Tees Maar Khan: ‘తీస్‌ మార్‌ ఖాన్‌’ పవర్‌ ఎంతంటే?

‘తుపాకీ పట్టుకున్నాక కూడా పోలీసు అని నమ్మరా?’ అని ప్రశ్నిస్తున్నాడు ఆది సాయికుమార్‌. ఆయన ఎందుకలా అనాల్సి వచ్చిందో తెలియాలంటే ‘తీస్‌ మార్‌ ఖాన్‌’ చిత్రం చూడాల్సిందే. కల్యాణ్‌ జి. గోగణ తెరకెక్కిస్తున్న ఈ సినిమా టీజర్‌ను శనివారం విడుదల చేశారు. నాగం తిరుపతి రెడ్డి నిర్మిస్తున్న ఈ చిత్రం యాక్షన్‌ ఎంటర్‌టైనర్‌గా రూపొందుతోంది. ‘మా అన్న ఏమయ్యాడో.. అంటూ మొదలయ్యే టీజర్లో... మనం ఆపలేనంత పవర్‌ వాడిదగ్గర ఉంది’ అనే ఆసక్తికర డైలాగులతో సాగింది. ఇందులో ఆది విద్యార్థి, రౌడీ, పోలీస్‌...గా కనిపించనున్నారు. పాయల్‌ రాజ్‌పూత్‌ కథానాయికగా నటిస్తున్న ఈ చిత్రంలో సునీల్‌, పూర్ణ తదితరులు ఇతర పాత్రలు పోషిస్తున్నారు. దీనికి సంగీతం: సాయి కార్తీక్‌, ఛాయాగ్రహణం: బాల్‌రెడ్డి.