jayamma panchayathi review: రివ్యూ: జయమ్మ పంచాయితీ
jayamma panchayathi review: సుమ కీలక పాత్రలో నటించిన ‘జయమ్మ పంచాయతీ’ ఎలా ఉందంటే?
చిత్రం: జయమ్మ పంచాయితీ; నటీనటులు: సుమ, దేవి ప్రసాద్, దినేశ్ కుమార్, షాలిని జోయ్, నిఖిత తదితరులు; సంగీతం: ఎం.ఎం.కీరవాణి; ఎడిటింగ్: రవితేజ గిరిజాల; సినిమాటోగ్రఫీ: అనుష్ కుమార్; నిర్మాత: బాలగ ప్రకాశ్, అమర్-అఖిల్; రచన, దర్శకత్వం: విజయ్ కలివరపు; విడుదల: 06-05-2022
వెండితెరకి కొత్త కాకపోయినా... బుల్లితెరతోనే ఇంటింటికీ చేరువయ్యారు సుమ కనకాల. తెలుగు వారి ఇళ్లల్లో ఒకరిలా మారిపోయిన ఆమె... షో నిర్వహించినా లేక సినిమా వేడుకలకి వ్యాఖ్యాతగా వ్యవహరించినా తనవైన ఛమక్కులతో ప్రేక్షకుల్ని కట్టి పడేస్తుంటారు. ప్రేక్షకులే కాదు, సినీ పరిశ్రమ వర్గాలు కూడా ఆమె వాగ్ధాటినీ, సమయస్ఫూర్తిని మెచ్చుకుంటుంటారు. ఇన్నాళ్లూ బుల్లితెరపైనే మెరిసిన సుమ... వెండితెరపైనా సందడి చేయడం కోసం ఇటీవల ‘జయమ్మ పంచాయితీ’లో నటించింది. ఆ సినిమా ఎలా ఉంది? జయమ్మగా సుమ కనకాల మెప్పించిందా?
కథేంటంటే: కొంచెం భోళాతనం.. మరికొంచెం జాలిగుణం మొండితనం కలగలసిన మహిళ జయమ్మ (సుమ). ఆమె గురించి తెలిసినవాళ్లు మచ్చ లేని మనసు అంటారు. ఊళ్లో సమస్యలన్నీ తన సమస్యలుగా భావిస్తుంటుంది. పొరుగోళ్లకి సాయం చేయడమంటే ఇష్టం. తిరిగి సాయం చేయకపోతే మాత్రం ఊరుకోదు. ఊరంతా తనదే అనుకునే తత్వం. కుటుంబంతో కలిసి హాయిగా జీవితం గడుపుతుంటుంది. ఇంతలోనే భర్త (దేవీప్రసాద్)కి జబ్బు చేస్తుంది. డబ్బు అవసరమవుతుంది. తనకి ఎదురైన ఈ సమస్య తీరాలంటే పంచాయితీకి వెళ్లాల్సిందే అని నిర్ణయిస్తుంది. కానీ పంచాయితేమో వేరే సమస్యతో తలమునకలై ఉంటుంది. మరి జయమ్మ సమస్యకి పరిష్కారం దొరికిందా? లేదా?అనేది తెలియాలంటే సినిమా చూడాల్సిందే.
ఎలా ఉందంటే: శ్రీకాకుళం జిల్లా నేపథ్యంలో సాగే ఓ గ్రామీణ కథ ఇది. పల్లెటూరు అనగానే ఓ ప్రత్యేకమైన జీవన విధానం కనిపిస్తుంది. కల్మషం లేని మనస్తత్వాలు, అమాయకత్వం కలగలిసిన జీవితాలే స్ఫురిస్తాయి. వీటికితోడు మూఢ నమ్మకాలు, అసమానతల వంటి రకరకాల సమస్యలు కనిపిస్తుంటాయి. ఆ వాతావరణాన్ని అత్యంత సహజంగా కళ్లకు కట్టిన చిత్రమిది. ఆరంభ సన్నివేశాల్ని గ్రామీణ వాతావరణాన్ని ఆవిష్కరించడానికి, ఆ ప్రపంచంలోకి తీసుకెళ్లడానికే వాడుకున్నారు దర్శకుడు. జయమ్మ టైటిల్ సాంగ్ నుంచే అసలు కథ మొదలవుతుంది. జయమ్మ సమస్య, ఆ నేపథ్యంలో సంఘర్షణ పెద్దగా మనసుల్ని తాకకపోయినా ఆమె పంచాయితీకి వెళ్లడంలో నిజాయతీ కనిపిస్తుంది. ముఖ్యంగా సుమ పాత్ర ప్రభావం ఏమాత్రం లేకుండా జయమ్మ పాత్రని డిజైన్ చేసిన విధానం, పల్లెటూళ్లలో కనిపించే సమస్యల్ని ఆవిష్కరించిన తీరు ఆకట్టుకుంటుంది.
జయమ్మ సమస్యకి ఊళ్లోని మరికొన్ని కథల్ని ముడిపెట్టిన తీరు, వాటిని నడిపించిన విధానం, పాత్రల నుంచే సునిశితమైన హాస్యం పండించిన వైనం మెప్పిస్తుంది. అక్కడక్కడా సినిమా సాగదీతగా అనిపించినా... కథలో నిజాయతీ మాత్రం ప్రేక్షకుల్ని కట్టిపడేస్తుంది. ద్వితీయార్ధంలో భావోద్వేగాలపై దృష్టిపెట్టిన దర్శకుడు ఆ విషయంలో కొంత మేర సఫలమయ్యారు. జయమ్మ పాత్రకి సుమ పరిపూర్ణంగా న్యాయం చేశారు. ఈడ్లు కోసం ఆమె చేసే హంగామా, తనకి సమస్య వచ్చినప్పుడు ఆదుకోవాల్సిందే అని పంచాయితీలో వాదించే వైనం మనసుల్ని హత్తుకుంటుంది. శ్రీకాకుళం నేపథ్యాన్ని ఆవిష్కరించిన తీరు సినిమాకి హైలైట్గా నిలిచింది. పాత్రల మధ్య సంఘర్షణ, భావోద్వేగాలపై దర్శకుడు చేసిన కసరత్తులు చాలలేదు. ఓ పల్లెటూరి డ్రామాని పరిపూర్ణంగా ఆవిష్కరించే ప్రయత్నం మాత్ర మెప్పించేదే.
ఎవరెలా చేశారంటే: జయమ్మ పాత్రకి తగిన ఎంపిక అని చాటి చెప్పారు సుమ కనకాల. సినిమా మొత్తం ఆమె పాత్ర కనిపించినప్పటికీ ఆ భారాన్ని సమర్థంగా మోశారు. తన శైలికి భిన్నమైన పాత్ర ఇది. అలాంటి పాత్రని అర్థం చేసుకున్న విధానంతోపాటు, శ్రీకాకుళం యాసని పలికిన తీరు కూడా మెప్పిస్తుంది. జయమ్మ భర్తగా దేవిశ్రీప్రసాద్ పాత్ర పరిధి మేరకు బాగా నటించారు. మిగిలినవాళ్లల్లో ఎక్కువగా రంగస్థల కళాకారులే. వాళ్లంతా పాత్రల్లో సహజంగా ఒదిగిపోయారు. సాంకేతికంగా సినిమా ఉన్నతంగా ఉంది. అనూష్ కెమెరా శ్రీకాకుళం అందాల్ని ఒడిసిన తీరులో ఓ ప్రత్యేకమైన అందం కనిపిస్తుంది. కీరవాణి సంగీతంతో తనదైన ముద్ర వేశారు. పాటలతోపాటు, నేపథ్య సంగీతం కూడా చాలా బాగా కుదిరింది. కళ, ఎడిటింగ్ విభాగాలు కూడా చక్కటి పనితీరుని కనబరిచాయి. దర్శకుడు విజయ్ కుమార్ పల్లెటూరి మూలాల్ని ఆవిష్కరించే ప్రయత్నం చేశారు. తరచూ గ్రామాల్లో కనిపించే సమస్యల్ని ఇందులో ప్రస్తావించిన తీరు కూడా మెప్పిస్తుంది.
బలాలు
+ సుమ నటన
+ గ్రామీణ నేపథ్యంలో సాగే కథ
+ ప్రథమార్ధంలో హాస్యం
బలహీనతలు
- భావోద్వేగాలు పండకపోవడం
- కొన్ని సన్నివేశాలు సాగదీతగా అనిపించడం
చివరిగా: ఈ పంచాయితీలో జయమ్మ పాత్రకి సుమ న్యాయమే చేశారు!
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా? -
రివ్యూ: మంజుమ్మల్ బాయ్స్.. మలయాళ సూపర్హిట్ తెలుగులో ఎలా ఉంది?
మలయాళంలో రూ.200 కోట్లకు పైగా వసూళ్లు సాధించి రికార్డు సృష్టించిన ‘మంజుమ్మల్ బాయ్స్’ మూవీ తెలుగు ప్రేక్షకులకు నచ్చుతుందా? -
రివ్యూ: ఫ్యామిలీస్టార్.. విజయ్ దేవరకొండ ఖాతాలో హిట్ పడిందా?
Family Star Review: విజయ్ దేవరకొండ, మృణాళ్ ఠాకూర్ కీలక పాత్రల్లో నటించిన ‘ఫ్యామిలీస్టార్’ ఎలా ఉందంటే? -
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
Tillu Square Review: సిద్ధు జొన్నలగడ్డ, అనుపమ పరమేశ్వర్ జంటగా నటించిన రొమాంటిక్ క్రైమ్ కామెడీ మెప్పించిందా? -
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే? -
Save The Tigers 2 Review: రివ్యూ: సేవ్ ది టైగర్స్ సీజన్ 2.. నవ్వులు రిపీట్ అయ్యాయా?
ప్రియదర్శి, అభినవ్ గోమఠం, చైతన్య కృష్ణ ప్రధాన పాత్రల్లో నటించిన వెబ్సిరీస్ ‘సేవ్ ది టైగర్స్ 2’. ఓటీటీ ‘డిస్నీ+ హాట్స్టార్’లో విడుదలైన ఈ సిరీస్ ఎలా ఉందంటే? -
Sharathulu Varthisthai Review: రివ్యూ: షరతులు వర్తిస్తాయి.. సినిమా ఎలా ఉందంటే?
Sharathulu Varthisthai Review: చైతన్యరావు కీలక పాత్రలో నటించిన ‘షరతులు వర్తిస్తాయి’ మూవీ మెప్పించిందా? -
Yodha Review: రివ్యూ: యోధ.. యాక్షన్ థ్రిల్లర్ మెప్పించిందా?
సిద్ధార్థ్ మల్హోత్రా, రాశీఖన్నా నటించిన యాక్షన్ థ్రిల్లర్ ప్రేక్షకులను అలరించిందా..? -
Razakar Movie Review: రివ్యూ: రజాకార్.. బాబీ సింహా, అనసూయ నటించిన మూవీ ఎలా ఉంది?
Razakar Movie Review: తెలంగాణ సాయుధ పోరాటం నేపథ్యంలో రూపొందిన ‘రజాకార్’ ఎలా ఉందంటే? -
Merry Christmas review: రివ్యూ: మెర్రీ క్రిస్మస్.. విజయ్ సేతుపతి, కత్రినా కైఫ్ నటించిన చిత్రం ఎలా ఉందంటే?
విజయ్ సేతుపతి, కత్రినా కైఫ్ ప్రధాన పాత్రల్లో నటించిన చిత్రం ‘మెర్రీ క్రిస్మస్’. ఓటీటీ ‘నెట్ఫ్లిక్స్’లో స్ట్రీమింగ్ అవుతోంది. ఎలా ఉందంటే? -
Anweshippin Kandethum Review: రివ్యూ: అన్వేషిప్పిన్ కండెతుమ్.. మలయాళ బ్లాక్బస్టర్ ఎలా ఉంది?
Anweshippin Kandethum Review: టొవినో థామస్ కీలకపాత్రలో నటించిన పోలీస్ ప్రొసీడల్ డ్రామా మెప్పించిందా?
తాజా వార్తలు (Latest News)
-
‘రాహుల్ భవిష్యత్తులో మహాసముద్రాల ఆవల నుంచి పోటీ చేయాల్సి రావొచ్చు’
-
నేటి రాశి ఫలాలు.. 12 రాశుల ఫలితాలు ఇలా... (18/04/24)
-
జీవం పోసుకోకముందే.. వేలాది జంటల ఆశలు సమాధి!
-
ఖైదీలకు స్మార్ట్ కార్డులు... వాటితో ఏం చేయొచ్చంటే?
-
‘నేను మంచి తల్లిని కానా?’.. మామాఎర్త్ సీఈఓ భావోద్వేగ పోస్ట్
-
ఏఐ ఫీచర్లతో శాంసంగ్ కొత్త టీవీలు.. 8K మోడల్స్ ధర ₹3 లక్షల పైనే..!