Sunil: కచ్చితంగా ఈ సినిమాకు రిపీట్ ఆడియన్స్ ఉంటారు: సునీల్
వెంకటేష్, వరుణ్తేజ్ కలిసి నటిస్తున్న చిత్రం ‘ఎఫ్3’. అనిల్ రావిపూడి దర్శకత్వంలో తెరకెక్కుతున్న ఈ సినిమాలో తమన్నా, మెహ్రీన్ కథానాయికలుగా అలరించనున్నారు.
వెంకటేశ్, వరుణ్తేజ్ కలిసి నటిస్తున్న చిత్రం ‘ఎఫ్3’. అనిల్ రావిపూడి దర్శకత్వంలో తెరకెక్కుతున్న ఈ సినిమాలో తమన్నా, మెహ్రీన్ కథానాయికలుగా అలరించనున్నారు. మే27న థియేటర్లలో నవ్వులు పూయించేందుకు సిద్ధమైన ఈ సినిమాలో సునీల్ కీలకపాత్ర పోషించారు. ‘ఎఫ్3’ ప్రమోషన్స్లో భాగంగా సునీల్ కాసేపు మీడియాతో ముచ్చటించారు. సునీల్ చెప్పిన ఫన్ బ్లాస్ట్ ముచ్చట్లేంటో చూద్దాం..
సినిమాల్లోకి వచ్చి 25 ఏళ్లు అవుతోంది కదా.. ప్రయాణం ఎలా ఉంది?
సునీల్: మొదట కమెడియన్గా సినీరంగ ప్రవేశం చేసిన నేను తర్వాత సిక్స్ ప్యాక్ చేశాను. హీరోగా, విలన్గా నటించాను. నా ప్రయాణం ఇంత విలక్షణంగా సాగింది అంటే దానికి కారణం ప్రేక్షకులు ఆదరించడమే. నన్ను ఆదరిస్తున్న ప్రేక్షకులందరికీ మరోసారి కృతజ్ఞతలు తెలుపుతున్నాను. నటన అనేది ఓ మహాసముద్రంలాంటిది. నేను సంపూర్ణ నటుడు అయ్యాను అని ఎప్పటికీ అనుకోను. కానీ, విలక్షణ పాత్రలు చేసే అవకాశం వచ్చింది అని మాత్రం చెబుతాను. కామెడీ చేయమన్నా చేస్తా. పదహారేళ్ల అమ్మాయికి తండ్రిగా నటించమన్నా చేస్తా. వచ్చిన అవకాశానికి న్యాయం చేయడానికి వంద శాతం కష్టపడతాను.ఐతే నా వరకు కామెడీ చేసి నవ్వించడమే ఇష్టం.
‘ఎఫ్3’లో ఆఫర్ ఎలా వచ్చింది?
సునీల్: ‘సరిలేరు నీకెవ్వరు’ సినిమా షూటింగ్ జరుగుతున్నప్పుడు అనిల్ రావిపూడితో ‘కామెడీ చేసే వాళ్లు తగ్గిపోయారు. మనం కలిసి ఒక సినిమా తీయాలి’ అని చెప్పాను. సరే అన్నారు. తర్వాత ఎఫ్3లో మంచి పాత్ర ఇచ్చారు. ఈ సినిమాలో కొత్త సునీల్ను చూస్తారు.
‘ఎఫ్3’లో మీ పాత్ర ఎలా ఉంటుంది?
సునీల్: ఫస్ట్ హాఫ్ వరకు సోలో పెర్ఫామెన్స్ ఉంటుంది. సెకండ్ హాఫ్లో గ్రూప్ కామెడీ ఉంటుంది. నేను, వరుణ్ తేజ్ ఒక బ్యాచ్, వెంకటేశ్, రఘుబాబు ఒక బ్యాచ్ ఇలా సినిమాలో కొన్ని బ్యాచ్లు ఉంటాయి. అందరం కలిసిన తర్వాత నాన్స్టాప్ నవ్వులే. ‘ఎఫ్2’ కి మూడు రెట్లు ‘ఎఫ్3’. కుటుంబమంతా థియేటర్లకు వెళ్లి నవ్వుకొని మరొకసారి రావాలి అనుకునే సినిమా ఇది. ఈ సినిమాకి కచ్చితంగా రిపీట్ ఆడియన్స్ ఉంటారు.
వెంకటేశ్,వరుణ్ తేజ్, ఈ సినిమాలోని హీరోయిన్స్తో పని చేయడం ఎలా అనిపించింది?
సునీల్: వెంకటేశ్ టైమింగ్ గురించి ప్రత్యేకంగా చెప్పాల్సిన పని లేదు. వరుణ్ నాకు చిన్నప్పటి నుంచి తెలుసు. నన్ను ‘అన్నా’ అని పిలుస్తాడు. హాలీవుడ్ కటౌట్ తనది. ఇక తమన్నా హైలీ ఎనర్జీటిక్, తెలివైన అమ్మాయి. మెహ్రీన్లో తెలియని అమాయకత్వం ఉంటుంది. సోనాల్ చౌహాన్ చాలా సున్నితమనస్కురాలు.
‘ఎఫ్3’లో మీరు ఫేస్ చేసిన ఛాలెంజ్ ఏంటి?
సునీల్: ఎఫ్3, పుష్ప.. రెండు సినిమాల షూటింగ్స్ ఒకేసారి జరిగాయి. ఒక సినిమాలో కామెడీ రోల్. రెండో సినిమాలో విలన్ పాత్ర. రెండు ఒకే సారి చేయడం కాస్త ఛాలెంజింగ్గా అనిపించింది. విలన్ అవుదామని ఇండస్ట్రీకి వచ్చాను. ‘పుష్ప’ సినిమా నాలోని మరో కోణాన్ని ఆవిష్కరించింది. నా కెరీర్లో మర్చిపోలేని పాత్ర అది. పుష్ప2లో కూడా నా పాత్ర ఉంటుంది.
ఇప్పుడు కామెడీ సినిమాలు తగ్గిపోతున్నాయి కదా.. దాని ప్రభావం మీపై ఉందా?
సునీల్: నా మీద కంటే ప్రేక్షకుల మీద బాగా ప్రభావం ఉంటుంది. నవ్వించే సినిమాలు తీయడం, నవ్వించడం అంత తేలిక కాదు. కామెడీ అనేది పరిస్థితులు, ప్రాంతాలను బట్టి మారుతూ ఉంటుంది. సినిమా అనేది అల్టిమేట్గా వినోదం. రిలాక్స్ అవ్వాలి అంటే కామెడీ సినిమాలు చూడాలి. ప్రతి రోగానికి మందు నవ్వు అని నేను నమ్ముతా.
ఒక పాత్ర చెప్పినపుడు మీకు నచ్చినట్లు చేస్తారా? లేదా దర్శకుడు చెప్పినట్లు చేస్తారా?
సునీల్: కొన్ని పాత్రలు మనకోసం రాస్తారు. కొన్ని మనం ఏమైనా చేస్తామని రాస్తారు. నా వరకు అవతలి నుంచి ఏదైనా వస్తేనే రియాక్షన్ వస్తుంది. ఏదైనా స్పాంటేనియస్గా రావాల్సిందే. అంతేకాని కూర్చుని అమరకావ్యాలు రాసే టైపు కాదు. ప్లాన్ చేస్తే ఒక్క ముక్కరాదు (నవ్వుతూ).
‘ఎఫ్3’ ట్రైలర్లో మీరు చెప్పిన ‘ఆడవాళ్లు...’ డైలాగ్ బాగా పేలింది. నిజ జీవితంలో మీ భార్యకు ఏ సందర్భాల్లో బంగారం కొనిచ్చారు.. రియాక్షన్ ఏంటి ?
సునీల్: ఒకసారి కొని తీసుకెళ్ళాను. ''మీకు నచ్చిన డిజైన్ తీసుకురావద్దు, మళ్ళీ మాకు నచ్చక ఎక్స్ ఛేంజ్ చేసుకోవడం పెద్ద తలనొప్పి. డబ్బులు ఇచ్చేయండి చాలు. నచ్చింది కొనుక్కుంటాం'' అన్నారు. తర్వాత ఎప్పుడు తీసుకెళ్లలేదు( నవ్వుతూ).
దర్శకుడు అనిల్ రావిపూడి గురించి చెప్పండి?
సునీల్: చాలా రోజుల తర్వాత కామెడీ సినిమా చేస్తున్న అని కాస్త భయం వేసింది. అనిల్తో పని చేస్తున్నప్పుడు ఆ భయమంతా పోయింది. నా కామెడీ టైమింగ్ అంటే తనకి ఇష్టం. ఎలాంటి పరిస్థితుల్లోనైనా నవ్వుతూనే ఉంటారు. తనని చూసిన వెంటనే ఒక పాజిటివ్ ఎనర్జీ వస్తుంది. అది నాకు బాగా నచ్చింది. ఆయన సక్సెస్ సీక్రెట్ కూడా అదే.
డబ్బే మనిషిని శాసిస్తుందని ‘ఎఫ్3’ ట్రైలర్లో చూపించారు కదా .. దీనికి మీరేం చెప్తారు ?
సునీల్: నాకు వ్యాపారం చేతకాదు. డబ్బుల లెక్కలు అంతగా రావు. నేను మానవీయ విలువలకు ఎక్కువ ప్రాధాన్యం ఇస్తా. ఏదైనా వ్యాపారం చేస్తే అబద్ధం ఆడాలి. అది మళ్లీ నా పిల్లలకు తగులుతుందేమోనని భయపడ్డాను. అందుకే నవ్వించి డబ్బులు సంపాదించాలని ఇక్కడకు వచ్చాను.
కొత్త ప్రాజెక్ట్స్ ఏం చేస్తున్నారు?
సునీల్: త్రివిక్రమ్ సినిమాలో చేస్తున్నాను. చిరంజీవి ‘గాడ్ ఫాదర్’ సినిమాలో, రామ్ చరణ్- శంకర్ కాంబినేషన్లో వస్తున్న సినిమాలో చేస్తున్నా. మరో 13 చిన్న సినిమాలు కూడా ఉన్నాయి. తమిళం, కన్నడ, బాలీవుడ్ నుంచి విలన్ పాత్రల కోసం సంప్రదించారు. బాలీవుడ్లో కామెడీ పాత్రల ఆఫర్స్ వచ్చాయి. రెండు ఓకే చేశా. త్వరలోనే ఆ వివరాలు చెప్తా.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
నా జీవితంలో ఇదే రిస్కీ సినిమా
‘క్రూ’.. ఇటీవలే విడుదలైన ఈ సినిమాతో మంచి విజయాన్ని తన ఖాతాలో వేసుకుంది బాలీవుడ్ భామ కృతిసనన్. ఇందులో ఎయిర్హోస్టెస్ పాత్రలో కనిపించి సినీప్రియుల్ని మెప్పించింది. -
ఆ విషయంలో అల్లరి నరేశ్ను పట్టుబట్టా: నాని
నరేశ్ హీరోగా తెరకెక్కిన కామెడీ ఫిల్మ్ ‘ఆ ఒక్కటీ అడక్కు’. ఈ సినిమా ట్రైలర్ ఈవెంట్లో నాని సందడి చేశారు. -
అలాంటి మాటలు చెప్పే అలవాటు లేదు
‘పొలిమేర’ సిరీస్ సినిమాలతో అందర్నీ మెప్పించి సత్తా చాటారు సత్యం రాజేశ్. ఇప్పుడాయన హీరోగా నటించిన చిత్రం ‘టెనెంట్’. వై.యుగంధర్ తెరకెక్కించిన ఈ సినిమాని మోగుళ్ల చంద్రశేఖర్ రెడ్డి నిర్మించారు. -
చరణ్, జాన్వీ ‘జగదేక వీరుడు అతిలోక సుందరి’ సీక్వెల్ చేయాలన్నది నా కల: చిరంజీవి
‘జగదేక వీరుడు అతిలోక సుందరి’ రెండో భాగంలో రామ్చరణ్, జాన్వీకపూర్ కలిసి నటిస్తే చూడాలన్నది తన కల అని, దానికోసం ఎదురుచూస్తున్నానని అగ్ర కథానాయకుడు చిరంజీవి (Chiranjeevi) అన్నారు. -
హీరో ఒక్కడే థియేటర్లలోకి రప్పించలేడు
‘సినిమాలో పెద్ద హీరో ప్రధాన పాత్రధారిగా ఉన్నంతమాత్రాన ప్రేక్షకుడిని థియేటర్లలోకి రప్పించలేం. కథే సిసలైన హీరో’ అంటోంది కృతి సనన్. -
ఆ అవకాశం ఉంటే చెన్నై వదిలి ఇక్కడే సినిమాలు చేస్తా!
వైవిధ్యభరితమైన థ్రిల్లర్ కథలకు చిరునామాగా నిలుస్తుంటారు విజయ్ ఆంటోని. ఇప్పుడాయన తొలిసారి రొమాంటిక్ జానర్లో ‘లవ్ గురు’ అనే చిత్రం చేశారు. ఆయన స్వయంగా నిర్మించిన ఈ సినిమాని వినాయక్ వైద్యనాథన్ తెరకెక్కించారు. -
ఆ దిగ్గజ నటుడు నాకు ఆరాధ్య దైవంతో సమానం: మురళీ మోహన్
సినీ నటుడు మురళీ మోహన్ తాజాగా ‘ఆలీతో సరదాగా’లో పాల్గొన్నారు. ఆయన జీవితంలోని కొన్ని ఆసక్తికర అంశాలను పంచుకున్నారు. -
ఆ మాటలతోనే స్టార్నయ్యా.. ఇప్పటికీ షాంపూ బాటిల్లో నీళ్లు పోసి వాడుతుంటా!: చిరంజీవి
కెరీర్ పరంగా తాను ఎదుర్కొన్న సవాళ్లు, తన కుటుంబం, పొదుపుపై ఆసక్తికర వ్యాఖ్యలు చేశారు అగ్ర కథానాయకుడు చిరంజీవి (Chiranjeevi). -
చిరంజీవితో ఆ పాటకు డ్యాన్స్ వేయడం కష్టంగా అనిపించింది: రాధ
నటి రాధ ‘ఆలీతో సరదాగా’ కార్యక్రమానికి హాజరయ్యారు. ఆమె కెరీర్కు సంబంధించిన ఆసక్తికర విషయాలు పంచుకున్నారు. -
Prithviraj Sukumaran: అందుకు మలయాళ ఇండస్ట్రీ నాపై అసూయ పడిందేమో: పృథ్వీరాజ్ సుకుమారన్
తన కొత్త సినిమా ‘ఆడుజీవితం’ ప్రచారంలో భాగంగా హైదరాబాద్కు వచ్చారు మలయాళ నటుడు పృథ్వీరాజ్ సుకుమార్. ఆ చిత్రం గురించి పలు విశేషాలు పంచుకున్నారు. -
alitho saradaga: డబ్బులు అడుగుతానేమోనని కొందరు తప్పించుకు తిరిగేవాళ్లు: పుల్లెల గోపీచంద్
ప్రముఖ బ్యాడ్మింటన్ కోచ్ పుల్లెల గోపీచంద్ ఆలీతో సరదాగా కార్యక్రమానికి వచ్చారు. చాముండేశ్వర నాథ్తో కలిసి ఆయన చెప్పిన సంగతులేంటంటే.. -
Anupama Parameswaran: అందుకు బోర్ ఫీలయ్యా.. గ్లామర్ డోస్పై స్పందించిన అనుపమ
సిద్ధు జొన్నలగడ్డ, అనుపమ జంటగా నటించిన చిత్రం ‘టిల్లు స్క్వేర్’. ఈ సినిమా సాంగ్ లాంచ్ ఈవెంట్లో హైదరాబాద్లో జరిగింది. -
Priyadarshi: స్వచ్ఛమైన హాస్యంతో సినిమా ఓ పెద్ద సవాల్
‘‘కథానాయకుడు అనగానే ఒక ప్రత్యేకమైన ఇమేజ్కి పరిమితం చేసినట్టు ఉంటుంది. స్వేచ్ఛగా ఉండలేను. నన్ను నేను ఓ నటుడిగా చూసుకోవడానికే ఇష్టపడతా’’ అన్నారు ప్రియదర్శి. -
Sivaji: ఆలీ అన్నా.. దయచేసి ఎన్నికల్లో పోటీ చేయొద్దు: శివాజీ
ఇప్పటి రోజుల్లో రాజకీయాలు వ్యాపారంగా మారాయన్నారు నటుడు శివాజీ. డబ్బులు ఖర్చుపెట్టడంతోపాటు వివిధ మార్గాల్లో ఆ మొత్తాన్ని తిరిగి లాక్కొనేవారికే పాలిటిక్స్ సెట్ అవుతాయన్నారు. -
Allari Naresh: ‘ఆ ఒక్కటీ అడక్కు’ టైటిల్.. ఆ ఉద్దేశంతో పెట్టలేదు : అల్లరి నరేశ్
నరేశ్ హీరోగా రూపొందిన తాజా చిత్రం ‘ఆ ఒక్కటీ అడక్కు’. ఈ సినిమా టీజర్ లాంచ్ ఈవెంట్లో నరేశ్ పాల్గొని సందడి చేశారు. -
Raghu Karumanchi: స్టాక్మార్కెట్.. రూ.కోట్లలో నష్టపోయా: రఘు
ఈటీవీలో ప్రసారమవుతోన్న సెలబ్రిటీ టాక్ షో ‘చెప్పాలని ఉంది’ (Cheppalani Vundi). బాలాదిత్య వ్యాఖ్యాతగా వ్యవహరిస్తోన్న ఈ కార్యక్రమంలో తాజాగా టాలీవుడ్ హాస్యనటుడు రఘు కారుమంచి (Raghu Karumanchi) పాల్గొన్నారు. తన కెరీర్ విశేషాలు పంచుకున్నారు. -
Akash Puri: అప్పటి వరకు నాన్న దర్శకత్వంలో నటించను: ఆకాశ్ పూరి
తన తండ్రి పూరి జగన్నాథ్ దర్శకత్వంలో ప్రస్తుతానికి నటించాలనుకోవడంలేదని నటుడు ఆకాశ్ తెలిపారు. హైదరాబాద్లో నిర్వహించిన ప్రెస్మీట్లో ఆయన మాట్లాడారు. -
Suhaas: రూ.3 కోట్ల రెమ్యూనరేషన్.. సుహాస్ ఏమన్నారంటే!
తాజాగా ‘ప్రసన్నవదనం’ టీజర్ లాంచ్ ఈవెంట్ జరిగింది. ఇందులో సుహాస్ తన రెమ్యూనరేషన్పై స్పందించారు. -
Gopichand: ఆ పిల్లల చదువుకు సాయం చేస్తున్నా.. చెప్పకపోవడానికి కారణమదే: గోపీచంద్
ప్రముఖ హాస్యనటుడు ఆలీ వ్యాఖ్యాతగా ఈటీవీ వేదికపై విశేష ఆదరణ సొంతం చేసుకున్న సెలబ్రిటీ టాక్ షో ‘ఆలీతో సరదాగా’ (Alitho Saradaga). ఈ షో సెకండ్ సీజన్ తాజాగా మొదలైంది. తొలి ఎపిసోడ్కు గోపీచంద్ (Gopichand) అతిథిగా విచ్చేశారు. -
Gopichand: భీమా ప్రేక్షకుల మదిలో నిలిచిపోయే పాత్ర: గోపీచంద్
భీమా ప్రమోషన్స్లో భాగంగా హీరో గోపీచంద్ ఇటీవల ఓ ఇంటర్వ్యూలో మాట్లాడారు. -
మూఢ నమ్మకాలు లేని దెయ్యం సినిమా ‘వళరి’
‘హారర్ సినిమాల సంఖ్య తగ్గుతున్న సమయంలో.. ఆ లోటును ‘వళరి’ చిత్రం తీర్చేయడానికి త్వరలో రాబోతుంది’ అంటున్నారు దర్శకురాలు మ్రితికా సంతోషిణి. దర్శకురాలిగా ఆమె రూపొందించిన తొలి చిత్రమిది. రితికా సింగ్, శ్రీరామ్ ప్రధాన పాత్రల్లో నటించారు.
తాజా వార్తలు (Latest News)
-
తిరుపతిలో తెదేపా కార్యకర్తలపై వైకాపా శ్రేణుల రాళ్ల దాడి.. ఉద్రిక్తత
-
అదేం కొట్టుడు.. పంత్ నువ్వేనా క్రికెట్కు ఏడాదిన్నర దూరమైంది?
-
అభిమాన హీరోను కొట్టాలంటే భయమేసింది: మృణాల్ ఠాకూర్
-
ఈనాడు.నెట్లో టాప్ 10 వార్తలు @ 1 PM
-
కోటక్ బ్యాంకు షేరు ఢమాల్.. రూ.37,500 కోట్ల సంపద ఆవిరి!
-
కొండచరియల బీభత్సం.. చైనా సరిహద్దుల్లోని జిల్లాకు దేశంతో సంబంధాలు కట్