Updated : 08 May 2022 10:24 IST

Sundeep Kishan: ఊరు పేరు భైరవకోన

సందీప్‌కిషన్‌ కథానాయకుడిగా హాస్య మూవీస్‌ పతాకంపై ఓ చిత్రం తెరకెక్కుతోంది. కావ్య థాపర్‌, వర్ష బొల్లమ్మ కథానాయికలు. వి.ఐ.ఆనంద్‌ దర్శకుడు. రాజేష్‌ దండా నిర్మాత. అనిల్‌ సుంకర సమర్పకులు. చిత్రానికి ‘ఊరు పేరు భైరవకోన’ అనే పేరుని ఖరారు చేశారు. సోమవారం సందీప్‌కిషన్‌ పుట్టినరోజు. ఈ సందర్భంగా సినిమా ఫస్ట్‌లుక్‌తోపాటు, మేకింగ్‌ వీడియోని విడుదల చేసింది చిత్రబృందం. ‘‘దర్శకుడు ఈ చిత్రంతో ప్రేక్షకుల్ని ఓ ఫాంటసీ ప్రపంచంలోకి తీసుకెళతారు’’ అని సినీ వర్గాలు. ఈ చిత్రానికి ఛాయాగ్రహణం: రాజ్‌ తోట, సంగీతం: శేఖర్‌ చంద్ర, కూర్పు: ఛోటా కె.ప్రసాద్‌, కళ: ఎ.రామాంజనేయులు, సంభాషణలు: భాను భోగవరపు, నందు సవిరిగాన.


‘మైఖేల్‌’ లుక్‌

సందీప్‌కిషన్‌ పుట్టినరోజు సందర్భంగా శనివారం ‘మైఖేల్‌’ సినిమా లుక్‌ విడుదలైంది. రంజిత్‌ జయకోడి దర్శకత్వంలో సందీప్‌కిషన్‌, విజయ్‌ సేతుపతి, గౌతమ్‌ మేనన్‌ ప్రధాన పాత్రధారులుగా ఈ చిత్రం రూపొందుతున్న సంగతి తెలిసిందే. దివ్యాంశ కౌశిక్‌, వరలక్ష్మి శరత్‌కుమార్‌, వరుణ్‌సందేశ్‌ కీలక పాత్రలు పోషిస్తున్నారు. నారాయణ్‌దాస్‌ నారంగ్‌, భరత్‌ చౌదరి, పుస్కూర్‌ రామ్మోహన్‌రావు నిర్మిస్తున్నారు. పాన్‌ ఇండియా స్థాయిలో రూపొందుతున్న ఈ చిత్రం కోసం సందీప్‌కిషన్‌ సిక్స్‌ ప్యాక్‌ దేహాన్ని సిద్ధం చేసి నటిస్తున్నారు.

Read latest Movies News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని

సుఖీభవ

మరిన్ని