Suriya: సూర్య ‘ఈటీ’.. కొత్త విడుదల తేదీ ఇదే!

ఇంటర్నెట్‌ డెస్క్‌: కోలీవుడ్‌ ప్రముఖ నటుడు సూర్య హీరోగా రూపొందిన యాక్షన్‌- థ్రిల్లర్‌ చిత్రం ‘ఈటీ’ (ఎతర్‌క్కుమ్‌ తునిందవన్). పాండిరాజ్‌ దర్శకుడు. ఈ సినిమా కొత్త విడుదల తేదీని చిత్ర బృందం సోషల్‌ మీడియా వేదికగా ప్రకటించింది. మార్చి 10న ఈ సినిమా ప్రేక్షకుల ముందుకురానుంది. సన్‌ పిక్చర్స్‌ నిర్మించిన ఈ సినిమాలో సూర్య సరసన ప్రియాంక అరుళ్‌ మోహన్‌ నటించింది. వినయ్‌రామ్‌, సత్యరాజ్‌, జయప్రకాశ్‌ తదితరులు కీలక పాత్రలు పోషించారు. డి. ఇమ్మాన్‌ సంగీతం అందించారు. తమిళం, తెలుగు, హిందీ, మలయాళం, కన్నడ భాషల్లో ఈ సినిమా సందడి చేయనుంది. ఈ చిత్రాన్ని ఫిబ్రవరి 4న విడుదల చేస్తున్నట్టు ఇటీవల ప్రకటించిన చిత్ర బృందం అనివార్య కారణాలతో వాయిదా వేసింది.