డిగ్రీ, ఊరికి దగ్గరగా ప్రభుత్వ ఉద్యోగం, నచ్చిన నాటక సమాజం, కడుపులో చల్లకదలకుండా సాగిపోయే వైవాహిక జీవితం - వీటికి మించిందేదో ఆయనకు వెండి తెర మీద కనిపించింది.
ఎన్నెన్నో సవాళ్లు... ఎన్టీఆర్ పట్టుదలకు ఆనవాళ్లు! చేతిలో బి.ఎ.డిగ్రీ, ఊరికి దగ్గరగా ప్రభుత్వ ఉద్యోగం, నచ్చిన నాటక సమాజం, కడుపులో చల్లకదలకుండా సాగిపోయే వైవాహిక జీవితం - వీటికి మించిందేదో ఆయనకు వెండి తెర మీద కనిపించింది. మబ్బుల్లో నీళ్లు చూసుకుని ముంత ఒలక బోసుకోవడం దేనికని ఆయన అనుకోని ఉంటే నూరేళ్ల చరిత్ర ఉండేది కాదు! ఇష్టమైన సినిమా నట జీవితం కోసం ఎన్టీఆర్ ఎన్నో సవాళ్లను స్వీకరించారు. క్రమశిక్షణ పాటించారు...కలలు సాకారం చేసుకున్నారు...కళాగ్రేసరుడిగా నిలిచారు!
పట్టుదలతో చెట్టపట్టాలు...
తొలి చిత్రం ‘మనదేశం’...పోలీసు డ్రెస్సులో లాఠీ చార్జ్ సన్నివేశం...ఆయనకి పూనకం వచ్చింది. దాంతో ‘‘నటన అంటే పాత్రలో లీనం కావడం కాదు..’’ అని దర్శకుడు ఎల్వీ ప్రసాద్ మందలించాల్సి వచ్చింది. రెండో చిత్రం ‘పల్లెటూరి పిల్ల’లో హీరో వేషం. పోట్ల గిత్తతో పోట్లాడే సన్నివేశంలో ‘డూప్’ ని కాదని, సొంతంగా ఎద్దు కొమ్ములు వంచబోయి, చెయ్యి విరిగినా చలించ లేదాయన! సరదా ఆటలో సైతం ఎన్టీఆర్ బాడీ లాంగ్వేజ్లోని పట్టుదలే కె.వి.రెడ్డిని ఆకర్షించి, ‘పాతాళ భైరవి’ లో తోట రాముడి పాత్రకు ఎంపిక చేసింది. కోటేరు ముక్కుతో కుదురైనా రూపం ‘మాయాబజార్’లో కృష్ణుడిగా నిలబెట్టింది. ఆ పాత్రలో ఎన్టీఆర్ తప్ప ఇంకొకరిని స్వీకరించలేని స్థాయికి చేర్చింది. ‘ఎన్.ఎ.టి’ సంస్థ నెలకొల్పి, హీరోగా తన గ్లామర్ ని పెంచుకోకుండా, సామాజిక సందేశాలతో ‘పిచ్చి పుల్లయ్య’, ‘తోడు దొంగలు’ లాంటి చిత్రాలు తీసి, డబ్బులు పోగొట్టుకున్న పట్టుదల ఆయనది. ‘‘నువ్వు రాముడో, కృష్ణుడో వెయ్యాలిగానీ, రావణుడి పాత్ర వెయ్యడమేంటి?’’ అంటూ తాను గురుతుల్యుడిగా భావించే కె.వి.రెడ్డి ‘సీతారామకళ్యాణం’ సినిమా దర్శకత్వ బాధ్యతలను సున్నితంగా నిరాకరించినప్పుడు, ఆయన వద్దన్న వేషం వేసి, దర్శకత్వం కూడా చేసి, తెర మీద తన పేరు వేసుకోకపోవడం ఆయనకు మాత్రమే చెల్లింది. అదే కె.వి. రెడ్డి అనారోగ్యంతో బాధపడుతూ, ఆర్థిక సమస్యల్లో ఉన్నారని తెలుసుకుని ‘శ్రీ కృష్ణ సత్య’ చిత్రానికి దర్శకత్వం చేయమని ఆహ్వానించి, ఫ్లోర్లో ఆయన్ని కూర్చోబెట్టి, అన్ని బాధ్యతలూ తానే చూసుకుని, టైటిల్స్లో పెద్దాయన పేరు వేసిన గురుభక్తి సైతం రామారావుదే!
బి.ఎన్. రెడ్డి లాంటి దర్శకుడి మాటను తోసిరాజని, నిజమైన కత్తులతో పోరాట దృశ్యంలో పాల్గొన్నా, రావణ, దుర్యోధన పాత్రల కోసం ‘మణుగుల కొద్దీ బరువున్న’ కిరీటాల్నీ, ఆయుధాల్ని మోస్తూ, పేజీల కొద్దీ సంభాషణల్ని అవలీలగా, అలవోకగా చెప్పి, ప్రేక్షకుల చేత ఈలలు వేయించినా, శ్రీకృష్ణుడి లాంటి సాత్విక పాత్రలో సైతం ‘రాయబారం’ ఘట్టంలో, ఆవేశపూరితమైన భావ ప్రకటన కోసం- తొడ మీద తట్లు తేలేలా మురళితో పదే పదే చరచుకోవాల్సి వచ్చినా అవన్నీ ఆయనకు మాత్రమే సాధ్యాలు!
ప్రజలతో మమేకం..
సమస్యల పట్ల స్పందించే లక్షణం ఎన్టీఆర్లో ఉంది. రాయల సీమ క్షామ నిధి, పోలీసు సంక్షేమ నిధి, సరిహద్దుల్లో సమర భేరీ మోగిన సందర్భాల్లో సైనిక సహాయ నిధి, తుపాను బాధితుల నిధి లాంటి కార్యక్రమాలు సమాజం పట్ల ఆయన స్పందనకు తార్కాణాలు. వరుస విజయాలతో పారితోషికం గరిష్ఠ స్థాయికి చేరుకున్న రోజుల్లో అరవయ్యో పడి సమీపిస్తున్న సమయంలో ఆయన మనసు మార్చుకున్నారు. గట్టు మీద నిలబడి నీతులు చెప్పడం వల్ల ప్రయోజనం లేదని, పదవిలో కూర్చొని, పగ్గాలు పడితేనే పరిష్కారం వీలవుతుందని రామారావు భావించారు. రాజకీయాల ద్వారా ప్రజలకు చేరువయ్యారు. పార్టీ నెలకొల్పి, తెలుగు వారి ఆత్మగౌరవ నినాదంతో సుడిగాలిలా పర్యటించి, కొద్ది నెలలలోనే పదవిని చేపట్టారు. కనీ, వినీ ఎరుగని రీతిలో చరిత్ర సృష్టించారు. ఎన్టీఆర్ శత జయంతి సంవత్సరంలోనే, ఆయన నెలకొల్పిన ఎన్.ఎ.టి సంస్థ ‘సప్తతి’ - డెబ్భయ్యేళ్ల వేడుక కలసి రావడం విశేషం! భారతీయ చలన చిత్ర చరిత్రలో ‘ఎన్టీఆర్’ ఓ చెక్కు చెదరని అధ్యాయం...మూడు సువర్ణాక్షరాల ముచ్చటైన సంతకం!!
సెకండ్ ఇన్నింగ్స్....
తనదైన శైలి ముద్ర సుస్థిరంగా కొనసాగుతున్న దశలో మారుతున్న కాలానికి, అభిరుచులకు అనుగుణంగా యాభయ్యో పడిలో సైతం ‘సై’ అనడం ఎన్టీఆర్ స్వీకరించిన మరో సవాల్! 1975లో అశ్వనీదత్
స్థాపించిన సంస్థకు ‘వైజయంతీ మూవీస్’ అని పేరు పెట్టిన ఎన్టీఆర్- ఆ సంస్థ తొలి చిత్రం ‘ఎదురు లేని మనిషి’లో సరికొత్త ఆహార్యం, వస్త్రధారణ, ఆట, పాటల గురించి కాస్త సందేహించినా, ‘‘ఓ అభిమానిగా మిమ్మల్ని ఇలా చూడాలనుకుంటున్నాను..’’ అన్న యువ నిర్మాత కోరిక విని, అభిమానుల నాడిని గ్రహించారు. ఆ నిర్ణయం ఎన్టీఆర్ సెకెండ్ ఇన్నింగ్స్కి తెర తీసింది.
ఏ పాత్రలోనైనా దిట్టే
ముసలి పాత్రలూ, ఏడుపుగొట్టు వేషాలూ వద్దన్న చక్రపాణి లాంటి అనుభవజ్ఞుల హితబోధలు పెడచెవిన పెట్టి ‘భీష్మ’, ‘రక్త సంబంధం’ లాంటి చిత్రాల్ని రక్తి కట్టించిన దిట్టతనం సైతం ఎన్టీఆర్లో ఉంది! అలాగే తన మనసుకు నచ్చిన వేషం వచ్చినప్పుడు నిర్మాతకు సహకరించి, ప్రాజెక్టును పట్టాలకెక్కించిన సందర్భాలూ ఉన్నాయి. ‘బడి పంతులు’ చిత్ర నిర్మాణానికి గడువు సమీపిస్తున్నా, అడ్వాన్స్ తీసుకున్న ఆత్రేయ స్క్రిప్ట్ ఇవ్వకుండా నిర్మాతను తిప్పిస్తున్నప్పుడు, డి.వి.నరసరాజును ఒప్పించి, సకాలంలో సంభాషణలు సిద్ధం చేయించింది ఎన్టీఆరే! అలాగే కెరీర్ ముగింపులో సైతం గ్లామర్ వేషాలకు పెద్ద మొత్తంలో పారితోషికాలు లభిస్తున్నా సరే మనసుకు నచ్చితే చాలు వృద్ధ పాత్రను కూడా ఆయన హృదయపూర్వకంగా అంగీకరించిన సందర్భం ఉంది. వృద్ధ దంపతులు ప్రధాన పాత్రలుగా ‘బస్తీలో బహు కుటుంబీకుడు’ పేరుతో నరసరాజు రాసిన రేడియో నాటకం స్క్రిప్ట్ రచయిత చేత చదివించుకుని, లక్షల కొద్దీ పారితోషికం ముట్ట చెప్పి, తన చేత ముసలి వేషం వేయించడానికి బయటి నిర్మాతలు ముందుకు రారని తెలిసి, ‘పుణ్య దంపతులు’ పేరుతో సొంత బ్యానర్ మీద తీయడానికి స్క్రిప్ట్ సిద్ధం చేయించిన పట్టుదల ఎన్టీఆర్ది. కాకపోతే ఆ చిత్రం కార్య రూపం ధరించక పోవడం వేరే కథ.
ఓలేటి శ్రీనివాసభాను
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆ ఒక్క సాంగ్ చేయలేకపోతే ఇండస్ట్రీని వదిలేద్దామనుకొన్నా: సోనాలి బింద్రే
తాజాగా ఓ ఇంటర్వ్యూలో పాల్గొన్న సోనాలి తన కెరీర్ తొలినాళ్లను గుర్తుచేసుకున్నారు. -
పుష్ప పుష్ప పుష్పరాజ్
‘పుష్ప2’ ప్రచార హంగామా ఊపందుకోనుంది. మే 1న తొలి పాటని విడుదల చేస్తున్నట్టు బుధవారం చిత్రబృందం ప్రకటించింది. ‘పుష్ప పుష్ప పుష్పరాజ్...’ అంటూ సాగే ఆ పాట ప్రోమోని విడుదల చేశారు. -
సర్దార్ 2 సన్నాహాలు
కార్తి.. పోలీసు అధికారిగా, రా ఏజెంటుగా తన నటనతో ప్రేక్షకులను ఆకట్టుకున్న చిత్రం ‘సర్దార్’. పీఎస్ మిత్రన్ తెరకెక్కించారు. దీనికి కొనసాగింపుగా ‘సర్దార్ 2’ రూపొందుతున్న సంగతి తెలిసిందే. -
రామోజీ ఫిల్మ్సిటీలో తమ్ముడు
నితిన్ కథానాయకుడిగా శ్రీ వెంకటేశ్వర క్రియేషన్స్ పతాకంపై తెరకెక్కుతున్న చిత్రం ‘తమ్ముడు’. సప్తమిగౌడ కథానాయిక. శ్రీరామ్ వేణు దర్శకత్వం వహిస్తున్నారు. దిల్ రాజు, శిరీష్ నిర్మాతలు. -
ఒక నటికి ఇంతకంటే ఏం కావాలి?
‘‘ప్రేక్షకుడికి ఒక మంచి సినిమాని ఇవ్వాలనే ఆలోచన తప్ప మిగతా ఏ రకమైన ఒత్తిడీ నాపైన ఉండదు. తెలుగు సినిమా.. నటిగా నాకు రెండో జీవితాన్నిచ్చింది. తెలుగు ప్రేక్షకులు నన్ను వాళ్ల సొంతం చేసుకున్నారు. -
గ్రామీణ ప్రేమకథ
పృథ్వీ కథానాయకుడిగా పాలిక్ శ్రీను దర్శకత్వంలో ఓ చిత్రం తెరకెక్కుతోంది. అంబిక, రూపాలి కథానాయికలు. దుర్గం రాజేశ్, రావుల రమేశ్, టి.ఎస్.రాజు సంయుక్తంగా నిర్మిస్తున్నారు. -
కనులెందుకో కలిసేనులే...
సుధీర్బాబు కథానాయకుడిగా తెరకెక్కుతున్న చిత్రం ‘హరోం హర’. ది రివోల్ట్.. అనేది ఉపశీర్షిక. మాళవిక శర్మ కథానాయిక. జ్ఞానసాగర్ ద్వారక దర్శకత్వం వహిస్తున్నారు. సుమంత్.జి నాయుడు నిర్మాత. -
ప్రేమిస్తే.. పూర్తిగా నమ్మేస్తా!
దాదాపు మూడేళ్ల విరామం తర్వాత ‘దో ఔర్ దో ప్యార్’తో ప్రేక్షకుల ముందుకొచ్చింది ఇలియానా. ‘దేవదాసు’లో భానుమతిగా తెలుగు ప్రేక్షకులకు ఎప్పుడో దగ్గరైన తను.. ఈ చిత్రంలో నటనకు మంచి మార్కులే కొట్టేసింది. -
యాక్షన్ రుచి చూపించే.. బేబీ జాన్
‘బేబీ జాన్’గా ప్రత్యర్థులకు తన యాక్షన్ రుచి చూపించేందుకు సిద్ధమవుతున్నాడు బాలీవుడ్ కథానాయకుడు వరుణ్ ధావన్. కాలీస్ దర్శకత్వంలో యాక్షన్ ఎంటర్టైనర్గా తెరకెక్కుతున్న చిత్రమే ‘బేబీ జాన్’. -
ఇది నా అదృష్టం: అమితాబ్
ప్రఖ్యాత గాయని లతా మంగేష్కర్ పేరుతో ఏర్పాటు చేసిన లతా దీనానాథ్ మంగేష్కర్ పురస్కారాన్ని బాలీవుడ్ నటుడు అమితాబ్ బచ్చన్ బుధవారం స్వీకరించారు. 2022లో మరణించిన లత జ్ఞాపకార్థం ఈ పురస్కారాన్ని ఏర్పాటు చేశారు. -
ఉత్తమ దర్శకుడు.. కరణ్ జోహార్
దర్శకనిర్మాత కరణ్జోహార్ ఈ ఏడాది మేటి దర్శకుడి పురస్కారానికి ఎంపికయ్యారు. బుధవారం దిల్లీలో.. ఆల్ ఇండియా మేనేజ్మెంట్ అసోసియేషన్ (ఏఐఎంఏ) ఆధ్వర్యంలో నిర్వహించిన తొమ్మిదో లీడర్షిప్ కాన్క్లేవ్లో భారత ఉపరాష్ట్రపతి... -
ఎన్నికల బరిలో ‘పొలిమేర’ నటి..
‘పొలిమేర’ నటి స్వతంత్ర అభ్యర్థిగా ఎన్నికల్లో పోటీ చేయనున్నారు. -
‘నో యాడ్స్..’ ఇక కేవలం సినిమాలే!: పీవీఆర్ ఐనాక్స్ నిర్ణయం
పీవీఆర్ ఐనాక్స్ సంస్థ కీలక నిర్ణయం తీసుకుంది. ‘యాడ్ ఫ్రీ’ విధానంలో సినిమాలు ప్రదర్శించనున్నట్లు తెలిపింది. -
వెరైటీ డ్రెస్సులో అదాశర్మ పోజులు.. మెహందీతో మేఘా ఆకాశ్
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ..
తాజా వార్తలు (Latest News)
-
హైదరాబాద్, బెంగళూరు మ్యాచ్.. మెట్రో రైళ్ల సమయం పొడిగింపు
-
రూ.8500కే మూడు రోజుల శిర్డీ టూర్.. ఐఆర్సీటీసీ ప్యాకేజీ వివరాలు ఇవీ..
-
కెమెరామెన్కు సారీ చెప్పిన పంత్.. ఎందుకో తెలుసా?
-
చెప్పలేని విధంగా వ్యక్తిత్వ హననం.. నీకిది తగునా జగన్?: సీఎంకు వివేకా సతీమణి లేఖ
-
ఆ ఒక్క సాంగ్ చేయలేకపోతే ఇండస్ట్రీని వదిలేద్దామనుకొన్నా: సోనాలి బింద్రే
-
దేశాల మధ్య డీఫ్ఫేక్ చిచ్చు.. ఫిలిప్పీన్స్-చైనాలో కలకలం సృష్టించిన వీడియో