Cinema News: సుందరాంగుడి సందడి

కృష్ణసాయి, మౌర్యాని, ఈషా, రీతూ, సాక్షి శర్మ ప్రధాన పాత్రధారులుగా... వినయ్‌బాబు దర్శకత్వంలో తెరకెక్కిన చిత్రం ‘సుందరాంగుడు’. చందర్‌గౌడ్‌, యం.యస్‌.కె.రాజు సంయుక్తంగా నిర్మిస్తున్నారు.  ఫిబ్రవరిలో  ప్రేక్షకుల ముందుకు రానున్న ఈ సినిమా ట్రైలర్‌ విడుదల కార్యక్రమం బుధవారం  హైదరాబాద్‌లో జరిగింది.  ఈ సందర్భంగా కథానాయకుడు    మాట్లాడుతూ ‘‘వినూత్నమైన ప్రేమకథతో    తెరకెక్కిన చిత్రమిది. మేం ఏర్పాటు చేసిన కృష్ణసాయి ఛారిటబుల్‌ ట్రస్ట్‌ తరఫున చాలా మందికి సాయం చేస్తున్నా. ఈ సినిమాతో వచ్చిన లాభాల్ని మా ట్రస్ట్‌ చేపడుతున్న సేవా కార్యక్రమాల కోసం ఉపయోగిస్తాం. అండగా నిలిచేవాళ్లు లేక విడుదల చేసుకోలేకపోతున్నాం. చిన్న సినిమాల విడుదలకి పరిశ్రమ పెద్ద సహకారం అందించాలని కోరుతున్నాం’’ అన్నారు.