Teachers day Special : వెండితెర గురువులు
సెప్టెంబర్ 5న ఉపాధ్యాయుల దినోత్సవం. ఈ సందర్భంగా వెండితెర గురువులపై ప్రత్యేక కథనం.
గురువులు పాఠాలు చెప్పడంతోనే ఆగిపోరు. విద్యార్థులతో మమేకమై ఓ జీవన విధానాన్ని ఏర్పరుచుకుంటారు. శిష్యుల ఉన్నతిలోనే తాము ఎదిగినట్లు భావిస్తారు. అక్షరాలు నేర్పించి, లోకమంటే ఏంటో చూపించే గురువులో ఎన్నో భిన్నమైన కోణాలుంటాయి. విద్యార్థులతో అల్లరి చేస్తారు. కష్టనష్టాల్లో పాలు పంచుకుంటారు. ఓడిపోతుంటే గెలిచే శక్తిని, యుక్తిని నూరిపోస్తారు. ఇలా గురువుల జీవితాల్లో ఉండే భిన్నమైన కోణాలను స్పృశిస్తూ టాలీవుడ్లో ఎన్నో పాత్రలొచ్చాయి. సెప్టెంబర్ 5న ఉపాధ్యాయుల దినోత్సవం. ఈ సందర్భంగా వెండితెర గురువులపై ప్రత్యేక కథనం..
నీతి, నిజాయతీలకు నిలువుటద్దం
తెలుగులో క్లాసిక్ చిత్రంగా నిలిచిన చిత్రం బడిపంతులు. పాఠాలు చెప్పే ఉపాధ్యాయుల జీవితానికి అద్దం పడుతుందీ సినిమా. ఇందులో సీనియర్ ఎన్టీఆర్ స్కూల్ టీచర్గా చేశారు. ఓ గురువు విలువలతో కూడిన జీవితాన్ని ఎలా కొనసాగించాలో చూపించిన సినిమా ఇది. బళ్లో విద్యార్థులకు పాఠాలు చెబుతున్నప్పుడు, చేసిన తప్పులు సరిచేస్తూ వ్యక్తిత్వాలను తీర్చిదిద్దుతున్నప్పుడు ఆయన వ్యవహరించే తీరు చాలా హుందాగా ఉంటుంది. పంతులుగా పదవీ విరమణ తీసుకున్న తర్వాత జీవితంలో ఏర్పడే విషాదం, నిర్లిప్తతలను అద్భుతంగా చూపిస్తారు సినిమాలో. క్లైమాక్స్లో వేలానికి వెళ్లిన బడిపంతులు ఇంటిని ఆయన శిష్యుడే కొనుగోలు చూసి తిరిగి అప్పగించడం హైలైట్గా నిలుస్తుంది. గురుశిష్యుల మధ్య ఉండే అనుబంధాన్ని అద్భుతంగా చూపించిన సినిమా ఇది.
దారితప్పనివ్వని నైజం
శిష్యులు దారి తప్పుతుంటే వారిని సక్రమమైన మార్గంలో నడిచేందుకు శతవిధాలా ప్రయత్నిస్తాడు గురువు. సుందరకాండ సినిమాలో వెంకటేశ్ నటించిన పాత్ర అలాంటిదే. తను చదివిన కళాశాలలోనే పాఠాలు చెప్పేందుకు వస్తాడు వెంకటేశ్వర్లు. గురువుపైనే ఆకర్షణకులోనై ప్రేమలో పడుతుంది ఓ శిష్యురాలు. ఆమెను మార్చి ఎలా కనువిప్పు కలిగించాడనే కథతో తెరకెక్కిన సినిమా సూపర్ హిట్గా నిలిచింది. గురువు ఎంత పవిత్రంగా ఉండాలో చూపించే సినిమా ఇది.
పరివర్తన కోసం ప్రయత్నం
విద్యార్థులు ఎలాంటివారైనా వారిలో పరివర్తన తీసుకొచ్చే శక్తి గురువుకే సాధ్యమతుందని నిరూపించాడు మాస్టర్. కాలేజీ గొడవలు, కుర్రాళ్ల అల్లరితో అస్తవ్యస్తంగా ఉన్న కళాశాలను తనదైన శైలిలో మార్పుతీసుకొచ్చే ‘మాస్టర్’గా చిరంజీవి ఇందులో కనిపించారు. కనిపించారు అనేకంటే జీవించారు అనడం ఉత్తమం. శిష్యులను సరైన దారిలో నడిపించి ప్రయోజకులు అయ్యేలా ప్రోత్సహించే పాత్రలో ఆయన ఒదిగిపోయారు. నిజ జీవితంలోని విద్యార్థులు ఇలాంటి మాస్టరు మాకుంటే బాగుండు అనుకునే పాత్రల్లో ఇదొకటి.
ఓడిపోనివ్వని స్ఫూర్తి
శిష్యుల విజయాల్లోనే ఆనందాన్ని వెతుక్కొని సంతృప్తిపొందుతారు గురువులు. రాజమౌళి తెరకెక్కించిన ‘సై’ చిత్రంలో రగ్బీ పోటీ జరుగుతుంది. ఆట సగంలోనే జట్టుకు ఓటమి భయం పట్టుకుంటుంది. దారుణంగా విఫలమయ్యామనే భావనలో ఉంటారు జట్టు సభ్యులు. ప్రత్యర్థి జట్టు బలంగా, భయంకరంగా కనిపిస్తూ ఉంటుంది. గెలుపు మీద ఏమాత్రం ఆశల్లేని వారిని తన మాటలతో స్ఫూర్తిని రగిలిస్తాడు ఆ జట్టు శిక్షకుడు. ఈ పాత్రను రాజీవ్ కనకాల అద్భుతంగా పోషించారు. కోచ్ అంటే ఇలా ఉండాలనే విధంగా ప్రేక్షకుల్లో బలంగా ముద్రేసిన చిత్రమిది. ఇలాంటి పాత్రనే సుమంత్ కూడా పోషించారు. ‘గోల్కొండ హైస్కూల్’లో క్రికెట్ కోచ్గా నటించి మెప్పించారు. చెక్ దే ఇండియాలో షారుక్, బిగిల్ లో విజయ్ది అదే దారి.
సమాజ నిర్మాణంలోనూ భాగం
సమాజంలో జరుగుతున్న అన్యాయాలను ప్రశ్నించే లెక్చరర్గా విజయశాంతి ప్రతిఘటనలో అద్భుతంగా నటించారు. స్త్రీల ఔన్నత్యాన్ని, వారిపై జరుగుతున్న దౌర్జన్యాలపైనా గొంతెత్తుందీ పాత్ర. సమాజ నిర్మాణంలో గురువుల బాధ్యత ఉందని చూపించిన ప్రతిఘటన సినిమా సూపర్హిట్గా నిలిచింది. ఇందులోనే ఓ పాట ద్వారా స్త్రీలపై జరుగుతున్న అకృత్యాలను లెక్చరర్గా విద్యార్థులకు చెప్పే ప్రయత్నం చేశారు విజయయశాంతి. మళ్లీ చాన్నాళ్ల తర్వాత మహేశ్బాబు ‘సరిలేరు నీకెవ్వరు’ చిత్రంలోనూ లెక్చరర్గా విజయశాంతి మెప్పించారు.
జీవిత సత్యాలను విడమర్చి
జీవితాన్నెప్పుడూ భిన్నమైన కోణంలో చూడాలని రావు రమేశ్ ‘కొత్తబంగారు లోకం’లో తన విద్యార్థులకు హితబోధ చేస్తాడు. ప్రేమ, ఆకర్షణ, జీవితాలపై తన శిష్యులకు స్పష్టమైన అవగాహన కల్పిస్తాడు. హీరో జీవితం సందిగ్ధంలో పడినపోయినప్పుడు కూడా ముందుకు కదిలే ప్రోత్సాహించి గెలిచేలా చేస్తాడు. రావు రమేశ్ పోషించిన ఈ పాత్ర కూడా తెలుగు తెరపై గుర్తుండిపోయేదే.
ఊరికోసం ఓనమాలు
రాజేంద్రప్రసాద్ హీరోగా క్రాంతిమాధవ్ తీసిన సినిమా ‘ఓనమాలు’. ఇందులో రాజేంద్రప్రసాద్ పదవీ విరమణ తీసుకున్న స్కూల్ మాస్టారుగా చక్కని పాత్ర పోషించారు. అమెరికా నుంచి తిరిగొచ్చాక ఊళ్లో పరిస్థితులు చూసి చలించిపోతాడాయన. ఎలాగైనా అక్కడి మార్పు తేవాలనుకుంటాడు. అలా ఊరి బాగు కోసం ఆయన కృషి చేసే తీరు ఆకట్టుకుంటుది. పాఠాలు బోధించే గురువుకు పదవీ విరమణ అంటూ ఉండదని, సమాజానికి ఇలా ఏదో విధంగా సాయపడొచ్చని చూపించిన సినిమా ‘ఓనమాలు’.
విద్యార్థులతో వ్యవస్థ
‘మాస్టరు’లో అధ్యాపకుడి పాత్రను పోషించిన మెగాస్టార్, అలాంటిదే మరో పవర్ఫుల్ పాత్రను ‘ఠాగూర్’లో చేశారు. తన దగ్గర చదువుకున్న విద్యార్థులతోనే అవినీతి అంతం చేసేందుకు భారీ వ్యవస్థనే ఏర్పాటు చేస్తారాయన. విద్యార్థుల శక్తేంటో ఓ మాస్టారు చూపించిన ఈ సినిమా తెలుగులో ప్రభంజనం సృష్టించిన విషయం తెలిసిందే. ఆయన మరోసారి ఉపాధ్యాయుడి అవతారం ఎత్తనున్నారు. కొరటాల శివ దర్శకత్వంలో వస్తున్న ‘ఆచార్య’లోనూ మళ్లీ తెరపై పాఠాలు, గుణ పాఠాలు బోధించనున్నారాయన.
మరిచిపోలేని మరికొన్ని
‘గీతా గోవిందం’ సినిమాలో విజయ్దేవరకొండది అధ్యాపక వృత్తే. అనువాద చిత్రమైన తెలుగునాట భారీ వసూళ్లు సాధించిన ‘మాస్టర్’లో విజయ్ది కూడా పాఠాలు చెప్పే టీచర్పాత్రే. ‘గురు’ సినిమాలో బాక్సింగ్ కోచ్గా వెంకటేశ్, ‘సింహా’లో బాలకృష్ణ గురువులుగా నటించి ఆదరగొట్టారు. ‘మిరపకాయ్’లో రవితేజ హిందీ టీచర్గా చేసిన అల్లరి తెలిసిందే. కమలినీ ముఖర్జీ, శ్రుతి హాసన్, ఆసిన్, ఇలియానా లాంటి హీరోయిన్లు కూడా టీచర్లుగా చేసి మెప్పించారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
‘యానిమల్’ టూ రామాయణ’.. రణబీర్ ట్రాన్స్ఫర్మేషన్ షేర్ చేసిన ట్రైనర్
‘రామాయణ’ కోసం రణ్బీర్ సిద్ధమవుతున్నారు. ఆ ఫొటోలను ఆయన జిమ్ ట్రైనర్ పోస్ట్ చేశారు. -
ఆ ఒక్క సాంగ్ చేయలేకపోతే ఇండస్ట్రీని వదిలేద్దామనుకొన్నా: సోనాలి బింద్రే
తాజాగా ఓ ఇంటర్వ్యూలో పాల్గొన్న సోనాలి తన కెరీర్ తొలినాళ్లను గుర్తుచేసుకున్నారు. -
పుష్ప పుష్ప పుష్పరాజ్
‘పుష్ప2’ ప్రచార హంగామా ఊపందుకోనుంది. మే 1న తొలి పాటని విడుదల చేస్తున్నట్టు బుధవారం చిత్రబృందం ప్రకటించింది. ‘పుష్ప పుష్ప పుష్పరాజ్...’ అంటూ సాగే ఆ పాట ప్రోమోని విడుదల చేశారు. -
సర్దార్ 2 సన్నాహాలు
కార్తి.. పోలీసు అధికారిగా, రా ఏజెంటుగా తన నటనతో ప్రేక్షకులను ఆకట్టుకున్న చిత్రం ‘సర్దార్’. పీఎస్ మిత్రన్ తెరకెక్కించారు. దీనికి కొనసాగింపుగా ‘సర్దార్ 2’ రూపొందుతున్న సంగతి తెలిసిందే. -
రామోజీ ఫిల్మ్సిటీలో తమ్ముడు
నితిన్ కథానాయకుడిగా శ్రీ వెంకటేశ్వర క్రియేషన్స్ పతాకంపై తెరకెక్కుతున్న చిత్రం ‘తమ్ముడు’. సప్తమిగౌడ కథానాయిక. శ్రీరామ్ వేణు దర్శకత్వం వహిస్తున్నారు. దిల్ రాజు, శిరీష్ నిర్మాతలు. -
ఒక నటికి ఇంతకంటే ఏం కావాలి?
‘‘ప్రేక్షకుడికి ఒక మంచి సినిమాని ఇవ్వాలనే ఆలోచన తప్ప మిగతా ఏ రకమైన ఒత్తిడీ నాపైన ఉండదు. తెలుగు సినిమా.. నటిగా నాకు రెండో జీవితాన్నిచ్చింది. తెలుగు ప్రేక్షకులు నన్ను వాళ్ల సొంతం చేసుకున్నారు. -
గ్రామీణ ప్రేమకథ
పృథ్వీ కథానాయకుడిగా పాలిక్ శ్రీను దర్శకత్వంలో ఓ చిత్రం తెరకెక్కుతోంది. అంబిక, రూపాలి కథానాయికలు. దుర్గం రాజేశ్, రావుల రమేశ్, టి.ఎస్.రాజు సంయుక్తంగా నిర్మిస్తున్నారు. -
కనులెందుకో కలిసేనులే...
సుధీర్బాబు కథానాయకుడిగా తెరకెక్కుతున్న చిత్రం ‘హరోం హర’. ది రివోల్ట్.. అనేది ఉపశీర్షిక. మాళవిక శర్మ కథానాయిక. జ్ఞానసాగర్ ద్వారక దర్శకత్వం వహిస్తున్నారు. సుమంత్.జి నాయుడు నిర్మాత. -
ప్రేమిస్తే.. పూర్తిగా నమ్మేస్తా!
దాదాపు మూడేళ్ల విరామం తర్వాత ‘దో ఔర్ దో ప్యార్’తో ప్రేక్షకుల ముందుకొచ్చింది ఇలియానా. ‘దేవదాసు’లో భానుమతిగా తెలుగు ప్రేక్షకులకు ఎప్పుడో దగ్గరైన తను.. ఈ చిత్రంలో నటనకు మంచి మార్కులే కొట్టేసింది. -
యాక్షన్ రుచి చూపించే.. బేబీ జాన్
‘బేబీ జాన్’గా ప్రత్యర్థులకు తన యాక్షన్ రుచి చూపించేందుకు సిద్ధమవుతున్నాడు బాలీవుడ్ కథానాయకుడు వరుణ్ ధావన్. కాలీస్ దర్శకత్వంలో యాక్షన్ ఎంటర్టైనర్గా తెరకెక్కుతున్న చిత్రమే ‘బేబీ జాన్’. -
ఇది నా అదృష్టం: అమితాబ్
ప్రఖ్యాత గాయని లతా మంగేష్కర్ పేరుతో ఏర్పాటు చేసిన లతా దీనానాథ్ మంగేష్కర్ పురస్కారాన్ని బాలీవుడ్ నటుడు అమితాబ్ బచ్చన్ బుధవారం స్వీకరించారు. 2022లో మరణించిన లత జ్ఞాపకార్థం ఈ పురస్కారాన్ని ఏర్పాటు చేశారు. -
ఉత్తమ దర్శకుడు.. కరణ్ జోహార్
దర్శకనిర్మాత కరణ్జోహార్ ఈ ఏడాది మేటి దర్శకుడి పురస్కారానికి ఎంపికయ్యారు. బుధవారం దిల్లీలో.. ఆల్ ఇండియా మేనేజ్మెంట్ అసోసియేషన్ (ఏఐఎంఏ) ఆధ్వర్యంలో నిర్వహించిన తొమ్మిదో లీడర్షిప్ కాన్క్లేవ్లో భారత ఉపరాష్ట్రపతి... -
ఎన్నికల బరిలో ‘పొలిమేర’ నటి..
‘పొలిమేర’ నటి స్వతంత్ర అభ్యర్థిగా ఎన్నికల్లో పోటీ చేయనున్నారు. -
‘నో యాడ్స్..’ ఇక కేవలం సినిమాలే!: పీవీఆర్ ఐనాక్స్ నిర్ణయం
పీవీఆర్ ఐనాక్స్ సంస్థ కీలక నిర్ణయం తీసుకుంది. ‘యాడ్ ఫ్రీ’ విధానంలో సినిమాలు ప్రదర్శించనున్నట్లు తెలిపింది. -
వెరైటీ డ్రెస్సులో అదాశర్మ పోజులు.. మెహందీతో మేఘా ఆకాశ్
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ..
తాజా వార్తలు (Latest News)
-
ఈనాడు.నెట్లో టాప్ 10 వార్తలు @ 1 PM
-
కోటక్ బ్యాంకు షేరు ఢమాల్.. రూ.37,500 కోట్ల సంపద ఆవిరి!
-
కొండచరియల బీభత్సం.. చైనా సరిహద్దుల్లోని జిల్లాకు దేశంతో సంబంధాలు కట్
-
ఆడి కార్ల ధర పెంపు.. ఎప్పటి నుంచంటే?
-
కేంద్రమంత్రి ఆడియో క్లిప్ లీక్ చేయమన్నారు: రాజస్థాన్ మాజీ సీఎం గహ్లోత్పై ఆరోపణలు
-
ఫోన్ ట్యాపింగ్ కేసులో కీలక పరిణామం.. నిందితులపై సైబర్ టెర్రరిజం సెక్షన్లు