కాబోయే సతీమణిని పరిచయం చేసిన యువ నటుడు

కోలీవుడ్‌ యువ నటుడు హరీశ్‌ కల్యాణ్‌ (Harish kalyan) తన అభిమానులకు శుభవార్త చెప్పారు. తాను త్వరలో పెళ్లి పీటలెక్కనున్నట్లు తెలిపారు.

Published : 06 Oct 2022 09:12 IST

చెన్నై: కోలీవుడ్‌ యువ నటుడు హరీశ్‌ కల్యాణ్‌ (Harish kalyan) తన అభిమానులకు శుభవార్త చెప్పారు. తాను త్వరలో పెళ్లి పీటలెక్కనున్నట్లు తెలిపారు. దసరా పర్వదినాన్ని పురస్కరించుకొని తనకు కాబోయే సతీమణిని పరిచయం చేశారు. ‘‘నటుడిగా నా కెరీర్‌ మొదలైన నాటి నుంచి మీరు నన్నెంతో సపోర్ట్‌ చేశారు. నాపై ప్రేమాభిమానాలు కనబరిచి నన్ను ఈస్థాయికి చేర్చారు.  ఇప్పుడు నా జీవితంలో కొత్త ప్రయాణాన్ని ప్రారంభిస్తున్నా. ఈ విషయాన్ని మీ అందరికీ తెలియజేయడం ఆనందంగా ఉంది. నర్మదా ఉదయ్‌కుమార్‌తో త్వరలో ఏడడుగుల బంధంలోకి అడుగుపెడుతున్నాను. మా జంటకు మీ ఆశీస్సులు మెండుగా ఉండాలని కోరుకుంటున్నాను’’ అని హరీశ్‌ పేర్కొన్నారు. నర్మదతో దిగిన పలు ఫొటోలను ఆయన సోషల్‌మీడియా వేదికగా షేర్‌ చేశారు. దీంతో అభిమానులు, సినీ సెలబ్రిటీలు ఆయనకు శుభాకాంక్షలు తెలుపుతున్నారు.

హరీశ్‌ ‘సింధు సమవేలి’తో నటుడిగా ఇండస్ట్రీకి పరిచయమయ్యారు. ఈ సినిమాలో ఆయన నటనకు మంచి మార్కులు పడ్డాయి. అనంతరం ఆయన పలు యాక్షన్‌, యూత్‌ఫుల్‌ లవ్‌ ఎంటర్‌టైనర్స్‌లో నటించారు. ‘ప్యార్‌ ప్రేమ కాదల్‌’, ‘ఇస్పడే రాజవుం ఇధయ రాణియుం’ చిత్రాలు ఆయనకు మంచి గుర్తింపు తెచ్చిపెట్టాయి. తెలుగులో తెరకెక్కిన ‘కాదలి’లో హరీశ్‌ హీరోగా నటించారు. ‘జెర్సీ’లో యంగ్‌ నాని లుక్‌లోనూ ఆయన కనిపించి మెప్పించారు.


Read latest Movies News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని