Suriya: సూర్య ‘ఈ.టి.’ టీజర్‌ అదుర్స్‌.. మనల్ని ఎవరూ ఏమీ చేయలేరు

హైదరాబాద్‌: ‘ఆకాశమే హద్దురా’, ‘జై భీమ్‌’ చిత్రాలతో ఓటీటీ వేదికగా వరుస విజయాలు అందుకున్నారు కథానాయకుడు సూర్య. ఇప్పుడు ‘ఈటి’తో వెండితెరపై సందడి చేసేందుకు సిద్ధమవుతున్నారు. పాండిరాజ్‌ తెరకెక్కిస్తున్న పాన్‌ ఇండియా చిత్రమిది. సన్‌ పిక్చర్స్‌ సంస్థ నిర్మిస్తోంది. శనివారం ఈ చిత్ర తెలుగు టీజర్‌ను విడుదల చేశారు. సూర్య నుంచి ఆశించే అన్ని రకాల మాస్‌ అంశాలతో సినిమాను తీర్చిదిద్దినట్లు టీజర్‌ చూస్తే అర్థమవుతోంది. ‘నాతో ఉన్న వాళ్లు ఎవరూ భయపడాల్సిన అవసరం లేదు’ అంటూ సూర్య చెబుతున్న సంభాషణలు అలరిస్తున్నాయి. మార్చి 10న ప్రపంచవ్యాప్తంగా ఈ సినిమాను ప్రేక్షకుల ముందుకు తీసుకురానున్నారు. సూర్యకు జోడీగా ప్రియాంక అరుళ్‌ మోహన్‌ నటిస్తోంది. వినయ్‌రామ్‌, సత్యరాజ్‌, జయప్రకాశ్‌ కీలక పాత్రలు పోషిస్తున్నారు. డి.ఇమ్మాన్‌ స్వరాలందిస్తున్నారు.