Ishq movie review: ఇష్క్ మూవీ రివ్యూ
Ishq movie review: తేజ, ప్రియా ప్రకాష్ వారియర్ జంటగా నటించిన ‘ఇష్క్’ మూవీ ఎలా ఉందంటే?
చిత్రం: ఇష్క్-నాట్ ఎ లవ్ స్టోరీ; నటీనటులు: తేజ సజ్జా, ప్రియా ప్రకాష్ వారియర్, రవీందర్ తదితరులు; సంగీతం: మహతి స్వర సాగర్; ఛాయాగ్రహణం: శ్యామ్ కె.నాయుడు; కూర్పు: ఎ.వరప్రసాద్; నిర్మాతలు: ఎన్వీ ప్రసాద్, పరాస్ జైన్, వాకాడ అంజన్ కుమార్; నిర్మాణ సంస్థ: మెగా సూపర్ గుడ్ ఫిల్మ్స్; దర్శకత్వం: ఎస్.ఎస్.రాజు; విడుదల తేదీ: 30-07-2021
కరోనా రెండో దశ ఉద్ధృతి వల్ల మూడు నెలలుగా చీకట్లు కమ్ముకున్న వెండితెరపై మళ్లీ కొత్త కాంతులు నింపుకొంది. కొత్త పోస్టర్లతో సినీ ప్రియులకు స్వాగతం పలికింది. అలా ఈవారం ప్రేక్షకుల ముందుకొచ్చిన చిత్రాల్లో తేజ సజ్జా ‘ఇష్క్ : నాట్ ఎ లవ్ స్టోరీ’ ఒకటి. ‘జాంబిరెడ్డి’ వంటి హిట్ తర్వాత తేజ నుంచి వస్తున్న సినిమా కావడం.. కొన్నేళ్ల విరామం తర్వాత మెగా సూపర్ గుడ్ ఫిలింస్ సంస్థలో రూపొందిన చిత్రం కావడంతో దీనిపై మంచి అంచనాలు ఏర్పడ్డాయి. దీనికి తగ్గట్లుగానే టీజర్లు, ట్రైలర్లు ఆసక్తికరంగా ఉండటంతో ప్రేక్షకుల్లో అంచనాలు రెట్టింపయ్యాయి. మరి ‘ఇష్క్’ వారి అంచనాలను అందుకుందా? ఈ చిత్రంతో తేజ మరో విజయాన్ని ఖాతాలో వేసుకున్నాడా?
కథేంటంటే: సిద్ధార్థ్ అలియాస్ సిద్ధు (తేజ సజ్జా) విశాఖపట్నంలో ఉండే ఓ మధ్యతరగతి కుర్రాడు. సాఫ్ట్వేర్ ఉద్యోగిగా పనిచేస్తుంటాడు. అనసూయ అలియాస్ అను (ప్రియా ప్రకాష్ వారియర్)తో ప్రేమలో ఉంటాడు. అను పుట్టిన రోజు సందర్భంగా ఆమెకి సర్ప్రైజ్ ఇవ్వడానికి తనతో కలిసి కారులో లాంగ్ డ్రైవ్కి వెళ్తాడు. ఈ ప్రయాణంలో సిద్ధు, అనులు అనుకోని సమస్యలో చిక్కుకుంటారు. కారులో వాళ్లిద్దరూ సన్నిహితంగా ఉన్న ఫొటోలను మాధవ్ (రవీందర్) తన ఫోన్లో బంధించి.. పోలీస్ ఆఫీసర్ అంటూ బ్లాక్ మెయిల్ చేస్తాడు. అను ముందే సిద్ధుని అవమానించడంతో పాటు.. తన అసభ్యకర ప్రవర్తనతో ఆమెని ఇబ్బంది పెడతాడు. కారులోనే ఆమెపై అఘాయిత్యం చేసేందుకు ప్రయత్నిస్తాడు. మరి ఆ తర్వాత ఏమైంది? సిద్ధు, అను అతని బారి నుంచి ఎలా బయటపడతారు? మాధవ్ మీద సిద్ధు ఎలా పగ తీర్చుకుంటాడు? చివరికి ఈ ఇద్దరి ప్రేమ ఏమైంది? తెలియాలంటే సినిమా చూడాల్సిందే!
ఎలా ఉందంటే: ఇదొక విభిన్నమైన రొమాంటిక్ థ్రిల్లర్. మలయాళంలో విజయవంతమైన ‘ఇష్క్’కి రీమేక్గా రూపొందించారు. మలయాళం నుంచి దిగుమతి చేసుకున్న కథ అనగానే కథలో ఎన్ని మలుపులున్నాయో.. ఎలాంటి ట్విస్ట్లుంటాయో అని ఆసక్తి ఏర్పడటం సహజమే. కానీ, ఆ ఆసక్తి సినిమా ప్రారంభమైన పావుగంటకే ఆవిరైపోతుంది. దర్శకుడు మాతృకలోని కథను తెలుగు నేటివిటికి తగ్గట్లుగా కాస్త మార్పులు చేసి యథాతథంగా చూపించే ప్రయత్నం చేశాడు. ప్రేమ జంటలపై పోలీసు పేరుతో నకిలీగాళ్లు దాడులు చేయడం తరచూ చూస్తూనే ఉంటాం. అలాంటి సంఘటనలే ఈ చిత్ర కథకు మూలం. ఆరంభంలో సిద్ధు.. అనుల ప్రేమను పరిచయం చేయడం.. ఓ పాట.. ఆ వెంటనే ఇద్దరూ లాంగ్ డ్రైవ్కి వెళ్లి సమస్యల్లో చిక్కుకోవడం వంటి సన్నివేశాలతో దర్శకుడు కథలోకి తీసుకెళ్లే ప్రయత్నం చేశాడు. సరిగ్గా సిద్ధు, అను సన్నిహితంగా ఉన్న సందర్భంలోనే.. వారి ఫొటోలను ఫోన్లో బంధించి పోలీస్నంటూ మాధవ్ కథలోకి ఎంట్రీ ఇవ్వడంతో సినిమా ఆసక్తికరంగా మారుతుంది. అయితే అక్కడి నుంచే కథలో వేగం మందగిస్తుంది. ఆ ప్రేమ జంట నుంచి డబ్బు లాగడం కోసం పోలీస్లా మాధవ్ చేసే హడావుడి, అతని బారి నుంచి బయటపడటానికి సిద్ధు చేసే ప్రయత్నాలు ఏమాత్రం మెప్పించవు. ఒకానొక సమయంలో హీరో ఓ చేతగాని వ్యక్తిలా కనిపిస్తాడు. దీనికి తోడు కథ మొత్తం ఓ కారు చుట్టూనే తిరుగుతుండటంతో.. కథనం చాలా చప్పగా సాగుతున్నట్లు అనిపిస్తుంది. సరిగ్గా విరామ సమయానికి ముందు మాధవ్ కారులో అనుపై అఘాయిత్యానికి ప్రయత్నించడం.. అనంతరం సిద్ధు డబ్బిచ్చి అతని నుండి బయట పడటంతో కథలో కాస్త కదలిక వస్తుంది.
ఇక ద్వితీయార్ధంలో మాధవ్ పోలీస్ కాదని సిద్ధుకి తెలియడం.. అతనిపై పగ తీర్చుకునేందుకు సిద్ధు నేరుగా వాళ్లింటికి వెళ్లడం తర్వాత ఏం జరగబోతుందన్న ఆసక్తి పెరుగుతుంటుంది. అయితే అతను వాళ్లింటికి వెళ్లాక వచ్చే సన్నివేశాలు మరీ సాగతీతగా అనిపిస్తాయి. మాధవ్ను అతని భార్యాపిల్లల ముందే సిద్ధు కొట్టడం.. తనదైన శైలిలో అతన్ని రివర్స్లో ఆడుకోవడం వంటి సన్నివేశాలు ద్వితీయార్ధానికి కాస్త ఊపు తీసుకొస్తాయి. అయితే అతను తన ప్రేయసిపై ప్రేమతో మాధవ్పై పగ తీర్చుకున్నాడా? లేక ప్రేయసిపై తనకున్న అనుమానాన్ని నివృత్తి చేసుకోవడానికి అలా చేశాడా? అన్నది అర్థం కాకుండా దర్శకుడు ముగింపునిచ్చిన తీరు ప్రేక్షకులకు అంతగా రుచించదు.
ఎవరెలా చేశారంటే: ప్రేమ జంటలపై దాడుల నేపథ్యంతో అల్లుకున్న కథ కొత్తదే అయినా.. దాన్ని ఆసక్తికరంగా చెప్పడంలో దర్శకుడు ఆద్యంతం తడబడ్డారు. ప్రథమార్ధం మరీ నెమ్మదిగా సాగుతూ.. ప్రేక్షకుల సహనానికి పరీక్షలా నిలిచింది. ప్రేయసి ఆపదలో ఉన్నా.. ఏమీ చేయలేని చేతగాని వ్యక్తిలా కథానాయకుడ్ని చూపించిన తీరు ఏమాత్రం రుచించదు. సిద్ధు పాత్రకు తేజ సరిపోయాడు. ప్రథమార్థంలో మాధవ్ను ఎదరించలేక... కసితో తనలో తానే రగిలిపోయే కుర్రాడిగా తేజ పలికించిన హావభావాలు ఆకట్టుకున్నాయి. ముఖ్యంగా ద్వితీయార్ధంలో మాధవ్పై పగ తీర్చుకునే సందర్భంలో తేజ నటన హైలైట్గా నిలుస్తుంది. ఒకానొక దశలో అతని పాత్రలో ప్రతినాయకుడి ఛాయలు కనిపిస్తాయి. ప్రియా ప్రకాష్ వారియర్ ఉన్నంతలో బాగానే కనిపించింది. నటన పరంగా ఆమెకి చేయడానికి పెద్దగా స్కోప్ దొరకలేదు. మాధవ్గా రవీందర్ నటన బాగుంది. ఒకరకంగా సినిమాలో కథానాయకుడి పాత్ర కన్నా అతని పాత్రకే ఎక్కువ మార్కులు పడతాయి. మహతి స్వర సాగర్ నేపథ్య సంగీతం, శ్యామ్ కె.నాయుడు ఛాయాగ్రహణం చిత్రానికి ప్రధాన ఆకర్షణగా నిలిచాయి. మాతృకతో పోల్చితే ఈ సినిమా విషయంలో కాస్త నిడివి తగ్గించడం.. ప్రేక్షకులకు ఊరటనిచ్చే విషయం.
బలాలు
+ కథా నేపథ్యం
+ తేజ నటన, సినిమా నిడివి
బలహీనతలు
- ప్రథమార్ధం
- పతాక సన్నివేశాలు
చివరిగా: ఇష్క్: ఎ బోరింగ్ స్టోరీ
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
‘విక్రమార్కుడు’, ‘బజరంగీ భాయిజాన్’ సీక్వెల్స్ అప్డేట్.. ఎంతవరకు వచ్చాయంటే!
రెండు హిట్ సినిమాల సీక్వెల్స్పై నిర్మాత రాధామోహన్ మాట్లాడారు. వాటి స్క్రిప్ట్ వర్క్ పూర్తయిందన్నారు. -
కావ్య బాధ.. శారీలో లావణ్య, మౌనీరాయ్
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ.. -
నటీనటులకు రవాణా ఖర్చులు ఇవ్వకపోవడం బాధాకరం: మనోజ్ బాజ్పాయ్
‘సైలెన్స్ 2’ ప్రమోషన్లో భాగంగా పాల్గొన్న ఇంటర్వ్యూలో మనోజ్ బాజ్పాయ్ ఆసక్తికర విషయాలు పంచుకున్నారు. -
ఆ దర్శకుడి మూఢనమ్మకం.. 42 రోజులపాటు ఒకే దుస్తులు: విద్యా బాలన్
తన తదుపరి చిత్రం ‘దో ఔర్ దో ప్యార్’ ప్రమోషన్స్లో భాగంగా వరుస ఇంటర్వ్యూల్లో పాల్గొంటున్నారు నటి విద్యాబాలన్ (Vidya Balan). -
రివ్యూ: సైరెన్.. జయం రవి, కీర్తి సురేశ్ యాక్షన్ థ్రిల్లర్ ఎలా ఉంది?
siren movie review: జయం రవి కథానాయకుడిగా ఆంటోనీ భాగ్యరాజా దర్శకత్వంలో వచ్చిన ‘సైరెన్’ మూవీ తెలుగులో మెప్పించిందా? -
మీ ప్రేమ వెలకట్టలేనిది.. ట్రెండింగ్లో ‘మిరాయ్’..
తేజ సజ్జా నటిస్తోన్న తాజా చిత్రం ‘మిరాయ్’. దీని గ్లింప్స్ సోషల్మీడియాలో ట్రెండింగ్లో ఉంది. -
సూపర్హిట్ చిత్రానికి సీక్వెల్ ప్రకటించిన సితార ఎంటర్టైన్మెంట్స్
ఎన్టీఆర్ బామ్మర్ది నార్నే నితిన్ తెరంగేట్రం చేసిన చిత్రం ‘మ్యాడ్’ (MAD). కామెడీ డ్రామాగా తెరకెక్కిన ఈ చిత్రం బాక్సాఫీస్ వద్ద ఘన విజయాన్ని అందుకుంది. -
వాళ్లకు బాలీవుడ్ సేఫ్ కాదు.. ఎందుకంటే: ప్రీతీ జింటా
సినీ నేపథ్యం లేకుండా బాలీవుడ్లో రాణించడం కష్టమని నటి ప్రీతీ జింటా అన్నారు. -
మమ్ముట్టితో విభేదాలు.. స్పందించిన ‘ది వారియర్’ దర్శకుడు
మలయాళీ అగ్ర కథానాయకుడు మమ్ముట్టి (Mammootty)తో నెలకొన్న విభేదాలపై కోలీవుడ్ దర్శకుడు లింగుస్వామి (Lingusamy) స్పందించారు. 23 ఏళ్ల క్రితం ఏం జరిగిందో చెప్పారు. -
పాపం చిరంజీవి వస్తున్నారనుకొని...
అప్పట్లో సినిమా నటులంటే ప్రేక్షకులకు విపరీతమైన అభిమానం. ఒకరకంగా తమ అభిమాన కథానాయకుడిని దైవంతో సమానంగా చూసేవారు. ఎదుటివారు దూషించినా, కనీసం చెడుగా మాట్లాడినా పెద్ద పెద్ద గొడవలే జరిగేవి. -
నా కామెంట్ సెక్షన్లో మీ పంచాయితీ ఏంటి?: రీతూవర్మ
‘డార్లింగ్’ అనే పిలుపు విషయంలో నటుడు ప్రియదర్శి, నటి నభానటేశ్ మధ్య బుధవారం సోషల్ మీడియాలో ఆసక్తికర సంభాషణ జరిగిన విషయం తెలిసిందే. ఇందులో ఇప్పుడు నటి రీతూవర్మ భాగమయ్యారు. -
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
‘టిల్లన్న వచ్చేస్తుండు’.. ఓటీటీలో స్ట్రీమింగ్ ఎప్పుడంటే..?
సిద్ధు జొన్నలగడ్డ - అనుపమ పరమేశ్వరన్ ప్రధాన పాత్రల్లో నటించిన చిత్రం ‘టిల్లు స్క్వేర్’. త్వరలో ఇది ఓటీటీలో విడుదల కానుంది. -
మహేశ్బాబు-రాజమౌళి మూవీ.. వైరల్గా మారిన వీడియో
దర్శకధీరుడు రాజమౌళి (Rajamouli), నటుడు మహేశ్బాబు (Mahesh babu) కాంబినేషన్లో ఓ భారీ ప్రాజెక్ట్ పట్టాలెక్కనున్న విషయం తెలిసిందే. SSMB 29గా ఇది ప్రచారంలో ఉంది. -
ఇక్కడ ప్రభాస్, విష్ణు.. అక్కడ రజనీకాంత్, కమల్ హాసన్: వీరి చిత్రాల స్పెషల్ ఏంటంటే?
ప్రముఖ నటులు కొందరు కలిసి నటిస్తున్న చిత్రాలపై ప్రత్యేక కథనం. ఎవరెవరు ఏయే సినిమాల్లో నటిస్తున్నారంటే? -
నా పని తీరు నిదానమైనా.. నా సినిమాలు బలంగా మాట్లాడతాయి!
సున్నితమైన కథలతో యువతరం మెచ్చేలా సినిమాలు చేయడంలో దర్శకుడు శేఖర్ కమ్ములది అందె వేసిన చేయి. చిత్రసీమలో ఆయన ప్రయాణం మొదలై 25ఏళ్లు పూర్తవుతోంది. -
తరాలుగా తప్పని మహారణంతో... మిరాయ్
‘హను-మాన్’తో సూపర్ హీరో అనిపించుకున్న తేజ సజ్జా... సూపర్ యోధుడిగా తెరపై సందడి చేయనున్నారు. ఆయన కథానాయకుడిగా పీపుల్ మీడియా ఫ్యాక్టరీ పతాకంపై ఓ చిత్రం తెరకెక్కుతోంది. -
బయటి వాళ్లు అర్థం చేసుకోలేరు
చిత్రపరిశ్రమలోని నటీనటుల మధ్య ఉన్న స్నేహాన్ని బయటివాళ్లు ఎప్పటికీ అర్థం చేసుకోలేరని అంటోంది బాలీవుడ్ యువ కథానాయిక అనన్య పాండే. -
చిరంజీవిని కలిసిన మాస్కో బృందం
అగ్ర కథానాయకుడు చిరంజీవితో రష్యాకి చెందిన మాస్కో సాంస్కృతిక మంత్రిత్వ శాఖ ఉన్నత స్థాయి ప్రతినిధి బృందం గురువారం హైదరాబాద్లో సమావేశమైంది. -
కృష్ణ @ బృందావనం
ఆది సాయికుమార్ కథానాయకుడిగా... వీరభద్రమ్ చౌదరి దర్శకత్వంలో తెరకెక్కుతున్న చిత్రం ‘కృష్ణ ఫ్రమ్ బృందావనం’. ‘చుట్టాలబ్బాయ్’ తర్వాత ఆ కలయికలో రూపొందుతున్న చిత్రమిదే. -
మధ్య తరగతి కుటుంబ సంఘర్షణ
రాజా రవీంద్ర ప్రధాన పాత్రధారిగా... సాయిజా క్రియేషన్స్ పతాకంపై తెరకెక్కుతున్న చిత్రం ‘సారంగదరియా’. పద్మారావు అబ్బిశెట్టి దర్శకుడిగా పరిచయం అవుతున్నారు.
తాజా వార్తలు (Latest News)
-
‘విక్రమార్కుడు’, ‘బజరంగీ భాయిజాన్’ సీక్వెల్స్ అప్డేట్.. ఎంతవరకు వచ్చాయంటే!
-
సుప్రీం లీడర్ పుట్టిన రోజే ఇరాన్పై దాడులు.. అమెరికాకు చివరి క్షణంలో తెలిసిందట!
-
ఎన్నికల కోడ్ ఉల్లంఘనపై షర్మిలకు ఈసీ నోటీసులు
-
కావ్య బాధ.. శారీలో లావణ్య, మౌనీరాయ్
-
విప్రో క్యూ4 ఫలితాలు.. లాభంలో 8 శాతం క్షీణత
-
ఎర్రకోటపై కాంగ్రెస్ జెండా ఎగరడం పక్కా: సీఎం రేవంత్రెడ్డి