TeluguCinema: తేజ- శివానీ.. ‘అద్భుతం’

ఇంటర్నెట్‌ డెస్క్‌: తేజ సజ్జ, శివానీ రాజశేఖర్‌ జంటగా ఓ చిత్రం తెరకెక్కుతోంది. మల్లిక్‌ రామ్‌ దర్శకుడు. ప్రశాంత్‌ వర్మ కథ అందిస్తున్నారు. గురువారం నాయిక శివానీ పుట్టిన రోజు. ఈ సందర్భంగా ఆమెకి శుభాకాంక్షలు తెలియజేసి, టైటిల్‌, ఫస్ట్‌లుక్‌ని విడుదల చేశారు నటుడు నాని. ఈ పోస్టర్‌లో.. నాయకానాయికలు ఎవరికోసమో ఎదురుచూస్తున్నట్టు కనిపించారు. సమయం కోసం ఇద్దరూ తమ చేతికున్న వాచీని చూస్తుంటారు. ఈ చిత్రానికి ‘అద్భుతం’ అనే పేరు ఖరారైంది. మరి వీళ్ల మధ్య జరిగిన ఆ అద్భుతం ఏంటో తెలియాలంటే కొంతకాలం వేచి చూడాల్సిందే. చంద్రశేఖర్‌ నిర్మిస్తున్న ఈ సినిమాకి రథన్‌ సంగీతం అందిస్తున్నారు. ప్రముఖ నటులు జీవిత, రాజశేఖర్‌ దంపతుల తనయ ఈ శివానీ. ఈ చిత్రంతోపాటు ‘డబ్ల్యూ డబ్ల్యూ డబ్ల్యూ’లోనూ నటిస్తోందామె. గుహన్‌ దర్శకత్వం వహిస్తున్న ఈ సినిమాలో అదిత్‌ అరుణ్‌ హీరోగా నటిస్తున్నాడు.