హైదరాబాద్‌లో సుశాంత్‌ అభిమానుల ఆందోళన

హైదరాబాద్‌: బాలీవుడ్‌ కథానాయకుడు సుశాంత్‌సింగ్‌ రాజ్‌పూత్‌కు న్యాయం జరగాలని డిమాండ్‌ చేస్తూ హైదరాబాద్‌లోని పలువురు అభిమానులు ఇందిరాపార్క్‌ ధర్నాచౌక్‌లో ఆందోళన చేపట్టారు. రాజ్‌పూత్‌ ఆత్మహత్య చేసుకోలేదని, హత్య చేశారని ఆరోపించారు. ఈ కేసులో సీబీఐ విచారణ జాప్యం జరుగుతుందని విమర్శించారు. సుశాంత్‌సింగ్‌ కేసులో నిజాలు వెలికి తీస్తున్న జర్నలిస్టు అర్నబ్‌ గోస్వామిని అక్రమంగా అరెస్టు చేసి జైలుకు పంపారని ఆరోపించారు. వెంటనే అక్రమ కేసులు ఎత్తివేసి అర్నబ్‌ను విడుదల చేయడంతో పాటు సుశాంత్‌ సింగ్‌ కేసులో న్యాయం గెలవాలంటూ నినదించారు.