Tees Maar Khan: పవర్‌ఫుల్‌గా ‘తీస్‌ మార్‌ ఖాన్‌’ ట్రైలర్‌.. విభిన్న లుక్స్‌తో ఆది

ఇంటర్నెట్ డెస్క్‌: స్టూడెంట్‌, రౌడీ, పోలీస్‌.. ఈ మూడు విభిన్న పాత్రల్లో ఆది (Aadi) నటించిన చిత్రం ‘తీస్‌ మార్‌ ఖాన్‌’ (Tees Maar Khan). కల్యాణ్‌జీ గొగన దర్శకత్వం వహించారు. ఈ సినిమా ఆగస్టు 19న ప్రేక్షకుల ముందుకు రానుంది. ఈ సందర్భంగా చిత్ర బృందం ట్రైలర్‌ను విడుదల చేసింది. ‘మా అమ్మని తప్పుగా చూశారు. మా అమ్మ జోలికొస్తే ఎవరినైనా కొడతా’ అంటూ హీరో చిన్నప్పటి పాత్రతో ప్రారంభమైన ట్రైలర్‌ ఆద్యంతం పవర్‌ఫుల్‌గా సాగింది. విలన్‌, హీరో మధ్య సాగే సన్నివేశాలు చూస్తుంటే ఈ సినిమా పూర్తి స్థాయిలో మాస్‌ నేపథ్యంలో తెరకెక్కిందని అర్థమవుతోంది. ఆది లుక్స్‌, చెప్పిన సంభాషణలు అందరినీ ఆకట్టుకునేలా ఉన్నాయి. ఈ చిత్రంలో ఆది సరసన పాయల్‌ రాజ్‌పుత్ నటించింది. సునీల్‌, పూర్ణ, కబీర్‌ సింగ్‌, అనూప్‌ సింగ్‌ ఠాకూర్‌ తదితరులు కీలక పాత్రలు పోషించారు.