Sudigali Sudheer: సుధీర్‌ ‘గాలోడు’ ఓటీటీలోకి వస్తోంది.. ఆ రోజే విడుదల

ఇంటర్నెట్‌ డెస్క్‌: సుడిగాలి సుధీర్‌ (Sudigali Sudheer) హీరోగా నటించిన ‘గాలోడు’ (Gaalodu) సినిమా ఓటీటీ (OTT) విడుదల ఖరారైంది. ఈ నెల 17 నుంచి ‘ఆహా’ (Aha), అమెజాన్‌ ప్రైమ్‌ వీడియో ఓటీటీ వేదికల్లో స్ట్రీమింగ్‌ కానుంది. ఈ విషయాన్ని సోషల్‌ మీడియా వేదికగా ప్రకటిస్తూ సదరు సంస్థ పోస్టర్‌ పంచుకుంది. ‘సాఫ్ట్‌వేర్‌ సుధీర్‌’ తర్వాత దర్శకుడు రాజశేఖర్‌ రెడ్డి పులిచర్ల- సుధీర్‌ కాంబినేషన్‌లో రూపొందిన రెండో సినిమా ఇది. గెహనా సిప్పీ కథానాయిక. యాక్షన్‌ ఎంటర్‌టైనర్‌ నేపథ్యంలో తెరకెక్కిన ఈ చిత్రం గతేడాది నవంబరులో థియేటర్లలో రిలీజ్‌ అయిన సంగతి తెలిసిందే.

ఇదీ కథ: రాజు (సుధీర్) పనీపాటా లేకుండా ఇష్టం వచ్చినట్టు తిరుగుతుంటాడు. జూదంలో జరిగిన గొడవలో తన గ్రామ సర్పంచ్‌ కొడుకు చనిపోవడంతో రాజు హైదరాబాద్‌ పారిపోతాడు. అక్కడ ఆయనకు శుక్ల (గెహనా) అనే అమ్మాయితో పరిచయం ఏర్పడి, ప్రేమగా మారుతుంది. మరోవైపు, పోలీసులు వెతికిపట్టుకుని రాజును అరెస్ట్‌ చేస్తారు. అతను జైలు నుంచి ఎలా బయటకు వచ్చాడు? అన్నది మిగతా కథ.