బుల్లితెర జలపాతంలో సుధీర్‌, రష్మి

ఇంటర్నెట్‌ డెస్క్‌: బుల్లితెర సెన్సేషన్‌ జోడీ సుధీర్‌-రష్మి మరోసారి తెరపై సందడి చేసింది. ఈటీవీలో ఉగాది కానుకగా ‘ఉగాది జాతిరత్నాలు’ పేరుతో ఒక కార్యక్రమం ప్రసారమైంది. ఇందులో భాగంగా సుధీర్‌, రష్మి ‘ఉప్పెన’ చిత్రంలోని ‘జల జల జలపాతం నువ్వూ’ అంటూ సాగే పాటకు సందడి చేశారు. సినిమాలో హీరోహీరోయిన్లకు ఏమాత్రం తీసిపోని విధంగా వాళ్లు హావభావాలు పలికించారు. రష్మి అయితే.. తన నటనతో కుర్రకారుకు మత్తెక్కించినంత పని చేసింది. ఇక సుధీర్‌ గురించి ప్రత్యేకంగా చెప్పాల్సిన అవసరం లేదు. ఎప్పటిలాగే తనదైన మార్కు పెర్ఫార్మెన్స్‌ ఇచ్చాడు. ఈ కార్యక్రమంలో వీళ్ల ప్రదర్శన హైలైట్‌గా నిలిచింది. దీంతో యూట్యూబ్‌ రికార్డులు బద్దలు కావడం ఖాయమంటూ వీడియో కింద అభిమానులు కామెంట్లు పెడుతున్నారు. ఆలస్యమెందుకు వీడియో మీరూ చూసేయండి మరి.