Tabu: లేడీ బాస్‌ టబు

‘దృశ్యం 2’తో ఇటీవలే మంచి విజయాన్ని అందుకున్నారు అజయ్‌దేవ్‌గణ్‌ (Ajay Devgn), టబు (Tabu). ఇప్పుడు తాజాగా ఈ ఇద్దరూ కలిసి నటిస్తున్న మరో చిత్రం ‘భోలా’ (Bholaa). విజయం సాధించిన కార్తి ‘ఖైదీ’ చిత్రానికి హిందీ రీమేక్‌ ఇది. ఈ చిత్రంలో టబు పోలీస్‌ అధికారిగా నటించారు. ఇందులో ఆమె పాత్ర చాలా శక్తిమంతంగా ఉంటుందని చిత్రబృందం చెబుతోంది. తాజాగా ఈ చిత్రంలో టబుకు సంబంధించిన లుక్‌ను అజయ్‌దేవ్‌గణ్‌ పంచుకున్నారు. ‘ఏక్‌ ఖాకీ..సౌ సైతాన్‌’ అని వ్యాఖ్యను పోస్ట్‌ చేశారు. లేడీ బాస్‌ వచ్చిందంటూ నెటిజన్లు స్పందిస్తున్నారు. అజయ్‌దేవ్‌గణ్‌ దర్శకత్వం వహించిన ఈ సినిమా చిత్రీకరణ ఇటీవలే పూర్తయింది. అమలా పాల్‌, సంజయ్‌ మిశ్రా తదితరులు ఇతర కీలక పాత్రల్లో నటిస్తున్న ఈ చిత్రాన్ని త్రీడీలో మార్చి 30న విడుదల చేయనున్నారు.