Gopichand: మరో కథ సిద్ధం

‘పక్కా కమర్షియల్‌’ సినిమాని పూర్తి చేసిన కథానాయకుడు గోపీచంద్‌... ప్రస్తుతం శ్రీవాస్‌ దర్శకత్వంలో తెరకెక్కుతున్న సినిమాతో బిజీగా గడుపుతున్నారు. ఆ తర్వాత చేయనున్న సినిమా కోసమూ కథ సిద్ధమైనట్టు తెలుస్తోంది. తమిళ దర్శకుడు హరి... గోపీచంద్‌ కోసం ఓ కథని సిద్ధం చేసినట్టు సమాచారం. దాని గురించి ఇద్దరి మధ్య కథా చర్చలు జరుగుతున్నట్టు తెలిసింది. అన్నీ కుదిరితే ఈ కలయికలో సినిమా ఖాయమయ్యే అవకాశాలు ఉన్నాయి. తమిళంతోపాటు, తెలుగులోనూ విజయవంతమైన ‘సింగం’ సినిమాల్ని తెరకెక్కించిన దర్శకుడే హరి. గోపీచంద్‌ యాక్షన్‌ చిత్రాలకి తగ్గ కథానాయకుడే. కథపై ఇద్దరి అభిప్రాయాలు కుదిరితే ఈ కలయికలో సినిమా పక్కా అయినట్టే.