Suriya: ఆరోజే పేరు విడుదల

సూర్య (Suriya) కథానాయకుడిగా శివ దర్శకత్వంలో ఓ బహుభాషా చిత్రం రూపొందుతోంది. యువీ క్రియేషన్స్‌, స్టూడియో గ్రీన్‌ సంస్థలు సంయుక్తంగా నిర్మిస్తున్నాయి. దిశా పటానీ కథానాయిక. ఈ చిత్ర టైటిల్‌, విడుదల తేదీ ప్రకటనకు ముహూర్తం ఖరారైంది. ఈ విశేషాల్ని ఈనెల 16న అధికారికంగా వెల్లడించనున్నట్లు చిత్ర బృందం గురువారం అధికారికంగా ప్రకటించింది. విభిన్నమైన యాక్షన్‌ కథాంశంతో ఓ భారీ పీరియాడికల్‌ డ్రామాగా ముస్తాబవుతున్న చిత్రమిది. భారీ బడ్జెట్‌తో త్రీడీలో తెరకెక్కిస్తున్న ఈ సినిమాని పది భాషల్లో ప్రేక్షకుల ముందుకు తీసుకురానున్నారు. ఈ చిత్రానికి దేవిశ్రీ ప్రసాద్‌ స్వరాలందిస్తున్నారు.

టైటిల్‌ లీక్‌ అయ్యిందా?

తాజాగా ఈ సినిమాకు ‘అగ్నీశ్వరన్‌’ అనే పేరు అనుకుంటున్నారని, టైటిల్‌ లీక్‌ అయ్యింది అంటూ సోషల్‌ మీడియాలో హడావిడి మొదలైంది. మరి నిజంగానే చిత్రబృందం ఈ పేరు పెట్టనుందా? అభిమానులు సృష్టించిన టైటిలా అనేది తెలియాల్సి ఉంది.